ރާއްޖޭގައި 10 އަހަރަށް ވުރެ ދިގު މުއްދަތަށް ގެއެއް ކުއްޔަށް ހިފާ ބިދޭސީންނަށް ރެޒިޑެންޓް ވިސާ ދޭ ގޮތަށް އިމިގްރޭޝަންގެ ގާނޫނަށް އިސްލާހު ގެންނަން ރައްޔިތުންގެ މަޖިލީހުގެ ރައީސް މުހައްމަދު ނަޝީދު ހުށައަޅުއްވައިފިއެވެ.
ރައީސް ނަޝީދު މިކަމަށް އެދިވަޑައިގެންފައިވަނީ އިމިގްރޭޝަންގެ ގާނޫނަށް އިސްލާހު ގެންނަން ސަރުކާރުން މަޖިލީހަށް ހުށަހެޅި ބިލް އެ ކޮމިޓީން ދިރާސާކޮށް، ރައްޔިތުންގެ މަޖިލީހުން ގޮތެއް ނިންމަން ފޮނުވުމުން އަނބުރާ ކޮމިޓީއަށް ފޮނުއްވަމުންނެވެ. ރައީސް ނަޝީދު ހުށަހަޅުއްވާ އިސްލާހާއެކު، އެ ބިލާ މެދު އަލުން ކޮމިޓީން ވިސްނުމަށް އެމަނިކުފާނު ވަނީ އެދިވަޑައިގެންފައެވެ.
އިމިގްރޭޝަން ގާނޫނު މިހާރު ބުނާގޮތުން ރެސިޑެންޓް ވިސާ ދެވޭނީ ދިވެއްސަކާ ކައިވެނި ކޮށްގެން އުޅޭ ބިދޭސީންނާއި ސަރުކާރުން ގަބޫލުކުރާ ވިޔަފާރިތަކުގައިި ބޮޑެތި އިންވެސްޓްމަންޓް ކުރާ ބިދޭސީންނަށް އެކަނި ކަމަށެވެ.
އެހެން ނަމަވެސް މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކާބެހޭ ކޮމިޓީއަށް ރައީސް ނަޝީދު ހުށައެޅުއްވީ 10 އަހަރަށް ވުރެ ދިގު މުއްދަތަކަށް ގެއެއް ކުއްޔަށް ހިފާ ބިދޭސީންނަށާއި އެއް ލައްކަ ރުފިޔާ އަށް ވުރެ ބޮޑު އިންވެސްޓްމަންޓެއް ކުރާ ބިދޭސީންނަށް ވެސް ރެސިޑެންޓް ވިސާ ދޭންޖެހޭ ގޮތަށާއި ދިިވެއްސަކާ ކައިވެނި ކުރާ ބިދޭސީންނަށް ވެސް އެ ވިސާ ލިބޭ ގޮތަށް އެމާއްދާއަށް ބަދަލު ގެނައުމަށެވެ.
އިމިގްރޭޝަންގެ ގާނޫނަށް އިސްލާހު ގެނައުމުގެ ބިލް ދިރާސާ ކުރަމުންދާ ގައުމީ ސަލާމަތާއި ޚާރިޖީ ގުޅުންތަކާ ބެހޭ ކޮމިޓީގެ އިއްޔެގެ ބައްދަލުވުމުގައި ގިނަ މެމްބަރުން ވިދާޅުވެފައިވަނީ ތަނެއް ކުއްޔަށް ހިފާ ކޮންމެ ބިދޭސީއަކަށް ރެސިޑެންޓް ވިސާ ދޭން ފަށައިފި ނަމަ، އޭގެ ނާޖާއިޒު ފައިދާ ނަގަން ފަށާފާނެ ކަމަށެވެ. ކުއްޔަށް ހިފާ މީހުންނަށް ރެސިޑެންޓް ވިސާ ދިނުމަކީ އެއްވެސް ގައުމަކުން ކުރާ ކަމެއް ނޫން ކަމަށް ވެސް މެމްބަރުން ވަނީ ވިދާޅުވެފައެވެ. އެހެން ބައެއް މެމްބަރުން ވިދާޅުވީ ތަންތަން ކުއްޔަށް ހިފާ މީހުންނަށް ރެސިޑެންޓް ވިސާ ދޭން ޖެހެނީ ރާއްޖެއަށް އިގްތިސާދީ ފައިދާތަކެއް ލިބޭ ގޮތަށް ކަމަށެވެ. އެހެންކަމުން ދިގު މުއްދަތަށް ތަނެއް ކުއްޔަށް ހިފުމުން ވިސާ ދޭންޖެހޭނީ ވަކި މިންގަނޑުތަކެއްގެ ތެރެއިން ކަމަށް މެމްބަރުން ވިދާޅުވިއެވެ.
އެހެން ގައުމުތަކުގައި އެގޮތަށް ވިސާ ދެނީ އަގު ބޮޑެތި ތަންތަން ކުއްޔަށް ހިފާ ނަމަ ކަމަށް ވެސް މެމްބަރުން ވަނީ ފާހަގަކުރައްވާފައެވެ. މިހާރު ވެސް އިމިގްރޭޝަންގެ ގާނޫނު އޮންނަ ގޮތުން ބޮޑެތި އިންވެސްޓްމަންޓްތައް ކުރާ ބިދޭސީންނަށާއި ކައިވެނިކުރާ ބިދޭސީންނަށް ރެސިޑެންޓް ވިސާ ލިބޭ ކަމަށް މެމްބަރުން ވިދާޅުވިއެވެ. އެކަންކަމުގެ އުސޫލުތައް ކަނޑައެޅުން ދޫކޮށްލަން ޖެހޭނީ ސަރުކާރުގެ އަތްމައްޗަށް ކަމަށް ވެސް އެ މެމްބަރުން ވަނީ ވިދާޅުވެފައެވެ. މެމްބަރުންގެ ޚިޔާލުތަކަށް ފަހު ކޮމިޓީން ވަނީ އިކޮނޮމިކް މިނިސްޓަރު ފައްޔާޒް އިސްމާއިލް ކޮމިޓީއަށް ހާޒިރުކޮށް، އެކަމާ ބެހޭގޮތުން މަޝްވަރާ ކުރުމަށް ނިއްމާފައެވެ.
އިމިގްރޭޝަންގެ ގާނޫނަށް އިސްލާހު ގެންނަން ސަރުކާރުން މަޖިލީހަށް ހުށަހެޅި ބިލް އެ ކޮމިޓީން ދިރާސާކޮށް، ނިންމުމަށް ފަހު މަޖިލީހުގެ ތަޅުމަށް މީގެ ކުރިން ވަނީ ފޮނުވާފައެވެ. އެކަމަކު ރައީސް ނަޝީދު ބޭނުންފުޅުވާ ގޮތަށް ބިލަށް އިސްލާހު ތަކެއް ގެނައުމަށް އެބިލު ވަނީ އަނބުރާ ކޮމިޓީއަށް ފޮނުވާލާފައެވެ. ނަޝީދު ވަނީ އެ މަނިކުފާނު ހުށަހަޅުއްވާ އިސްލާހާ އެކު، އެ ބިލާ މެދު އަލުން ވިސްނެވުމަށް މެމްބަރުންގެ ކިބައިން އެދިވަޑައިގެންފައެވެ.
އިމިގްރޭޝަން ގާނޫނު މިހާރު ބުނާގޮތުން ރެސިޑެންޓް ވިސާ ދެވޭނީ ދިވެއްސަކާ ކައިވެނި ކޮށްގެން އުޅޭ ބިދޭސީންނާއި ސަރުކާރުން ގަބޫލުކުރާ ވިޔަފާރިތަކުގައިި ބޮޑެތި އިންވެސްޓްމަންޓް ކުރާ ބިދޭސީންނަށް އެކަނި ކަމަށެވެ.
އެހެން ނަމަވެސް މަޖިލީހުގެ ގައުމީ ސަލާމަތާއި ޚާރިޖީ ގުޅުންތަކާބެހޭ ކޮމިޓީއަށް ރައީސް ނަޝީދު ހުށައެޅުއްވީ 10 އަހަރަށް ވުރެ ދިގު މުއްދަތަކަށް ގެއެއް ކުއްޔަށް ހިފާ ބިދޭސީންނަށާއި އެއް ލައްކަ ރުފިޔާ އަށް ވުރެ ބޮޑު އިންވެސްޓްމަންޓެއް ކުރާ ބިދޭސީންނަށް ވެސް ރެސިޑެންޓް ވިސާ ދޭންޖެހޭ ގޮތަށާއި ދިިވެއްސަކާ ކައިވެނި ކުރާ ބިދޭސީންނަށް ވެސް އެ ވިސާ ލިބޭ ގޮތަށް އެމާއްދާއަށް ބަދަލު ގެނައުމަށެވެ.
އިމިގްރޭޝަންގެ ގާނޫނަށް އިސްލާހު ގެނައުމުގެ ބިލް ދިރާސާ ކުރަމުންދާ ގައުމީ ސަލާމަތާއި ޚާރިޖީ ގުޅުންތަކާ ބެހޭ ކޮމިޓީގެ އިއްޔެގެ ބައްދަލުވުމުގައި ގިނަ މެމްބަރުން ވިދާޅުވެފައިވަނީ ތަނެއް ކުއްޔަށް ހިފާ ކޮންމެ ބިދޭސީއަކަށް ރެސިޑެންޓް ވިސާ ދޭން ފަށައިފި ނަމަ، އޭގެ ނާޖާއިޒު ފައިދާ ނަގަން ފަށާފާނެ ކަމަށެވެ. ކުއްޔަށް ހިފާ މީހުންނަށް ރެސިޑެންޓް ވިސާ ދިނުމަކީ އެއްވެސް ގައުމަކުން ކުރާ ކަމެއް ނޫން ކަމަށް ވެސް މެމްބަރުން ވަނީ ވިދާޅުވެފައެވެ. އެހެން ބައެއް މެމްބަރުން ވިދާޅުވީ ތަންތަން ކުއްޔަށް ހިފާ މީހުންނަށް ރެސިޑެންޓް ވިސާ ދޭން ޖެހެނީ ރާއްޖެއަށް އިގްތިސާދީ ފައިދާތަކެއް ލިބޭ ގޮތަށް ކަމަށެވެ. އެހެންކަމުން ދިގު މުއްދަތަށް ތަނެއް ކުއްޔަށް ހިފުމުން ވިސާ ދޭންޖެހޭނީ ވަކި މިންގަނޑުތަކެއްގެ ތެރެއިން ކަމަށް މެމްބަރުން ވިދާޅުވިއެވެ.
އިމިގްރޭޝަންގެ ގާނޫނަށް އިސްލާހު ގެންނަން ސަރުކާރުން މަޖިލީހަށް ހުށަހެޅި ބިލް އެ ކޮމިޓީން ދިރާސާކޮށް، ނިންމުމަށް ފަހު މަޖިލީހުގެ ތަޅުމަށް މީގެ ކުރިން ވަނީ ފޮނުވާފައެވެ. އެކަމަކު ރައީސް ނަޝީދު ބޭނުންފުޅުވާ ގޮތަށް ބިލަށް އިސްލާހު ތަކެއް ގެނައުމަށް އެބިލު ވަނީ އަނބުރާ ކޮމިޓީއަށް ފޮނުވާލާފައެވެ. ނަޝީދު ވަނީ އެ މަނިކުފާނު ހުށަހަޅުއްވާ އިސްލާހާ އެކު، އެ ބިލާ މެދު އަލުން ވިސްނެވުމަށް މެމްބަރުންގެ ކިބައިން އެދިވަޑައިގެންފައެވެ.
ކިޔުންތެރިންގެ ހިޔާލު