ރާއްޖެއަށް މަސްތުވާތަކެތި އެތެރެ ކުރަން އުޅުނު އިނގިރޭސި ވިލާތު ރައްޔިތެއް ޝަރީއަތް ނިމެންދެން ބަންދުކޮށްފިއެވެ.

މި މައްސަލައަކީ މި މަހުގެ 3 ވަނަ ދުވަހު ރާއްޖެއައި އިރު މި މީހާގެ ލަގެޖުން 7 ކިލޯގެ މަސްތުވާތަކެތި ފެނުނު މައްސަލައެކެވެ.

މި މައްސަލާގައި ހައްޔަރުކުރި އުމުރުން 53 އަހަރުގެ މާރސެލް ރޮނަލްޑް ފެލޯސް އަކީ ނޮދަން އަޔަލެންޑަށް ނިސްބަތްވާ މީހެކެވެ.

ފުލުހުން އޭނާގެ މައްޗަށް ކުރަނީ ދިވެހިރާއްޖެއަށް މަސްތުވާތަކެތި އެތެރެކުރުން / ޓްރެފިކް ކުރުމުގެ ކުށުގެ ދައުވާއެވެ.

އިނގިރޭސި ވިލާތުގެ މިމީހާ ވަނީ ކުށުގެ އަމަލު ހިންގާފައިވާ ގޮތް ތަފްސީލުކޮށް ތަހުގީގު ބަޔާނުގައި ކިޔައިދީފައެވެ. އަދި މި މައްސަލައިގައި އޭނާ ޕްރޮސެކިއުޓަރ ޖެނެރަލްއާއެކު 'އިއުތިރާފު އެއްބަސްވުން' ހަދަން ބޭނުންވާކަމަށް ފުލުހުން ކޯޓުގައި ވަނީ ފާހަގަކޮށްފައެވެ.