ރާއްޖޭގެ ފަރުތަކަށް މިހާރު ކުރިމަތިވެފައިވާ ގާ ހުދުވުމުގެ ޕީކް ދުވަސްވަރު ނިމެންދެން މަސައްކަތްތައް ހުއްޓާލުމަށް ކުންފުނިތަކަށް އަންގާފައިވާނެ ކަމަށް ތިމާވެއްޓާބެހޭ ވަޒީރު ޠާރިޤް އިބްރާހިމް ވިދާޅުވެއްޖެއެވެ.
ވަޒީރު މިހެން ވިދާޅުވެފައިވާއިރު ރާއްޖޭގެ ފަރުތަކުން ގާހުދުވަމުންދާތީ ފަރުތައް ހިމާޔަތް ކުރުމަށްޓަކައި ބިން ހިއްކުމާއި ފަޅު ފުން ކުރުމުގެ މަޝްރޫތައް ވަގުތީގޮތުން ހުއްޓާލުމަށް އެންވަރަމަންޓް ޕްރޮޓެކްޝަން އޭޖެންސީން ވަނީ އިލްތިމާސް ކޮށްފައެވެ.
އީޕީއޭގެ ނިންމުމާ ގުޅިގެން ރާއްޖޭގެ މީޑިއާއެއްގައި ރޭ ވާހަކަ ދައްކަވަމުން ވަޒީރު ޠާރިޤު ވިދާޅުވީ ބިންހިއްކުމާއި ފަޅު ފުންކުރުން ފަދަ މަޝްރޫއުތައް ހަވާލުކޮށްފައިވާ ކުންފުނިތަކާ އެކު އެއްބަސްވުންތައް ހަދާފައިވަނީ ގާ ހުދުވުގެ މައްސަލަ ދިވާއްޖެނަމަ ވަގުތީގޮތުން މަޝްރޫއުތައް މަޑުޖައްސާލެވޭނެ ގޮތަށް ކަަމަށެވެ.
އެގޮތުން އެކަން ހިމެނިފައިވަނީ މަޝްރޫޢު ހިންގުމަށް ދޫކުރާ އީޕީއޭގެ ހުއްދައިގައިކަމަށް ވަޒީރު ވިދާޅުވިއެވެ. އެހެންކަމުން ގާ ހުދުވުމުގެ ޕީކް ދުވަސްވަރު ނިމެންދެން މަޝްރޫޢުތައް މަޑުޖައްސާލުމަށް ކުންފުނިތަކަށް އަންގާފައިވާނެ ކަމަށާއި އެކަމުގައި ކުންފުނިތަކުން އެއްބާރުލުންވެސް ލިބޭ ކަމަށެވެ.
“ހުއްދަ ދީފައި ހުރި ޑްރެޖިން އެންޑް ރިކްލެމޭޝަންގެ މަސައްކަތުގައި އީޕީއޭއިން އޮންނާނެ މި ކަންތައްތައް އަންނަކަމަށް ވާނަމަ އެމީހުން ރީޝެޑިއުލް ކުރަން ޖެހޭނެކަން.” ވަޒީރު ވިދާޅުވިއެވެ.
ރާއްޖޭގެ ފަރުތަކުން ގާހުދުވަމުންދާތީ އީޕީއޭއިން ނެރެފައިވާ ބަޔާނުގައި ބުނެފައިވަނީ ރާއްޖޭގައި ފުޅާ ދާއިރާއެއްގައި ކުރެވުމުންދާ ފަޅު ފުންކުރުމާއި ބިން ހިއްކުމުގެ މަސައްކަތްތަކާއި، ބީޗް ނަރިޝްމަންޓް މަސައްކަތްތަކަކީ، މި މަސައްކަތްތަކުގެ ސަބަބުން ފަރުތަކުގެ މާހައުލަށް ނޭދެވޭ އަސަރުތަކެއް ކުރަމުންދާ ކަންކަން ކަމަށެވެ.
އޭގެއިތުރުން ދުނިޔޭގެ ކަނޑުތަކުގެ ހޫނުމިން މަތިވުމުގެ ސަބަބުން ރާއްޖޭގެ ފަރުތަކުގައި ގާހުދުވާނެ ކަމަށް ލަފާކުރާ މިންގަނޑު މި ވަގުތު އޮތީ “އެލާރޓް ލެވަލް 1” ގައި ކަމަށާއި ރާއްޖޭގެ ގިނަ ސަރަހައްދުތަކަކުން ގާހުދުވާކަމުގެ ރިޕޯޓާއި އެކަމާއި ގުޅޭ މަޢުލޫމާތު ދަނީ ލިބެމުން ކަމަށް އީޕީއޭ އިން ހާމަކޮށްފައިވެއެވެ.
އެހެންކަމުން 10 ޖޫން 2024 ވަނަ ދުވަހުގެ ނިޔަލަށް ބިންހިއްކުމާއި، ފަޅުކޮނުމާއި، ގޮނޑުދޮށަށް ވެލިއެޅުމާއި، ޕަމްޕު ބޭނުންކޮށްގެން ވެލި ނެގުމާއި، ފަރުމަތީ ހޮޅި އަދި ކޭބަލް އެޅުމާއި، ބަންޑުވޯލް ޖެހުމާއި މިނޫނަސް މެޝިނަރީ ބޭނުންކޮށްގެން ފަރުމަތީގައި މަސައްކަތް ކުރުން ހުއްޓާލުމަށް އީޕީއޭ އިން އިލްތިމާސް ކޮށްފައިވެއެވެ.
ހަމައެއާއެކު މިހާރު ހިނގަމުންދާ މަޝްރޫޢުތަކާއި އަލަށްފަށާ މަޝްރޫޢުތަކުގެ މަސައްކަތްތަކުގެ ތާވަލް 10 ޖޫން 2024 ގެ ފަހުން ފެށުމަށް މުރާޖަޢާކުރުމަށް އީޕީއޭއިން ވަނީ ކަމާބެހޭ މުއައްސަސާތަކަށް ގޮވާލާފައެވެ.
އެންވަރަމަންޓް ޕްރޮޓެކްޝަން އޭޖެންސީން އެންގި މި އެންގުމަށް ތާޢީދު ކުރާކަން މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީންވެސް މިހާރުވަނީ ހާމަކޮށްފައެވެ.
އީޕީއޭގެ ނިންމުމާ ގުޅިގެން ރާއްޖޭގެ މީޑިއާއެއްގައި ރޭ ވާހަކަ ދައްކަވަމުން ވަޒީރު ޠާރިޤު ވިދާޅުވީ ބިންހިއްކުމާއި ފަޅު ފުންކުރުން ފަދަ މަޝްރޫއުތައް ހަވާލުކޮށްފައިވާ ކުންފުނިތަކާ އެކު އެއްބަސްވުންތައް ހަދާފައިވަނީ ގާ ހުދުވުގެ މައްސަލަ ދިވާއްޖެނަމަ ވަގުތީގޮތުން މަޝްރޫއުތައް މަޑުޖައްސާލެވޭނެ ގޮތަށް ކަަމަށެވެ.
އެގޮތުން އެކަން ހިމެނިފައިވަނީ މަޝްރޫޢު ހިންގުމަށް ދޫކުރާ އީޕީއޭގެ ހުއްދައިގައިކަމަށް ވަޒީރު ވިދާޅުވިއެވެ. އެހެންކަމުން ގާ ހުދުވުމުގެ ޕީކް ދުވަސްވަރު ނިމެންދެން މަޝްރޫޢުތައް މަޑުޖައްސާލުމަށް ކުންފުނިތަކަށް އަންގާފައިވާނެ ކަމަށާއި އެކަމުގައި ކުންފުނިތަކުން އެއްބާރުލުންވެސް ލިބޭ ކަމަށެވެ.
“ހުއްދަ ދީފައި ހުރި ޑްރެޖިން އެންޑް ރިކްލެމޭޝަންގެ މަސައްކަތުގައި އީޕީއޭއިން އޮންނާނެ މި ކަންތައްތައް އަންނަކަމަށް ވާނަމަ އެމީހުން ރީޝެޑިއުލް ކުރަން ޖެހޭނެކަން.” ވަޒީރު ވިދާޅުވިއެވެ.
ރާއްޖޭގެ ފަރުތަކުން ގާހުދުވަމުންދާތީ އީޕީއޭއިން ނެރެފައިވާ ބަޔާނުގައި ބުނެފައިވަނީ ރާއްޖޭގައި ފުޅާ ދާއިރާއެއްގައި ކުރެވުމުންދާ ފަޅު ފުންކުރުމާއި ބިން ހިއްކުމުގެ މަސައްކަތްތަކާއި، ބީޗް ނަރިޝްމަންޓް މަސައްކަތްތަކަކީ، މި މަސައްކަތްތަކުގެ ސަބަބުން ފަރުތަކުގެ މާހައުލަށް ނޭދެވޭ އަސަރުތަކެއް ކުރަމުންދާ ކަންކަން ކަމަށެވެ.
އޭގެއިތުރުން ދުނިޔޭގެ ކަނޑުތަކުގެ ހޫނުމިން މަތިވުމުގެ ސަބަބުން ރާއްޖޭގެ ފަރުތަކުގައި ގާހުދުވާނެ ކަމަށް ލަފާކުރާ މިންގަނޑު މި ވަގުތު އޮތީ “އެލާރޓް ލެވަލް 1” ގައި ކަމަށާއި ރާއްޖޭގެ ގިނަ ސަރަހައްދުތަކަކުން ގާހުދުވާކަމުގެ ރިޕޯޓާއި އެކަމާއި ގުޅޭ މަޢުލޫމާތު ދަނީ ލިބެމުން ކަމަށް އީޕީއޭ އިން ހާމަކޮށްފައިވެއެވެ.
އެހެންކަމުން 10 ޖޫން 2024 ވަނަ ދުވަހުގެ ނިޔަލަށް ބިންހިއްކުމާއި، ފަޅުކޮނުމާއި، ގޮނޑުދޮށަށް ވެލިއެޅުމާއި، ޕަމްޕު ބޭނުންކޮށްގެން ވެލި ނެގުމާއި، ފަރުމަތީ ހޮޅި އަދި ކޭބަލް އެޅުމާއި، ބަންޑުވޯލް ޖެހުމާއި މިނޫނަސް މެޝިނަރީ ބޭނުންކޮށްގެން ފަރުމަތީގައި މަސައްކަތް ކުރުން ހުއްޓާލުމަށް އީޕީއޭ އިން އިލްތިމާސް ކޮށްފައިވެއެވެ.
އެންވަރަމަންޓް ޕްރޮޓެކްޝަން އޭޖެންސީން އެންގި މި އެންގުމަށް ތާޢީދު ކުރާކަން މޯލްޑިވްސް އެސޯސިއޭޝަން އޮފް ޓުއަރިޒަމް އިންޑަސްޓްރީންވެސް މިހާރުވަނީ ހާމަކޮށްފައެވެ.
ކިޔުންތެރިންގެ ހިޔާލު