ރާއްޖެއިން މިއަދު އިތުރު 148 މީހަކު ކޯވިޑް-19 އަށް ޕޮޒިޓިވް ވެ 13 މީހުން ރަނގަޅުވެއްޖެއެވެ.

އެޗްޕީއޭ އިން ބުނީ މިއަދު ރާއްޖެ އިން ކޯވިޑް-19 އަށް ޕޮޒިޓިވްވެފައިވަނީ 117 ދިވެހިންނާއި ބަންގްލަދޭޝްގެ 22 މީހަކާއި އިންޑިއާގެ 7 މީހަކާއި ނޭޕާލް މީހަކާއި، ސީޝެލްސް މީހެކެވެ.

މިއަދު ޕޮޒިޓިވް ވި މީހުންގެ ތެރެއިން 146 މީހުން ޕޮޒިޓިވް ވެފައިވަނީ މާލެ ސަރަހައްދުންނެވެ. އަތޮޅުތަކުން 02 މީހަކު ބައްޔަށް ޕޮޒިޓިވް ވެފައިވާ ކަމަށް އެޗްޕީއޭގެ އެންމެ ފަހުގެ ހިސާބުތަކުން ދައްކައެވެ.

މިއަދު ބަލިޖެހުނު 148 މީހުންނާއެކު މިހާރު ވަނީ ރާއްޖެއިން ބަލިޖެހުނު މީހުންގެ އަދަދު 4594 އަށް އަރާފައެވެ. މިއަދު ބަލިން ރަނގަޅުވި 23 މީހުންނާއެކު ބަލިން ރަނގަޅުވި މީހުންގެ ޖުމުލަ އަދަދު މިހާރު ވަނީ 2706 އަށް އަރާފައެވެ.

މިވަގުތު ބައްޔަށް ފަރުވާ ކުރަމުންދާ މީހުންގެ އަދަދު ވަނީ 1869 އަށް އަރާފައެވެ. އައިސޮލޭޝަންގައި ތިބީ 1282 މީހުންނެވެ. ހޮސްޕިޓަލުގައި ފަރުވާ ދެމުން ދަނީ 110 މީހަކަށެވެ.

ރާއްޖެއިން މިބަލި ޖެހިގެން މިހާތަނަށް ނިޔާވެފައިވަނީ 19 މީހުންނެވެ.