ވެރިކަމުގައި ހުންނަ މީހަކީ އަމަލާއި ބަހުންވެސް ތެދުވެރި އިޚްލާސްތެރި މީހަކަށް ވާންޖެހޭ ކަމުގައި ކުރީގެ ފެނަކައިގެ މެނޭޖިން ޑިރެކްޓަރ މުހައްމަދު ނިމާލް ވިދާޅުވެއްޖެއެވެ.
އިހުތިޖާޖު ކުރުމާއި ޚިޔާލު ފާޅުކުރުމަކީ ޤާނޫނު އަސާސީން ކޮންމެ ރައްޔިތަކަށް ލިބިގެންވާ ހައްގަކަށްވާއިރު މިހައްގު ހޯދުމަށް އެންމެ ބޮޑަށް ވަކާލާތުކުރެެއްވިކަމަށް ވިދާޅުވި ބޭފުޅުން މިއަދު ވެރިކަމަށް ވަޑައިގެން އަމަލުކުރަމުންދަނީ ވަރަށް ނާތަހުޒީބު ގޮތަކަށް ކަމުގައި ނިމާލު ވިދާޅުވިއެވެ. ޤައުމުގެ ވެރިއަކަށް ހުންނަ މީހަކީ ރައްޔިތުންނަށް ތެދުވެރި އިހުލާސްތެރި މީހަކަށް ވާންޖެހޭއިރު، އޮޅުވާލުމާއި މަކަރު ވެރިކަމުގެ ތެރެއިން ކަންކަން ކުރުމަކީ ވެރިކަމުގައި ހުންނަ މީހެއްގެ އިހުލާސްތެރިކަން ގެއްލިގެންދާނެ ކަމެއްކަމުގައި ނިމާލު ވިދާޅުވިއެވެ.
މިއަދު ރާއްޖޭގެ ވެރިކަމުގައި ހުންނެވި ރައީސް އިބްރާހިމް މުހައްމަދު ޞާލިހުގެ ކިބައިން މަޢާފްކުރުމާއި އިހުތިރާމު ކުރުމުގެ އެއްވެސް ސިފައެއް ނުފެންނަ ކަމަށާއި ފެނިގެންދަނީ ހީލަތްތެރިކަމާއިއެކު ކަންކަން ހާސިލް ކުރައްވަން މަސައްކަތް ކުރައްވާ މަންޒަރުކަމަށް ނިމާލު ވިދާޅުވިއެވެ.
"ގައުމުގެ ވެރިއަކަށް ހުންނަ މީހަކީ އަމަލާއި ބަސް ދިމާވާ މީހަކަށް ވާންޖެހޭ. މާފު ކުރުމާއި ހިތްތިރިކުރުން މީ ހަމަ އެކަނި މީހަކު ލިޔެދިނީތީ ކިޔާލާ ހުވަފެނީ ބަސްތަކަކަށްވުރެ ނަފުސު ހަރުދަނާ ވާންވާނެ. ހީލަތްތެރިކަން ދޫކޮށްލަން ރައީސް އިބްރާހިމް މުހައްމަދު ޞާލިހުއަށް ގޮވާލަން." ނިމާލު ވިދާޅިވެއެވެ.
މިދިޔަ އާދީއްތަ ދުވަހުގެ ރޭ އިދިކޮޅު ފަރާތްތަކުން މާލޭގައި ކުރި މުޒާހަރާ އާއި ގުޅިގެން ފުލުހުންގެ އިދާރާއަށް ހާޒިރުވުމަށް އެންގި ހޯރަފުށީ ދާއިރާގެ ކުރީގެ މެމްބަރު މުހައްމަދު އިސްމާއިލާއި ޕީއެންސީގެ ނައިބު ރައީސް މުހައްމަދު ނިމާލް އެ އިދާރާއަށް ހާޒިރުވުމަށް އެންގި އެންގުން ވަނީ ފަހުން ފަސްކޮށްފައެވެ. އެދެބޭފުޅުންގެ މައްޗަށް ކޮށްފައިވާ ތުހުމަތަކީ ގާނޫނުއަސާސީގައި ބަޔާންކުރާ އެއްތަނުން އަނެއް ތަނަށް ދިއުމުގެ މިނިވަންކަމަށް ހުރަސްއެޅޭ ގޮތަށް، މަގުގައި ހިނގާ މީހުންނާއި ދުއްވާ މީހުންނާއި ގާނޫނު ތަންފީޒުކުރާ މުވައްޒަފުންގެ އިތުރުން ދައުލަތުގެ މަސައްކަތް ކުރުމަށް ދަތިކޮށް، ހުރަސް އެޅި ކަމުގެ ތުހުމަތު ކަމަށް ފުލުހުން ފޮނުވި ޗިޓުގައި ބުނެފައިވެއެވެ.
މިދިޔަ އާދީއްތަ ދުވަހުގެ ރޭ ޕީޕީއެމް/ޕީއެންސީގެ ލީޑަޝިޕްގެ އިސް ބައެއް ބޭފުޅުންނާ އެކު، އިދިކޮޅު ފަރާތްތަކުން މުޒާހަރާ ފެށީ މަޖީދީ މަގާއި ޗާންދަނީ މަގު ގުޅޭ ކަންމަތީގައެވެ. އެކަމަކު، އެސަރަހައްދަށް އެއްވި މީހުންނަށް ފުލުހުން ވަނީ ހުރަސް އަޅައިފައެވެ.
މިއަދު ރާއްޖޭގެ ވެރިކަމުގައި ހުންނެވި ރައީސް އިބްރާހިމް މުހައްމަދު ޞާލިހުގެ ކިބައިން މަޢާފްކުރުމާއި އިހުތިރާމު ކުރުމުގެ އެއްވެސް ސިފައެއް ނުފެންނަ ކަމަށާއި ފެނިގެންދަނީ ހީލަތްތެރިކަމާއިއެކު ކަންކަން ހާސިލް ކުރައްވަން މަސައްކަތް ކުރައްވާ މަންޒަރުކަމަށް ނިމާލު ވިދާޅުވިއެވެ.
"ގައުމުގެ ވެރިއަކަށް ހުންނަ މީހަކީ އަމަލާއި ބަސް ދިމާވާ މީހަކަށް ވާންޖެހޭ. މާފު ކުރުމާއި ހިތްތިރިކުރުން މީ ހަމަ އެކަނި މީހަކު ލިޔެދިނީތީ ކިޔާލާ ހުވަފެނީ ބަސްތަކަކަށްވުރެ ނަފުސު ހަރުދަނާ ވާންވާނެ. ހީލަތްތެރިކަން ދޫކޮށްލަން ރައީސް އިބްރާހިމް މުހައްމަދު ޞާލިހުއަށް ގޮވާލަން." ނިމާލު ވިދާޅިވެއެވެ.
މިދިޔަ އާދީއްތަ ދުވަހުގެ ރޭ ޕީޕީއެމް/ޕީއެންސީގެ ލީޑަޝިޕްގެ އިސް ބައެއް ބޭފުޅުންނާ އެކު، އިދިކޮޅު ފަރާތްތަކުން މުޒާހަރާ ފެށީ މަޖީދީ މަގާއި ޗާންދަނީ މަގު ގުޅޭ ކަންމަތީގައެވެ. އެކަމަކު، އެސަރަހައްދަށް އެއްވި މީހުންނަށް ފުލުހުން ވަނީ ހުރަސް އަޅައިފައެވެ.
ކިޔުންތެރިންގެ ހިޔާލު