މަރުކޮމިޝަނުން ކުރެވުނު ކަމަކީ ހުސްނުއްސުޢޫދު ކިޔާ މީހަކަށް ސްޕްރީމް ކޯޓުގެ ފަނޑިޔާރުކަން ހޯދައިދިނުން ކަމަށް ކުރީގެ އިސްލާމިކް މިނިސްޓަރ ޑރ. މުޙައްމަދު ޝަހީމް ޢަލީ ސަޢީދު ވިދާޅުވެއްޖެއެވެ.
މަރު ކޮމިޝަން ފެއިލްވެފައިވާކަމަށް ބުނެ ކުރެއްވި ޓްވީޓެއްގައި ޑރ. ޝަހީމް ވިދާޅުވީ، މަރު ކޮމިޝަނުން ކުރަން ބޭނުންވި ކަންތައް ކޮށްފި ކަމަށާއި، އެތަނުން އެނޫން ކަމެއް ނުކުރާނެ ކަމަށެވެ. އެތަނުން ކުރަން އުޅުނު ކަމަކީ ޙުސްނުއްސުޢޫދު ކިޔާ މީހަކަށް ސްޕްރީމް ކޯޓުގެ ފަނޑިޔާރުކަން ހޯދައިދިނުން ކަމަށް ޝަހީމް ވިދާޅުވިއެވެ.
"ކަމެއް ކުރެވޭނެ ނަމަ ރާއްޖޭގައި ހިންގާ ކަމަށް ބުނި އަލްޤައިދާ ފިހާރަތައް ދައްކަންވީ،" ކަމަށް ޝަހީމް ވަނީ ވިދާޅުވެފައެވެ.
17 ނޮވެމްބަރު 2018 ގައި ރައީސް އިބްރާހީމް ޞާލިޙް އުފެއްދެވި، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުގެ ރައީސަކަށް ޢައްޔަން ކޮށްފައިވަނީ މިހާރުގެ ސުޕްރީމް ކޯޓުގެ ފަނޑިޔާރު ޙުސްނުއްސުޢޫދެވެ. ސުޢޫދުގެ ރިޔާސަތުގައި ވަނީ އެ ކޮމިޝަންގެ ތަޙުޤީޤާއި ގުޅޭ ރިޕޯޓްތަކެއް ރައީސުލްޖުމުހޫރިއްޔާއަށް އަރުވާފައެވެ. އެހެން ނަމަވެސް އެ ރިޕޯޓްތަކަށް ބިނާކޮށް އެއްވެސް ފަރާތެއްގެ މައްޗަށް އަދި ދަޢުވާއެއް އުފުލާފައެއް ނުވެއެވެ. ސުޢޫދު ފަހުން އެ ކޮމިޝަނުން އިސްތިޢުފާ ދެއްވާފައިވާއިރު މިހާރު ސުޢޫދު ވަނީ ސުޕްރީމް ކޯޓުގެ ފަނޑިޔާރުކަމަށް އައްޔަންކޮށްފައެވެ.
މަރު ކޮމިޝަނުން އާންމުކުރި ރިޕޯޓްތަކުގައި ބުނެފައިވަނީ ދީނީ ހަރުކަށި ފިކުރުގެ ޖަމިއްޔާއަކުން ރިޟުވާން ރަހީނުކޮށްގެން ގެންގޮސް ކަނޑު އުޅަނދެއްގައި އޭނާ މަރާލާ ކަނޑުފެއްތީ ކަމަށެވެ. އަދި އެކަމަށް ފަންޑުކޮށްފައިވާ ވިޔަފާރިތައްވެސް އެ ރިޕޯޓްގައި ފާހަގަކޮށްފައިވެއެވެ. އެކަމާ ގުޅިގެން ފުލުހުން ޚާއްސަ އޮޕަރޭޝަނެއް ކުރިއަށް ގެންގޮސް ބައެއް ފަރާތްތައް ހައްޔަރުކުރި ނަމަވެސް ފަހުން އެ މީހުން ވަނީ ދޫކޮށްލާފައެވެ.
މަރުކޮމިޝަނުން އެކުލަވާލި މަރުހޫމް ޑރ. އަފްރާޝީމުގެ މަރާ ގުޅޭ ރިޕޯޓްގައި ކުރީގެ އިސްލާމިކް މިނިސްޓަރކަން ވެސް ކުރައްވާފައިވާ މުޙައްމަދު ޝަހީމް ޢަލީ ސަޢީދަށް ތުހުމަތު ތަކެއް ކޮށްފައި ވެއެވެ. އެ ތުހުމަތު ތަކާއި ގުޅިގެން ޑރ. ޝަހީމް ވަނީ މަރުކޮމިޝަނަށް ވަރަށް ބޮޑަށް ފާޑުވިދާޅުވެފައެވެ. އަދި މިރިޕޯޓްގައި މަރުހޫމް އަފްރާޝީމްގެ މަރާއި ޑރ. ޝަހީމާއި ގުޅުމެއް ވާކަމަށް ދޭހަކޮށްދިނުމަށް ވަރަށް ބޮޑަށް މަސައްކަތް ކޮށްފައިވާކަން ގިނަ ބަޔަކު ވަނީ ފާހަގަކޮށްފައެވެ.
އަދި އެމައްސަލައިގެ ތުހުމަތުގައި ބައެއްގެ މައްޗަށް ދައުވާ ކުރުމަށް އެކޮމިޝަނުން ޕީޖީ އޮފީހަށް ވެސް ފޮނުވިއެވެ. އެހެން ނަމަވެސް އެމައްސަލައިގައި ދައުވާ ކުރާ ވަރަށް ހެކި ނެތުމުންނާއި ތަހުގީގް ފުރިހަމަނުވާ ކަމަށް ބުނެ ޕީޖީ އޮފީހުން ވަނީ މައްސަލަ އަނބުރާ ފޮނުވާލާފައެވެ.
"ކަމެއް ކުރެވޭނެ ނަމަ ރާއްޖޭގައި ހިންގާ ކަމަށް ބުނި އަލްޤައިދާ ފިހާރަތައް ދައްކަންވީ،" ކަމަށް ޝަހީމް ވަނީ ވިދާޅުވެފައެވެ.
17 ނޮވެމްބަރު 2018 ގައި ރައީސް އިބްރާހީމް ޞާލިޙް އުފެއްދެވި، މަރާލާފައިވާ މީހުންނާއި، ގެއްލުވާލާފައިވާ މީހުންގެ މައްސަލަތައް ތަޙުޤީޤުކުރާ ކޮމިޝަނުގެ ރައީސަކަށް ޢައްޔަން ކޮށްފައިވަނީ މިހާރުގެ ސުޕްރީމް ކޯޓުގެ ފަނޑިޔާރު ޙުސްނުއްސުޢޫދެވެ. ސުޢޫދުގެ ރިޔާސަތުގައި ވަނީ އެ ކޮމިޝަންގެ ތަޙުޤީޤާއި ގުޅޭ ރިޕޯޓްތަކެއް ރައީސުލްޖުމުހޫރިއްޔާއަށް އަރުވާފައެވެ. އެހެން ނަމަވެސް އެ ރިޕޯޓްތަކަށް ބިނާކޮށް އެއްވެސް ފަރާތެއްގެ މައްޗަށް އަދި ދަޢުވާއެއް އުފުލާފައެއް ނުވެއެވެ. ސުޢޫދު ފަހުން އެ ކޮމިޝަނުން އިސްތިޢުފާ ދެއްވާފައިވާއިރު މިހާރު ސުޢޫދު ވަނީ ސުޕްރީމް ކޯޓުގެ ފަނޑިޔާރުކަމަށް އައްޔަންކޮށްފައެވެ.
މަރުކޮމިޝަނުން އެކުލަވާލި މަރުހޫމް ޑރ. އަފްރާޝީމުގެ މަރާ ގުޅޭ ރިޕޯޓްގައި ކުރީގެ އިސްލާމިކް މިނިސްޓަރކަން ވެސް ކުރައްވާފައިވާ މުޙައްމަދު ޝަހީމް ޢަލީ ސަޢީދަށް ތުހުމަތު ތަކެއް ކޮށްފައި ވެއެވެ. އެ ތުހުމަތު ތަކާއި ގުޅިގެން ޑރ. ޝަހީމް ވަނީ މަރުކޮމިޝަނަށް ވަރަށް ބޮޑަށް ފާޑުވިދާޅުވެފައެވެ. އަދި މިރިޕޯޓްގައި މަރުހޫމް އަފްރާޝީމްގެ މަރާއި ޑރ. ޝަހީމާއި ގުޅުމެއް ވާކަމަށް ދޭހަކޮށްދިނުމަށް ވަރަށް ބޮޑަށް މަސައްކަތް ކޮށްފައިވާކަން ގިނަ ބަޔަކު ވަނީ ފާހަގަކޮށްފައެވެ.
އަދި އެމައްސަލައިގެ ތުހުމަތުގައި ބައެއްގެ މައްޗަށް ދައުވާ ކުރުމަށް އެކޮމިޝަނުން ޕީޖީ އޮފީހަށް ވެސް ފޮނުވިއެވެ. އެހެން ނަމަވެސް އެމައްސަލައިގައި ދައުވާ ކުރާ ވަރަށް ހެކި ނެތުމުންނާއި ތަހުގީގް ފުރިހަމަނުވާ ކަމަށް ބުނެ ޕީޖީ އޮފީހުން ވަނީ މައްސަލަ އަނބުރާ ފޮނުވާލާފައެވެ.
ކިޔުންތެރިންގެ ހިޔާލު