ރައީސް އިބްރާހިމް މުހަންމަދު ސޯލިހްގެ ސަރުކާރަކީ އެމްޑީޕީގެ ސަރުކާރެއް ނޫން ކަމަށާއި، ސަރުކާރުން ކަންކަން ނިއްމަނީ އެމްޑީޕީއާއި މަޝްވަރާ ނުކޮށް ކަމަށް އެޕާޓީގެ ޕާލިމެންޓްރީ ގުރޫޕްގެ ލީޑަރު އަލީ އާޒިމް މިއަދު ވިދާޅުވެއްޖެއެވެ.
ރާއްޖެ ޓީވީގެ ޕްރޮގުރާމެއްގައި މިއަދު ހެނދުނު ވާހަކަ ދައްކަވަމުން މެދުހެންވޭރު ދާއިރާގެ މެމްބަރު އަލީ އާޒިމް ވިދާޅުވީ ރައީސް ސޯލިހްގެ ސަރުކާރުގައި އެމްޑީޕީގެ މެނިފެސްޓޯއާއި ސިޔާސަތުތައް ތަންފީޒު ކުރެވެމުންނުދާ ކަމަށެވެ. ރައީސް ސޯލިހް މަސައްކަތް ކުރައްވަނީ މެނިފެސްޓޯ ތަންފީޒު ކުރުމުގެ ބަދަލުގައި ކޯލިޝަން ދެމެހެއްޓުމަށް ކަމަށް އާޒިމް ވިދާޅުވިއެވެ. ރައީސް ސޯލިހްގެ ކޯލިޝަން ސަރުކާރު ވެރިކަމަށް އައީ އެމްޑީޕީ އަށް ސަރުކާރުގެ 40 ޕަސެންޓް އަދި ކޯލިޝަނަށް 60 ޕަސެންޓް ދޭން އެއްބަސްވެގެން ކަމަށްވާއިރު އެއަދަދަށް ހިއްސާ ވެސް ނުލިބޭ ކަމަށް އާޒިމް ވިދާޅުވިއެވެ. މީގެ އިތުރުން އެމްޑީޕީގެ ސްލޮޓްތަކުގައި ތިއްބަވާ ވަޒީރުން ވެސް ޕާޓީގެ ސިޔާސަތުތައް ތަންފީޒު ކުރުމަށް މަސައްކަތް ނުކުރާ ކަމަށް އާޒިމް ވިދާޅުވިއެވެ.
"އަޅުގަނޑު ކައިރީގައި ގިނަ މީހުން ބުނޭ އެމްޑީޕީއަށް ދެން ވޯޓެއް ނުލާނަމޭ، އަޅުގަނޑު އެމީހުން ގާތުގައި ދެފައިގައި ހިފާ އާދޭސް ކޮށްފައި އެބަބުނަން މިއީ އެމްޑީޕީގެ ސަރުކާރެއް ނޫނޭ ރައީސް ސޯލިހަކީ ޚުދު މުހުތާރު ބޭފުޅެއް ނޫން، ރައީސް ކަންކަން ނިއްމަވަން މިދަނީ ކެބިނެޓާއި ހިސާބަށް، ރައީސް ސޯލިހް ބޭނުންވާ ގޮތަށް ކަންކަން ނިއްމެން ނެތީ ކޯލިޝަންގެ 60 އިންސައްތަ މީހުން ތަރައްގީ އެއް ކުރިއެރުމެއް ހަމަޖެހުމެއް ބޭނުމެއް ނުވޭ މިއީ އެންމެ ބޮޑު މައްސަލަ އަކީ، މައިގަނޑު މައްސަލައަކީ ރައްޔިތުން ބޭނުންވާ ގޮތަށް ކަންކަން ނުދިޔުން، ބައްޓަންވެގެން ނުދިޔުން ކަންކަން ނުކުރެވުން."އާޒިމް ވިދާޅުވިއެވެ.
މީގެ އިތުރުން އާޒިމް ވިދާޅުވީ މިސަރުކާރުގައި ތިބި ކޯލިޝަންގެ ވަޒީރުން މަގާމުން ވަކިކޮށް އެމްޑީޕީގެ މެމްބަރުން މަގާމުތަކަށް އައްޔަންކުރަންޖެހޭ ކަމަށެވެ. އަދި އެހެން ނުވާނަމަ ގާނޫނު އަސާސީއަށް ބަދަލު ގެނެސް ރައްޔިތުންގެ ވޯޓަކަށް ގޮސް ރާއްޖޭގައި އޮތް ނިޒާމް ބަރުލަމާނީއަށް ބަދަލު ކުރަންޖެހޭ ކަމަށް އާޒިމް ވިދާޅުވިއެވެ.
"އަޅުގަނޑު ކައިރީގައި ގިނަ މީހުން ބުނޭ އެމްޑީޕީއަށް ދެން ވޯޓެއް ނުލާނަމޭ، އަޅުގަނޑު އެމީހުން ގާތުގައި ދެފައިގައި ހިފާ އާދޭސް ކޮށްފައި އެބަބުނަން މިއީ އެމްޑީޕީގެ ސަރުކާރެއް ނޫނޭ ރައީސް ސޯލިހަކީ ޚުދު މުހުތާރު ބޭފުޅެއް ނޫން، ރައީސް ކަންކަން ނިއްމަވަން މިދަނީ ކެބިނެޓާއި ހިސާބަށް، ރައީސް ސޯލިހް ބޭނުންވާ ގޮތަށް ކަންކަން ނިއްމެން ނެތީ ކޯލިޝަންގެ 60 އިންސައްތަ މީހުން ތަރައްގީ އެއް ކުރިއެރުމެއް ހަމަޖެހުމެއް ބޭނުމެއް ނުވޭ މިއީ އެންމެ ބޮޑު މައްސަލަ އަކީ، މައިގަނޑު މައްސަލައަކީ ރައްޔިތުން ބޭނުންވާ ގޮތަށް ކަންކަން ނުދިޔުން، ބައްޓަންވެގެން ނުދިޔުން ކަންކަން ނުކުރެވުން."އާޒިމް ވިދާޅުވިއެވެ.
މީގެ އިތުރުން އާޒިމް ވިދާޅުވީ މިސަރުކާރުގައި ތިބި ކޯލިޝަންގެ ވަޒީރުން މަގާމުން ވަކިކޮށް އެމްޑީޕީގެ މެމްބަރުން މަގާމުތަކަށް އައްޔަންކުރަންޖެހޭ ކަމަށެވެ. އަދި އެހެން ނުވާނަމަ ގާނޫނު އަސާސީއަށް ބަދަލު ގެނެސް ރައްޔިތުންގެ ވޯޓަކަށް ގޮސް ރާއްޖޭގައި އޮތް ނިޒާމް ބަރުލަމާނީއަށް ބަދަލު ކުރަންޖެހޭ ކަމަށް އާޒިމް ވިދާޅުވިއެވެ.
ކިޔުންތެރިންގެ ހިޔާލު