ކޮވިޑް-19 އާ ގުޅިގެން ރާއްޖޭގެ ޙާލަތު އިތުރަށް ގޯސްވުމަށް ފުރުސަތު ނުދިނުމަށް ނައިބްރައީސް ފައިސަލް ނަސީމް މިރޭ އިލްތިމާސް ކުރައްވައިފިއެވެ.

ނައިބްރައީސް ފައިސަލް ނަސީމް ކުރެއްވި ޓްވީޓެއްގައި ވިދާޅުވީ، ކޮވިޑް-19 އާ ގުޅިގެން ޖަމާއަތުގައި ނަމާދު ނުކުރެވި، ސުކޫލުތައްވެސް ބަންދުކުރަން ޖެހުނު ކަމަށެވެ. އަދި ވިޔަފާރިތައް ހުއްޓި އެންމެން ގޭގައި ބަންދުވުމުގެ ގެއްލުން އެންމެންވެސް ތަޙައްމަލު ކުރަން ޖެހުނުކަމަށް ނައިބް ރައީސވިދާޅުވިއެވެ.

ނައިބް ރައީސް ފައިސަލް ނަސީމް ވަނީ އިތުރަށް ރާއްޖޭގެ ޙާލަތު މިއަށްވުރެ ގޯސްވެގެން ދިއުމަށް ފުރުސަތު ނުދިނުމަށް އެދިވަޑައިގެންފައެވެ.އަދި ކޮވިޑް-19 ގެ ވަބާއިން ސަލާމަތްވުމަށް އެންމެން އެކުގައި މަސައްކަތް ކުރަން ޖެހޭކަމަށް އެމަނިކުފާނު ވިދާޅުވިއެވެ.

Jamaa'athuga namaadhu nukurevi, school thah bandhuve, viyafaari thah hutti, emmen geyga bandhu vumuge gellun alhugandumen emmenah vanee thahammal kurevifai.

Haalath ithurah goas vumah furusathu nudhevva. #Covid19 ge vaba in salaamai vumah emmen ekee masakai kuramaa.

— Faisal Naseem (@FaisalNasym) July 29, 2020

ކޮވިޑް-19 އާ ގުޅިގެން އަޅާފައިވާ ފުރަބަންދުގެ ޙާލަތަށް ލުއިދިނުމުގެ 3 ވަނަ މަރުޙަލާ ފެށުނު ފަހުން، ގިނަ އަދަދެއްގެ ބަޔަކު ވަނީ ބައްޔަށް ޕޮޒިޓިވްވެފައެވެ. އަދި މި ފަހުން ފެންނަމުންދާ ކޭސްތަކުގެ ތެރޭގައި ގިނަ އަދަދެއްގެ ދިވެހިންވެސް ހިމެނޭ ކަން ފާހަަގަކޮށްލެވެއެވެ.

އިއްޔެ އިތުރު 137 މީހަކު ކޮވިޑް-19 އަށް ޕޮޒިޓިވްވެފައިވާއިރު، އޭގެ ތެރެއިންވެސް 92 މީހުންނަކީ ދިވެހިންނެވެ.