އެސްޓީއޯ އަދި އެލައިޑުން ގައުމީ އެއްބައިވަންތަކަމުގެ ދުވަސް ފާހަގަކުރުމުގެ ގޮތުންނާއި ސުނާމީ ކާރިސާގައި ނިޔާވި އަދި ގެއްލުނު މީހުންގެ ހަނދާނުގައި 1 މިނިޓުގެ ސުކޫތެއް ގެނެސްފިއެވެ.

އެގޮތުން މިއަދު ހެނދުނު އެސްޓީއޯ އަދި އެލައިޑުގެ މައި އޮފީހުގެ އިތުރުން އެސްޓީއޯގެ ހުރިހާ އައުޓްލެޓްތަކެއްގައި މަސައްކަތް ކުރާ މުވައްޒަފުން ވަނީ މަގުމައްޗަށް ނިކުމެއް އެއްބައިވަންތަ ކަން ރަމްޒުކޮށްދީ ހިމޭންކަމުގެ ވަގުތުކޮޅެއް ގެނެސްފައެވެ.

At 9:23 AM today, #teamSTO, spanning all outlets and work sites, gathered outside their respective offices in a unified stance. Together, we observed a moment of silence, marking the first Tsunami wave in 2004. Our collective spirit stands strong in remembrance and unity.🇲🇻 pic.twitter.com/j863Nf7B64

— STO (@stoplc) December 26, 2023

މިހިމޭންކަމުގެ ވަގުތުކޮޅުން ރަމްޒުކޮށްދިނީ 2004 ވަނަ އަހަރުގެ ސުނާމީ ކާރިސާގައި ރާއްޖެއަށް ކުރިމަތިވި ހިތްދަތިކަމުން އަރައިގަތުމަށް، ދިވެހި ރައްޔިތުން ދެއްކި ނަމޫނާ އާއި، ސުނާމީ ކާރިސާގައި ނިޔާވި އަދި ގެއްލުނު މީހުންގެ ހަނދާން ކުރުމެވެ.

Today, we stood together for a moment of silence, remembering the strength that emerged during challenging times and honoring lives lost. #NationalUnityDay 🇲🇻 🕊️ pic.twitter.com/kAuqTGofYl

— Allied Insurance (@alliedmv) December 26, 2023

ހަމަހިމޭންކަމުގެ މި ވަގުތުކޮޅު ފާހަގަކޮށްފަައިވަނީ ސުނާމީގެ ރާޅު 2004 ވަނަ އަހަރު ރާއްޖެއަށް އެރިކަމަށް ރިކޯޑްކުރެވިފައިވާ ގަޑިކަމުގައިވާ ހެނދުނު 9:23ގައެވެ.

ސުނާމީ ކާރިސާއަށްފަހު ރާއްޖޭގައި ކޮންމެ އަހަރެއްގެ ޑިސެންބަރު މަހުގެ 26 ވަނަ ދުވަސް ފާހަގަކުރަނީ ޤައުމީ އެއްބައިވަންތަކަމުގެ ދުވަހުގެ ގޮތުގައެވެ. މިދުވަސް ފާހަގަ ކުރަނީ ސުނާމީ ކާރިސާގައި ދިވެހިން ދައްކައިދިން އެއްބައިވަންތަކަމުގެ ރަމްޒެއްގެ ގޮތުންނެވެ.