ހުތުބާކިޔާ މީހާ ފެންނާނެހެން އިސްލާމީ މަރުކަޒުގެ ހުރިހާ ފަންގިފިލާއެއްގައި ޓީވީ ހަރުކުރަން ނިންމާފައިވާކަމަށް އިސްލާމިކް މިނިސްްޓަރ ޑރ. މުހައްމަދު ޝަހީމް އަލީ ސައީދު ވިދާޅުވެއްޖެއެވެ.

ޝަހީމް މިހެން ވިދާޅުވީ މިއަދު އިސްލާމީ މަރުކަޒުގައި އިމާމުވެ ހުކުރު ނަމާދު ކުރެއްވުމަށްފަހު ކުރެއްވި ޓްވީޓެއްގައެވެ.

ޝަހީމް ވިދާޅުވީ އިސްލާމީ މަރުކަޒުގައި ހުރިހައި ފަންގިފިލާ ތަކަށް އިމާމު ނުވަތަ ޚުޠުބާ ކިޔާ މީހާ ފެންނަ ގޮތަށް ހުރިހާ ފަންގިފިލާ އެއްގައި 98 އިންޗި ބޮޑު ސްމާޓް ޓީވީ ސްކްރީން ހަރުކުރަން ނިންމާފައިވާކަމަށެވެ.

"އިންޝާ ﷲ ވަރަށް އަވަހަށް މަސައްކަތް ފަށާނެ،" ޝަހީމް ވިދާޅުވިއެވެ.

Khuthuba kiyaa meehaa fennan hurumaki Shauquverikan boduvaane kameh. Khuthuba adu ahan ithuru samaalu kan dheyne. Adhi ishaaraathuge bahun screen in fennaane. Khaassa ehee ah beynunvaa kudhinah khuthuba bunedheveyne.

— Mohamed Shaheem Ali Saeed (@Mohamedshaheem1) December 22, 2023

ޝަހީމް ވިދާޅުވީ ހުތުބާ ކިޔާ މީހާ ފެންނަން ހުރުމަކީ ޝައުގުވެރިކަން ބޮޑުވާނެކަމެެއްކަމަށާއި، އެކަމުގެ ސަބަބުން ހުތުބާ އަޑު އަހަން އިތުރު ސަމާލުކަން ދޭނެކަމަށެވެ. އަދި އިޝާރާތުގެ ބަހުން ސްކްރީނުން ފެންނާނެކަމަށާއި އޭރުން ހާއްސަ އެހީއަށް ބޭނުންވާ ކުދިންނަށް ހުތުބާ ބުނެދެވޭނެކަމަށެވެ.