ހއ. ކެލައިން ކޯވިޑް-19 އަށް ޕޮޒިޓިވްވި 10 މީހުން ބަލިން ރަގަޅުވެއްޖެއެވެ.

ސަވާރީ ބޯޓް ކޭސްއާ ގުޅިގެން އެރަށުން ޕޮޒިޓިވްވި 10 މީހުން މިހާރު ބަލިން ރަނގަޅުވެފައިވާ ކަމަށާއި އަދި އެމީހުން މިހާރު ކަރަންޓީނުން ދޫކޮށްލާފައިވާ ކަމަށް އެޗްޕީއޭ އިން ވަނީ ހާމަކޮށްފައެވެ.

ކެލައިން ކޯވިޑް-19 އަށް ޕޮޒިޓިވްވި 10 މީހުން ބަލިން ރަނގަޅުވުމާއެކު މިވަގުތު އެރަށުގައި އެކްޓިވް ކޭސް އެއް ނެތެވެ.

ކެލާ ސަވާރީ ބޯޓުގެ ކެޕްޓަން ޕޮޒިޓިވް ވީ، ކޮވިޑްގެ އަލާމާތްތައް ފެނި ދަތުރުމަތީގައި ހދ ނޮޅިވަރަންފަރަށް ޖައްސާ ހެދި ޓެސްޓުންނެވެ. އެކަމާގުޅިގެން އެރަށް މޮނިޓަރިން އަށް ގެންގޮސް ކޯވިޑް-19 އަށް ޕޮޒިޓިވް ވި 10 މީހުންނާ ކޮންޓެކްޓް ވެގެން 70 އަށް ވުރެ ގިނަ މީހުންގެ ސާމްޕަލް ނަގާފައިވެއެވެ.