ސްޓޭޓް ޓްރޭޑިންގް އޯގަނައިޒޭޝަން، އެސްޓީއޯ ހިއްސާދާރުންނާއެކު ނުރަސްމީ ބައްދަލުވުމެއް ބާއްވަން ނިންމައިފިއެވެ.

އެސްޓީއޯއިން މައުލޫމާތުދޭ ގޮތުގައި މި ބައްދަލުވުމަކީ ކުންފުނީގެ ހިއްސާދާރުންނާއެކު ކުންފުނީގެ ސްޓްރެޓީޖިކް ކަންކަމާމެދު މަޝްވަރާކުރުމަށް ބާއްވާ ބައްދަލުވުމެއް ކަމަށެވެ. މީގެ އިތުރުން އެސްޓީއޯގެ އަހަރީ ރިޕޯޓު ޕަބްލިޝްކުރުމާއި އަހަރީ އާންމު ޖަލްސާއަށް ވަމުންދާ ތައްޔާރީތައް ހިއްސާދާރުންނަށް މި ބައްދަލުވުމުގައި ހުށައަޅާނެއެވެ.

މި ބައްދަލުވުން ބޭއްވުމަށް ހަމަޖެހިފައިވަނީ 8 ޖޫން ގެ 11:00 ގައެވެ. ބައްދަލުވުން ބާއްވަނީ އެސްޓީއޯ ޓްރޭޑް ސެންޓަރުގައި ގާއިމްކޮށްފައި ހުންނަ އެސްޓީއޯ ޓްރެއިނިންގ އިންސްޓިޓިއުޓްގައެވެ.

We invite our shareholders to an informal shareholder meeting to be held on June 8th, 2024. Please find more details and how to register in the meeting announcement.https://t.co/zaAEYiaJcl

— STO (@stoplc) June 4, 2024

މި ބައްދަލުވުމުގައި ބައިވެރިވަޑައިގަންނަވަން ބޭނުންފުޅުވާ ހިއްސާދާރުން ޕޯޓަލް މެދުވެރިކޮށް ޖޫން 7ގެ 11:00 ގެ ކުރިން ރަޖިސްޓްރީ ވުމަށް އެސްޓީއޯއިން އެދެއެވެ.