މަސްތުވާތަކެއްޗާއެކު ބިދޭސީންގެ ނެޓްވޯކެއް އަތުލައިގަނެ މުއްދަތުޖަހައިފިއެވެ.

ފުލުހުން ބުނެފައިވަނީ މާލެ ސިޓީގައި ބަނގުރަލާއި މަސްތުވާތަކެތީގެ އިތުރުން މަނާ ބޭހުގެ ވިޔަފާރި ކުރަމުން ދިޔަ ބަންގްލަދޭޝް ގެ 6 މީހަކު ހައްޔަރު ކޮށްފައިވާ ކަމަށެވެ.

މިދިޔަ ހުކުރު ދުވަހު ފުލުހުން ކުރިއަށް ގެންދިޔަ އޮޕަރޭޝަނުގައި ހައްޔަރު ކޮށްފައި ވަނީ އުމުރުން 28 އަހަރުގެ ދެ ފިރިހެނުންނާއި، 29 އަހަރުގެ ފިރިހެނަކާއި، 41 އަހަރަގު ފިރިހެނަކާއި، 31 އަހަރުގެ ފިރިހެނެއްގެ އިތުރުން 38 އަހަރުގެ ފިރިހެނެކެވެ.

އެމީހުންގެ ބަންދު އަމުރުގައިވާ ގޮތުން މިމީހުން ރާއްޖޭގައި އުޅެމުން ދިޔައީ ޤަވާއިދާ ޚިލާފަށެވެ.

ހައްޔަރުކުރި މީހުންގެ ބަންދާ މެދު ގޮތެއް ނިންމުމަށް ކޯޓަށް ޙާޟިރު ކުރުމުން 29 އަހަރުގެ މީހާއާއި 31 އަހަރުގެ މީހާގެ ބަންދަށް 10 ދުވަސް އަދި އެހެން އެންމެންގެ ބަންދަށް ކޯޓުން ވަނީ 15 ދުވަސް ޖަހާފައެވެ.

ފުލުހުން ބުނީ މި މައްސަލަ އިތުރަށް ތަޙުޤީޤު ކުރަމުންދާ ކަމަށެވެ.