މޫސުން ގޯސްވެ، ރާއްޖޭގެ ބައެއް ސަރަހައްދުތަކަށް ރީނދޫ ސަމާލު ނެރެފިއެވެ.

މޫސުމާއި ބެހޭ ގައުމީ އިދާރާއިން ވަނީ ހއ. އަތޮޅުން ފެށިގެން ނ. އަތޮޅާ ހަމައަށް ރީނދޫ ސަމާލު ނެރެފައެވެ. އެގޮތުން މިރޭ 22:30 އިން ފެށިގެން މިރޭ މެންދަމު 02:30 ގެ ނިޔަލަށް ބޯކޮށް ވާރޭ ވެހި ގުގުރާނެ ކަމަށް މެޓުން ވަނީ ލަފާކޮށްފައެވެ.

އަދި ވިލާގަނޑުގައި ގަޑިއަކު 40 މޭލަށް ވައި ގަދަވެ، ކަނޑުތައް ގަދަވާނެ ކަމަށް ވެސް މެޓުން ވަނީ ލަފާކޮށްފައެވެ.

Yellow Alert for torrential rain,thunderstorms and gust winds. pic.twitter.com/03ErreSEmY

— Maldives Meteorology (@MetMaldives) May 9, 2024

އެހެންކަމުން، މި ސަރަހައްދުގައި ދިރިއުޅޭ ފަރާތްތަކުން މޫސުމަށް ސަމާލުވުމަށް މެޓް އޮފީހުން އިލްތިމާސްކޮށްފައި ވެއެވެ.

މޫސުން ގޯސްވެ މިއަދު ހަވީރު މެޓް އޮފީހުން ވަނީ މުޅި ރާއްޖެއަށް މިއަދާއި މިރޭ ވިއްސާރަ ކުރާނެ ކަމަށްވެސް ލަފާކޮށްފައެވެ.