ރާއްޖެ އިން މިއަދު އިތުރު 50 މީހަކު ކޮވިޑް-19 އަށް ޕޮޒިޓިވްވެއްޖެއެވެ.

އެޗްޕީއޭ އިން ބުނީ މިއަދު ރާއްޖެ އިން ކޮވިޑް-19 އަށް ޕޮޒިޓިވްވެފައިވަނީ 34 ދިވެހިންނާއި ބަންގްލަދޭޝްގެ 14 މީހަކާއި އިންޑިއާގެ 2 މީހެއް ކަމަށް އެޗްޕީއޭ އިން ބުނެއެވެ. މިއަދު ބަލިޖެހުނު 50 މީހުންނާއެކު މިހާރު ބަލިޖެހުނު މީހުންގެ އަދަދު 3302 އަށް ވަނީ އަރާފައެވެ.

މިއަދު ބަލިން އެއްވެސް މީހަކު ރަނގަޅުވެފައެއް ނުވެއެވެ. ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 2534 އަށް އަރާފައެވެ. މިވަގުތު ބައްޔަށް ފަރުވާ ކުރަމުންދަނީ 738 މީހުންނެވެ. އައިސޮލޭޝަންގައި 574 މީހުން އެބަތިއްބެވެ. ކޮވިޑް ބަލީގައި ރާއްޖެ އިން 15 މީހުން ވަނީ މަރުވެފައެވެ.