ކޯވިޑް-19 ގައި ރާއްޖޭގައި އުމުރުން 67 އަހަރުގެ ދިވެހި ފިރިހެނަކު ނިޔާވެއްޖެއެވެ.

ހެލްތު ޕްރޮޓެކްޝަން އޭޖެންސީ، (އެޗްޕީއޭ) އިން ކޮށްފައިވާ ޓުވީޓެއްގައި ބުނެފައިވަނީ އޭނާ ނިޔާވީ އަންގާރަ ދުވަހުގެ މެންދުރު 12:20 ހާއިރު، އިންދިރާ ގާނދީ މެމޯރިއަލް ހޮސްޕިޓަލް (އައިޖީއެމްއެޗް)ގެ އިމަރޖއެންސީ ރޫމްގައި ފަރުވާ ދެމުންދަނިކޮށް ކަމަށެވެ. އޭނާ ހޮސްޕިޓަލަށް ގެންދިޔައީ ހޯމަ ދުވަހު ކަމަށް ވެސް އެޗްޕީއޭ އިން ބުނެ އެވެ.

މިއީ ކޮވިޑް-19 ޖެހިގެން ރާއްޖެއިން ނިޔާވި 20 ވަނަ މީހާއެވެ. ރާއްޖެއިން މަރުވި މީހުންގެ ތެރޭގައި ގިނައީ އުމުރުން ދުވަސްވީ ދިވެހިން ކަން ފާހަގަކޮށްލެވެއެވެ.