ރާއްޖެ އިން މިއަދު އިތުރު 14 މީހަކު ކޮވިޑް-19 އަށް ޕޮޒިޓިވްވެ އެކަކު ބަލި ރަނގަޅުވެއްޖެއެވެ.

މިއަދު ރާއްޖެ އިން ކޮވިޑް-19 އަށް ޕޮޒިޓިވްވެފައިވަނީ 10 ދިވެހިންނާއި ބަންގްލަދޭޝްގެ 03 މީހަކާއި އިންޑިއާ މީހެއް ކަމަށް އެޗްޕީއޭ އިން ބުނެއެވެ.

ުُމިއަދު ބަލިޖެހުނު 14 މީހުންނާއެކު މިހާރު ވަނީ ބަލިޖެހުނު މީހުންގެ އަދަދު 2913 އަށް އަރާފައެވެ. މިއަދު ބަލިން ރަނގަޅުވި މީހާ އާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 2340 އަކަށް އަރާފައެވެ. މިވަގުތު ބައްޔަށް ފަރުވާ ކުރަމުންދަނީ 543 މީހުންނެވެ.

އައިސޮލޭޝަންގައި 459 މީހުން ތިބިއިރު ކަރަންޓީންގައި ތިބީ 32 މީހުންނެވެ. މިހާތަނަށް ކޮވިޑް ޖެހިގެން ރާއްޖެ އިން 15 މީހަކު ވަނީ މަރުވެފައެވެ.