ދިވެހިރާއްޖޭގެ ބާ ކައުންސިލްގެ ރައީސް އިސްމާއީލް ވިޝާމް ކުއްލި ގޮތަކަށް މިރޭ އަވަހާރަވެއްޖެއެވެ.

މައުލޫމާތު ލިބިފައިވާ ގޮތުގައި އޭނާ އަވަހާރަވީ ހާޓް އެޓޭކެއް ޖެހިގެނެވެ. މިކަން ހިނގިއިރު ވިޝާމް ގެންދެވީ ކަކުލުގެ އޮޕަރޭޝަނެއް ކުރެއްވުމަށްފަހު ފަރުވާ ހޯއްދަވަމުންކަމަށް ވެސް ވަނީ މައުލޫމާތު ލިބިފައެވެ. ނަމަވެސް އިތުރު މައުލޫމާތެއް އަދި ސާފުވެފައެއް ނުވެއެވެ.

އެސިސްޓެންޓް އެޓަރނީ ޖެނެރަލްގެ މަގާމު ވެސް މީގެކުރިން އަދާކުރައްވާފައިވާ ވިޝާމްއަކީ ގާނޫނީ ބޮޑެތި މައްސަލަތަކުގައި ވަކާލާތު ކުރައްވާފައިވާ އެ ދާއިރާގެ ތަޖުރިބާކާރު ބޭފުޅެކެވެ.