ކުވޭތުގެ އަމީރު އައްޝައިޚް ނަވާފް އަލްއަޙްމަދު އަލްޖާބިރު އައްޞަބާޙަކީ ރާއްޖެއާއި ކުވޭތުގެ ގުޅުން ބަދަހިކުރުމަށް މުހިއްމު މަސައްކަތްތަކެއް ކުރެއްވި ބޭފުޅެއްކަމަށް ރައީސުލްޖުމްހޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.

އެމަނިކުފާނު މިހެން ވިދާޅުވީ ކުވޭތުގެ އަމީރު އައްޝައިޚް ނަވާފް އަލްއަޙްމަދު އަލްޖާބިރު އައްޞަބާޙް އަވަހާރަވުމުގެ ހިތާމައިގައި ފޮނުއްވި ތައުޒިޔާގެ މެސެޖެއްގައެވެ.

Deeply saddened to hear about the passing away of Kuwait’s Amir Sheikh Nawaf Al-Ahmad Al-Jaber Al-Sabah. I extend my heartfelt condolences to his family and the people of Kuwait. Maldives will always remember Amir Sheihk Nawaf’s efforts in building and expanding the bilateral…

— Dr Mohamed Muizzu (@MMuizzu) December 16, 2023

ރައީސްގެ މެސެޖުގައި ވަނީ ކުވޭތުގެ އަމީރު އައްޝައިޚް ނަވާފް އަލްއަޙްމަދު އަލްޖާބިރު އައްޞަބާޙް އަވަހާރަވުމުގެ ހިތާމައިގައި އެމަނިކުފާނުގެ އާއިލާގެ ބޭފުޅުންނާއި ކުވެއިތުގެ ރައްޔިތުންނަށް ތައުޒިޔާ ވިދާޅުވެފައެވެ. އަދި ރާއްޖެއާއި ކުވޭތުގެ ގުޅުން ބަދަހިކުރުމަށް މުހިއްމު މަސައްކަތްތަކެއް ޝައިހް ނަވާފު ކުރެއްވިކަމަށް ވިދާޅުވެ ރައީސް ވަނީ އެކަން ފާހަަގަވެސް ކުރައްވާފައެވެ.

ކުވޭތުގެ އަމީރު އައްޝައިޚް ނަވާފް އަލްއަޙްމަދު އަލްޖާބިރު އައްޞަބާޙް މިއަދު އަވަހާރަވުމުގެ ހިތާމައިގައި، 2023 ޑިސެންބަރު 17 ވާ އާދީއްތަ ދުވަހުން ފެށިގެން 2023 ޑިސެންބަރު 19 ވާ އަންގާރަ ދުވަހުގެ ނިޔަލަށް ދިވެހި ޤައުމީ ދިދަ ބައިދަނޑިއަށް ތިރިކުރެއްވުމަށްވެސް ރައީސުލްޖުމްހޫރިއްޔާ ވަނީ ހަމަޖައްސަވާފައެވެ.

އުމުރުން 86 އަހަރުގެ ޝައިހް ނަވާފު އަވަހާރަވީ މިއަދުގެ ވަގުތެއްގައެވެ.