ޖޭއެސްސީ އިން ފަނޑިޔާރުން ވަކިކޮށް ސަސްޕެންޑު ކުރަމުންދަނީ ސިޔާސީ ބަދަލުހިފުމާއި، ހަސަދަވެރިކަން އިސްކޮށް ސީދާ ޤާނޫނާއި ހިލާފަށް ކަމަށާއި އެގޮތަށް ވަކިކުރާ ފަނޑިޔާރުން އަދި ޢިއްޒަތުގައި ފަނޑިޔާރުކަން ކުރައްވާނެ ކަމަށް ކުރީގެ އިސްލާމިކް މިނިސްޓަރު ޑރ.މުހަންމަދު ޝަހީމް އަލީ ސައީދު ވިދާޅުވެއްޖެއެވެ.
އިސްލާމިކް ޔުނިވަސިޓީގެ ޗާންސެލަރކަން ފުރަތަމަ ކުރެއްވި ޑރ.މުހަންމަދު ޝަހީމް ކުރެއްވި ޓުވީޓެއްގައި ވިދާޅުވީ، ޖޭއެސްސީ އިން ފަނޑިޔާރުން ވަކިކޮށް ސަސްޕެންޑު ކުރަމުންދަނީ ސިޔާސީ ބަދަލުހިފުމާއި، ހަސަދަވެރިކަން އިސްކޮށް ސީދާ ޤާނޫނާއި ހިލާފަށް ކަމަށެވެ.
"މާތް ﷲ އިރާދަކުރެއްވިޔާ، މިގޮތަށް ވަކިކުރެވޭ ބޭފުޅުން އިއްޒަތުގައި އަދި ރާއްޖޭގެ ފަނޑިޔާރު ކަން ކުރައްވާނެ، ދެރަނުވާށެވެ.!" މަގާމުން ވަކިކޮށް ސަސްޕެންޑް ކޮށްފައިވާ ފަނޑިޔާރުންނަށް ހިތްވަރު ދެއްވަމުން ޝަހީމް ވިދާޅުވިއެވެ.
ރައީސް ނަޝީދާއި ނަޝީދުގެ ވަކީލުންގެ ޓީމުގައި ހިމެނިވަޑައިގެންނެވި ގިނަ ބޭފުޅުން މިހާރު މެންބަރުންގެ ގޮތުގައި ތިއްބެވި ޖޫޑީޝަލް ސަރވިސަސް ކޮމިޝަން، ޖޭއެސްސީ އިން މިހާތަނަށް ވަނީ ރާއްޖޭގެ އެންމެ މަތީ ކޯޓުން ފެށިގެން މެޖިސްޓްރޭޓް ކޯޓުތަކުގައި މަސައްކަތް ކުރައްވާ ގިނަ އަދަދެއްގެ ފަނޑިޔާރުންގެ ސުލޫކީ މައްސަލަތައް ބަލައި އެމީހުން ސަސްޕެނޑްކޮށް، ގިނަ ބަޔަކު ވަޒީފާއިން ވަކިވެސް ކޮށްފައެވެ. އޭގެ ތެރެއިން ބައެއް ފަނޑިޔާރުން މަގާމުން ވަކިކުރުމަށް ނިއްމައި މަޖިލީހަށް ފޮނުވުމާއެކު ގިނަ ފަނޑިޔާރުން ވަނީ އިސްތިއުފާ ދެއްވާފައެވެ.
ރައީސް ނަޝީދާއި ނަޝީދުގެ ވަކީލުންގެ ޓީމުގައި ހިމެނިވަޑައިގެންނެވި ގިނަ ބޭފުޅުން މިހާރު މެންބަރުންގެ ގޮތުގައި ތިއްބެވި ޖޫޑީޝަލް ސަރވިސަސް ކޮމިޝަން، ޖޭއެސްސީ އިން މިހާތަނަށް ވަނީ ރާއްޖޭގެ އެންމެ މަތީ ކޯޓުން ފެށިގެން މެޖިސްޓްރޭޓް ކޯޓުތަކުގައި މަސައްކަތް ކުރައްވާ ގިނަ އަދަދެއްގެ ފަނޑިޔާރުންގެ ސުލޫކީ މައްސަލަތައް ބަލައި އެމީހުން ސަސްޕެނޑްކޮށް، ގިނަ ބަޔަކު ވަޒީފާއިން ވަކިވެސް ކޮށްފައެވެ. އޭގެ ތެރެއިން ބައެއް ފަނޑިޔާރުން މަގާމުން ވަކިކުރުމަށް ނިއްމައި މަޖިލީހަށް ފޮނުވުމާއެކު ގިނަ ފަނޑިޔާރުން ވަނީ އިސްތިއުފާ ދެއްވާފައެވެ.
ކިޔުންތެރިންގެ ހިޔާލު