މަނީލޯންޑަރިންގެ ކުށް ސާބިތުވެ ކުރީގެ ރައީސް އަބްދުﷲ ޔާމީން ދައުލަތައް ދައްކަން ޖެހޭ ފަސް މިލިއަން ޑޮލަރު ހުކުމާ އެއްގޮތައް ދައްކަވާފައިނުވާތީ އެ ފައިސާ ހޯދަން ކޯޓަށް ހުށައަޅުއްވާނެ ކަމަށް ބަންޑާރަ ނައިބުގެ އޮފީހުން ބުނެފިއެވެ.
ބަންޑާރަ ނައިބުގެ އޮފީހުން ބުނީ ފަސް މިލިއަން ޑޮލަރު މީރާ މެދުވެރިކޮށް ދައުލަތައް ދައްކަން ރައީސް ޔާމީންގެ މައްޗަށް ކޮށްފައިވާ ހުކުމާ އެއްގޮތަށް ފައިސާ ނުދައްކަވާތީ ކޯޓަށް ހުށައެޅުއްވުމުގެ މަސައްކަތް ފައްޓަވާފައިވާ ކަމަށެވެ.
މަނީލޯންޑަރިންގެ ކުށުގައި ރައީސް ޔާމީން ފަސް މިލިއަން ޑޮލަރުން ޖޫރިމަނާކޮށް ފަސް އަހަރަށް ޖަލަށް ލުމަށް ކޯޓުން ހުކުމްކުރީ މިދިޔަ އަހަރުގެ ނޮވެމްބަރު މަހު 28 ވަނަ ދުވަހުއެވެ. އެ ފައިސާ ދެއްކުމަށް ކޯޓުން އަންގާފައިވަނީ ހުކުމް ކުރިތާ ހަ މަސްދުވަސް ތެރޭގައެވެ. އެހެން ކަމުން ފައިސާ ދެއްކުމަށް ދީފައިވާ މުއްދަތު މެއިމަހުގެ 28 ވަނަ ދުވަހަށްވަނީ ހަމަވެފައެވެ.
"ހުކުމާ އެއްގޮތަށް ދައުލަތަށް ލިބެން ޖެހޭ ފަސް މިލިއަން ޑޮލަރު ލިބިފައިނުވާތީ އެ ފައިސާ ހޯދުމަށް ކުރަން ޖެހޭ މަސައްކަތް ގާނޫނުގައިވާ ގޮތުގެމަތިން އަޅުގަނޑު ކުރަމުން ގެންދާނަން. އެ މައްސަލަ ކޯޓަށް ހުށައެޅުމުގެ ކުރިން ފުރިހަމަ ކުރަން ޖެހޭ ކަންކަން މި ދަނީ ކުރަމުން. އަދި އެކަން ނިމުމާއެކު އެ ފައިސާ ހޯދަން ކޯޓަށް ހުށައަޅާނަން." ބަންޑާރަ ނައިބުގެ އޮފީހުން ބުނެފައިވެއެވެ.
ރައީސް ޔާމީން ވަނީ ކްރިމިނަލް ކޯޓުގެ އެ ހުކުމް ބާތިލްކުރުމަށް ހުށައަޅުއްވާފައެވެ. އަދި ހައިކޯޓުން އެ މައްސަލަ ވަކިގޮތަކަށް ނިމެންދެން ހުކުމް ތަންފީޒުކުރުން ފަސްކުރުމުގެ އަމުރަކަށްވެސް އެދިވަޑައިގެންނެވިއެވެ. ރައީސް ޔާމީން ވިދާޅުވެފައިވަނީ ޖަލުގައި ހުކުމް ތަންފީޒުކުރައްވަމުން ދައުލަތައް ދައްކަން ޖެހޭ ފަސް މިލިއަން ޑޮލަރު ދެއްކުމަކީ ފަސޭހަކަމަކަށް ނުވާނެ ކަމަށެވެ.
އެހެން ނަމަވެސް އެ މައްސަލައިގައި ހައިކޯޓުން ވަކިގޮތެއް ނިންމަންދެން އެ ހުކުމް ތަންފީޒުކުރުން ފަސްކުރުމަށް އެދި ކޯޓަށް ހުށައެޅުއްވުމުން އެ ކޯޓުން ނިންމާފައިވަނީ ހުކުމް ފަސްކުރަން އަންގަންޖެހޭފަދަ ސަބަބެއް ނެތް ކަމަށެވެ.
މަނީލޯންޑަރިންގެ ކުށުގައި ރައީސް ޔާމީން ފަސް މިލިއަން ޑޮލަރުން ޖޫރިމަނާކޮށް ފަސް އަހަރަށް ޖަލަށް ލުމަށް ކޯޓުން ހުކުމްކުރީ މިދިޔަ އަހަރުގެ ނޮވެމްބަރު މަހު 28 ވަނަ ދުވަހުއެވެ. އެ ފައިސާ ދެއްކުމަށް ކޯޓުން އަންގާފައިވަނީ ހުކުމް ކުރިތާ ހަ މަސްދުވަސް ތެރޭގައެވެ. އެހެން ކަމުން ފައިސާ ދެއްކުމަށް ދީފައިވާ މުއްދަތު މެއިމަހުގެ 28 ވަނަ ދުވަހަށްވަނީ ހަމަވެފައެވެ.
"ހުކުމާ އެއްގޮތަށް ދައުލަތަށް ލިބެން ޖެހޭ ފަސް މިލިއަން ޑޮލަރު ލިބިފައިނުވާތީ އެ ފައިސާ ހޯދުމަށް ކުރަން ޖެހޭ މަސައްކަތް ގާނޫނުގައިވާ ގޮތުގެމަތިން އަޅުގަނޑު ކުރަމުން ގެންދާނަން. އެ މައްސަލަ ކޯޓަށް ހުށައެޅުމުގެ ކުރިން ފުރިހަމަ ކުރަން ޖެހޭ ކަންކަން މި ދަނީ ކުރަމުން. އަދި އެކަން ނިމުމާއެކު އެ ފައިސާ ހޯދަން ކޯޓަށް ހުށައަޅާނަން." ބަންޑާރަ ނައިބުގެ އޮފީހުން ބުނެފައިވެއެވެ.
އެހެން ނަމަވެސް އެ މައްސަލައިގައި ހައިކޯޓުން ވަކިގޮތެއް ނިންމަންދެން އެ ހުކުމް ތަންފީޒުކުރުން ފަސްކުރުމަށް އެދި ކޯޓަށް ހުށައެޅުއްވުމުން އެ ކޯޓުން ނިންމާފައިވަނީ ހުކުމް ފަސްކުރަން އަންގަންޖެހޭފަދަ ސަބަބެއް ނެތް ކަމަށެވެ.
ކިޔުންތެރިންގެ ހިޔާލު