ޖިންސީ ގޯނާކުރި ކަމުގެ ތުހުމަތު ތަކާއި ގުޅިގެން މަގާމުން ވަކިކޮށްފައިވާ ކުރީގެ ޓޫރިޒަމް މިނިސްޓަރ އަލީ ވަހީދުގެ ޕާސްޕޯޓް ހިފެެހެއްޓުމަށް ކްރިމިނަލް ކޯޓުން އަމުރުކޮށްފިއެވެ.

ފުލުހުންގެ އިދާރާ އިން ބުނީ އަލީ ވަހީދުގެ މައްޗަށް ތުހުމަތު ކުރެވޭ މައްސަލައާ ގުޅިގެން ކޯޓް އަމުރެއްގެ ދަށުން އޭނާގެ ޕާސްޕޯޓް ހިފަހައްޓައި ފުުރުން މަނާކޮށްފައިވާ ކަމަށެވެ.

އަލީ ވަހީދު ވަޒީރު ކަމުން ވަކިކޮށް އޭނާގެ މައްޗަށް ތަހުގީގު ހިންގަންފެށީ އެމިނިސްޓްރީގެ މުވައްޒަފުން ތަކަކަށް ޖިންސީ ގޯނާކޮށް ޖިންސީ ފުރައްސާރަ ކުރުމުގެ ތުހުމަތު ކުރެވިގެންނެވެ. އަލީ ވަހީދު މައްޗަށް ތުހުމަތު ކުރެވޭ މައްސަލަތަކާއި ގުޅިގެން ރޭ ވަނީ އޭނާ ދިރިއުޅެމުންދިޔަ ގެ ބަލާ ފާސްކޮށްފައެވެ. އަދި އެ މައްސަލަތަކާއި ގުޅިގެން އޭނާ ފޯނާއި ލެޕްޓޮޕާއި އިލެކްޓޯނިކް ސާމާނު ވެސް ފުލުހުން ވަނީ ހިފަހައްޓާފައެވެ.