އިހަވަންދިއްޕޮޅާއި ލ. އަތޮޅުގައި ކޮމާޝަލް ޕޯޓެއް ހެދުމުގެ މަސައްކަތް ފެށުމަށް ތައްޔާރުވަމުންދާ ކަމަށް ސަރުކާރުން ހާމަކޮށްފިއެވެ.

އިޤްތިޞާދީ ވަޒީރު މުޙައްމަދު ސަޢީދު މިއަދު ވިދާޅުވީ ލ. ގާދޫ ކައިރީގައި ތަރައްގީކުރާ ކޮމާޝަލްޕޯޓާއި، ޕޯޓާއި ލޮޖިސްޓިކްސް ހިމެނޭގޮތައް އިހަވަންދިއްޕޮޅުގެ އިންޓަގްރޭޓެޑް ޑިވެލޮޕްމަންޓް ޕްރޮޖެކްޓާއި މާލޭ ކޮމާޝަލްޕޯޓުގެ މަސައްކަތްތައް ވަރަށް އަވަހަށް އިއުލާނު ކުރާނެ ކަމަށެވެ.

ސަޢީދު ވިދާޅުވީ މިއީ ރައީސް ޑރ. މުޢިއްޒުގެ ސަރުކާރުގެ ފުރަތަމަ 100 ދުވަހުގެ ތެރޭގައި ހިމެނޭ ވަޢުދުތައް ކަމަށެވެ.

ރައީސް ޑރ މުއިއްޒުގެ ހަފްތާ14ގެ ހިމެނޭ ބައެއް މަސައްކަތުގެތެރެއިން، ލ ގާދޫކައިރީތަރައްގީކުރާ ކޮމާޝަލްޕޯޓާއި،ޕޯޓާއިލޮޖިސްޓިކްސް ހިމެނޭގޮތައް އިހަވަންދިއްޕޮޅުގެ އިންޓަގްރޭޓެޑް ޑިވެލޮޕްމަންޓް ޕްރޮޖެކުޓް އަދިމާލޭ ކޮމާޝަލްޕޯޓުގެ މަސައްކަތްތައް ކުރިއަށްދާނެ.ވ އަވަހަށްއިއުލާނުކުރާނަން pic.twitter.com/F6fPqiyB4M

— Mohamed Saeed (@em_saeed) November 27, 2023

މި ޕްރޮޖެކްޓްތަކުގެ ތެރެއިން އިހަވަންދިއްޕޮޅުގައި ތަރައްގީކުރާ ޕޯޓް ސިޓީގައި ތެލުގެ ގައުމީ ސްޓްރެޓެޖިކް ރިޒާވެއް ޤާއިމުކޮށް ބަންކަރިން ހިދުމަތާ އެކު، ޝިޕިން އެޖެންސީ އާއި ކްރޫ ޗޭންޖާއި ޝިޕް ހޭންޑްލިންގެ ޚިދުމަތް ފޯރުކޮށްދޭނެއެވެ.

އޭގެ އިތުރުން ގާދޫގައި ތަރައްޤީކުރާ ޓްރާންޝިޕްމެންޓް ބަނދަރުން ބަންކަރިން ހިދުމަތް ފޯރުކޮށްދިނުމަށްވެސް ހަމަޖެހިފައިވެއެވެ.