ރާއްޖޭ ސަރަޙައްދުގައި ޤަވާއިދާ ޚިލާފަށް މަސްވެރިކަންކުރި އިންޑިއާގެ 8 މަސްވެރިން އަނބުރާ ޤައުމަށް ފޮނުވާލައިފިއެވެ.
ރާއްޖޭގެ ޚާއްސަ އިޤްތިޞާދީ ސަރަޙައްދުގައި ޤަވާއިދާއި ޚިލާފަށް މަސްވެރިކަން ކުރަމުންދަނިކޮށް ހައްޔަރުކުރި އިންޑިއާގެ 12 މަސްވެރިން ތެރެއިން އަށް މީހަކު އިންޑިއާއަށް ފޮނުވާލީ އިއްޔެ އެވެ.
އެކަމާ ގުޅިގެން، ރާއްޖޭގައި ހުންނަ އިންޑިއާ ހައިކޮމިޝަނުން ބުނީ 12 މަސްވެރިންގެ ތެރެއިން ވަގުތުން ދާން ބޭނުންވި މީހުން މިހާރު ފޮނުވާލާފައިވާ ކަމަށެވެ.
ރާއްޖޭގެ އިކޮނޮމިކް ޒޯންގައި ޤަވާއިދާއި ޚިލާފަށް މަސްވެރިކަން ކުރަމުންދަނިކޮށް ހައްޔަރުކުރި އިންޑިއާގެ 12 މަސްވެރިން ދޫކޮށްލުމަށް އެޤައުމުގެ ޓެމިލް ނާޑޫ ސަރަހައްދުގެ ޗީފް މިނިސްޓަރ އެމްކޭ ސްޓާލިން މީގެކުރިން ވަނީ ގޮވާލައްވާފައެވެ.
ސްޓާލިން ވަނީ މިދިޔަ ހޯމަ ދުވަހު އިންޑިއާގެ ޔޫނިއަން މިނިސްޓަރު އޮފް އެކްސްޓާނަލް އެފެއާޒް އެސް. ޖައިޝަންކަރަށް ސިޓީއެއް ލިޔުއްވައި، ދިވެހި ސަރުކާރުގެ ބެލުމުގެ ދަށުގައި ތިބި ޓެމިލް ނާޑޫގެ 12 މަސްވެރިންގެ މައްޗަށް ކޮށްފައިވާ އަދަބު މައާފުކޮށްދެއްވުމަށް ދިވެހި ސަރުކާރާއި ވާހަކަދެއްކެވުމަށް އެދިވަޑައިގަންނަވާފައެވެ.
އެގޮތުން މަސްވެރިންނާއި އެމީހުންގެ އާއިލާތައް ދިރިއުޅުމަށް ބަރޯސާވެފައިވަނީ ހަމައެކަނި މަސްވެރިކަމުގެ މައްޗަށް ކަމަށާއި، އެމީހުންގެ ކިބައިގައި ބޮޑު ޖޫރިމަނާއަކަށް ފައިސާ ދެއްކުމުގެ ގާބިލުކަން ނެތް ކަމަށް ސިޓީގައި ވިދާޅުވެފައިވެއެވެ.
"އެއީ އެމީހުންނާއި އެމީހުންގެ އާއިލާތައް ދާއިމީ ގޮތެއްގައި ނިކަމެތި ކުރުމުގެ ބިރު އޮތް ކަމެއް،" ޗީފް މިނިސްޓަރު އޭނާގެ ސިޓީގައި ފާހަގަކުރައްވާފައި ވެއެވެ.
މިދިޔަ އޮކްޓޯބަރު މަހުގެ 23 ވަނަ ދުވަހު އެމްއެންޑީއެފްގެ ކޯސްޓް ގާޑުން ވަނީ ރާއްޖޭގެ އިކޮނޮމިކް ޒޯންގައި މަސްވެރިކަން ކުރަމުންދިޔަ އުޅަނދެއްގައި ތިބި 12 އިންޑިއާ މީހުން ހައްޔަރުކޮށްފައެވެ. އެއާއިއެކު، ދިވެހި ސަރުކާރުން ވަނީ އެ ގައުމުގެ މަސްވެރި އުޅަނދު 420000 ރުފިޔާއިން ޖޫރިމަނާކޮށްފައެވެ. އަދި ސަރުކާރަށް އެ އަދަދު ދައްކަން 30 ދުވަހުގެ ނޯޓިސްއެއްވެސް ވަނީ ދީފައެވެ.
އެކަމާ ގުޅިގެން، ރާއްޖޭގައި ހުންނަ އިންޑިއާ ހައިކޮމިޝަނުން ބުނީ 12 މަސްވެރިންގެ ތެރެއިން ވަގުތުން ދާން ބޭނުންވި މީހުން މިހާރު ފޮނުވާލާފައިވާ ކަމަށެވެ.
ރާއްޖޭގެ އިކޮނޮމިކް ޒޯންގައި ޤަވާއިދާއި ޚިލާފަށް މަސްވެރިކަން ކުރަމުންދަނިކޮށް ހައްޔަރުކުރި އިންޑިއާގެ 12 މަސްވެރިން ދޫކޮށްލުމަށް އެޤައުމުގެ ޓެމިލް ނާޑޫ ސަރަހައްދުގެ ޗީފް މިނިސްޓަރ އެމްކޭ ސްޓާލިން މީގެކުރިން ވަނީ ގޮވާލައްވާފައެވެ.
އެގޮތުން މަސްވެރިންނާއި އެމީހުންގެ އާއިލާތައް ދިރިއުޅުމަށް ބަރޯސާވެފައިވަނީ ހަމައެކަނި މަސްވެރިކަމުގެ މައްޗަށް ކަމަށާއި، އެމީހުންގެ ކިބައިގައި ބޮޑު ޖޫރިމަނާއަކަށް ފައިސާ ދެއްކުމުގެ ގާބިލުކަން ނެތް ކަމަށް ސިޓީގައި ވިދާޅުވެފައިވެއެވެ.
"އެއީ އެމީހުންނާއި އެމީހުންގެ އާއިލާތައް ދާއިމީ ގޮތެއްގައި ނިކަމެތި ކުރުމުގެ ބިރު އޮތް ކަމެއް،" ޗީފް މިނިސްޓަރު އޭނާގެ ސިޓީގައި ފާހަގަކުރައްވާފައި ވެއެވެ.
މިދިޔަ އޮކްޓޯބަރު މަހުގެ 23 ވަނަ ދުވަހު އެމްއެންޑީއެފްގެ ކޯސްޓް ގާޑުން ވަނީ ރާއްޖޭގެ އިކޮނޮމިކް ޒޯންގައި މަސްވެރިކަން ކުރަމުންދިޔަ އުޅަނދެއްގައި ތިބި 12 އިންޑިއާ މީހުން ހައްޔަރުކޮށްފައެވެ. އެއާއިއެކު، ދިވެހި ސަރުކާރުން ވަނީ އެ ގައުމުގެ މަސްވެރި އުޅަނދު 420000 ރުފިޔާއިން ޖޫރިމަނާކޮށްފައެވެ. އަދި ސަރުކާރަށް އެ އަދަދު ދައްކަން 30 ދުވަހުގެ ނޯޓިސްއެއްވެސް ވަނީ ދީފައެވެ.
ކިޔުންތެރިންގެ ހިޔާލު