2023 ނިމުނުއިރު ސިވިލްސަރވިސްގައި ތިބި 30،127 މުވައްޒަފުން ކަމަށް ތަފާސް ހިސާބުން ދައްކައިފިއެވެ.

ސިވިލް ސަރވިސްގެ ތަފާސް ހިސާބުތައް ދައްކާގޮތުން 2023 ނިމުނުއިރު ސިވިލް ސަރވިސްގައި ތިބީ 30،127 މުވައްޒަފުންނެވެ. އަދި މިއަހަރުގެ މެއިމަހުގެ ނިޔަލަށް އެ ޢަދަދު ވަނީ 30،287 އަށް އިތުރުވެފައެވެ.

އޭގެ ތެރެއިން 67.5 އިންސައްތައަކީ އަންހެން މުވައްޒަފުންނެވެ. އަދި ބާކީ 32.5 އިންސައްތައަކީ ފިރިހެން މުވައްޒަފުންނެވެ.

ރާއްޖޭގެ މަސައްކަތް ކުރާ އުމުރުފުރައިގެ 11.53 އިންސައްތަ ސިވިލް ސާވަންޓުންގެ ގޮތުގައި މަސައްކަތް ކުރަމުން ދާއިރު އެއީ ކޮންމެ 8 މީހެއްގެ ތެރެއިން އެކަކެވެ.

މިދިޔަ 2023 ގެ ނިޔަލަށް 55 އަހަރުން މަތީގެ 3،140 މުވައްޒަފުން ސިވިލް ސަރވިސްގައި މަސައްކަތް ކޮށްފައިވާއިރު ވޭތުވެދިޔަ ފަސް އަހަރުގެ ތެރޭގައި 278 މީހުން ސިވިލް ސާވިސްއިން ވަނީ ރިޓަޔަރ ކޮށްފައެވެ.

ސީއެސްސީގެ ތަފާސްހިސާބުތައް ދައްކާގޮތުން ރާއްޖޭގައި މަސައްކަތް ކުރާ އުމުރުފުރައިގެ 262،670 ދިވެހިން އެބަތިއްބެވެ.