ކޯވިޑް-19 އަށް ރާއްޖެއިން އިތުރު 55 މީހަކު ޕޮޒިޓިވްވެ، 70 މީހަކު ބަލިން ރަނގަޅުވެއްޖެއެވެ.

އެޗްޕީއޭއިން ބުނީ މިއަދު ޕޮޒިޓިވްވި 55 މީހުންގެ ތެރޭގައި ހިމެނެނީ 31 ދިވެހިންނާއި، 21 ބަނގްލަދޭޝް މީހުންނާއި އިންޑިއާ ދެ މީހުންގެ އިތުރުން ސްރީލަންކާ މީހެކެވެ. މިއާއެކު ރާއްޖެއިން ޕޮޒިޓިވްވި މީހުންގެ ޖުމްލަ އަދަދު މިވަނީ 3175 އަށް އަރާފައެވެ.

ރާއްޖެއިން މިހާރު 2498 މީހުން ރަނގަޅުވެފައި ވާއިރު، މިވަގުތު އައިސޮލޭޝަން ފެސިލިޓީތަކުގައި ތިބީ 531 މީހުން ކަމަށާއި، އެކްޓިވް ކޭސްތަކުގެ ގޮތުގައި ތިބީ 647 މީހުންކަމަށް އެޗްޕީއޭއިން ވަނީ ބުނެފައެވެ.

މިހާތަނަށް އައި އިރު ރާއްޖެއިން މި ބަލި ޖެހިގެން 15 މީހަކު މަރުވެފައި ވާއިރު، އޭގެ ތެރޭގައި ހިމެނެނީ 10 ދިވެހިންނާއި 5 ބިދޭސީންނެވެ.