ރާއްޖެ އިން މިއަދު އިތުރު 47 މީހަކު ކޮވިޑް-19 އަށް ޕޮޒިޓިވްވެ 30 މީހުން ބަލިން ރަނގަޅުވެއްޖެއެވެ.

މިއަދު ރާއްޖެ އިން ކޮވިޑް-19 އަށް ޕޮޒިޓިވްވެފައިވަނީ 43 ދިވެހިންނާއި ބަންގްލަދޭޝްގެ 03 މީހަކާއި އިންޑިއާ މީހެއް ކަމަށް އެޗްޕީއޭ އިން ބުނެއެވެ. މިއަދު ބަލިޖެހުނު 47 މީހުންނާއެކު މިހާރު ވަނީ ބަލިޖެހުނު މީހުންގެ އަދަދު 2664 އަށް އަރާފައެވެ. މިއަދު ބަލިން ރަނގަޅުވި 30 މީހުންނާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 2268 އަށް އަރާފައެވެ.

މިވަގުތު ފަރުވާގައި ތުބީ 368 މީހެކެވެ. އައިސޮލޭޝަންގައި 330 މީހުން ތިބިއިރު ކަރަންޓީންގައި ތިބީ 97 މީހުންނެވެ.

ކޮވިޑް ބަލީގައި ރާއްޖެ އިން މަރުވެފައިވަނީ 13 މީހުންނެވެ.