ވެލާނާ އިންޓަނޭޝަނަލް އެއާޕޯޓް (ވީއައިއޭ)ގެ އެކި ސަރަހައްދުތަކުން ކަރަންޓު ކެނޑިދާނެ ކަމަށް މޯލްޑިިވްސް އެއާޕޯޓްސް ކޮމްޕެނީ ލިމިޑެޓް (އެމްްއޭސީއެލް) އިން ބުނެފިއެވެ.

ވީއައިއޭގެ އަޕްގްރޭޑްގެ މަސައްކަތަށް މިރޭ 10:00 އިން މާދަމާ ހެނދުނު 7:00 އަށް ވެލާނާ އިންޓަނޭޝަނަލް އެއާޕޯޓްގެ އެކި ސަރަހައްދުން ކަރަންޓު ކެނޑުން އެކަށީގެންވާ ކަމަށް އެމްްއޭސީއެލުން ވަނީ ބުނެފައެވެ.

އެކްސްގައި އެމްއޭސީއެލުން ކުރި ޕޯސްޓެއްގައި ބުނީ ވީއައިއޭގައި ކަރަންޓު އަޕްގްރޭޑް ކުރުމުގެ މަސައްކަތް މިރޭ 10:00 އިން ފެށިގެން މާދަމާ ހެނދުނު 7:00 އަށް ކުރިއަށްދާނެ ކަމަށެވެ.

އެ މަސައްކަތް ކުރިއަށްދާއިރުގައި އެއާޕޯޓްގެ ބައެއް ސަރަހައްދުތަކުން ކަރަންޓު ކެނޑުން އެކަށީގެންވާ ކަމަށް އެމްއޭސީއެލުން ބުނެއެވެ. އެ ސަރަހައްދުތަކުގެ ތެރޭގައި ފެސެންޖާ އޭރިއާ ވެސް ހިމެނޭ ކަމަށް ބުނެފައި ވެއެވެ.

އެމްއޭސީއެލުން ބުނީ އެ ކުންފުނީގެ މުވައްޒަފުން ޕަސެންޖަރުން އެހީއަކަށް ބޭނުންވެއްޖެ ހިނދެއްގައި އެންމެ ގާތުން ހިދުމަތް ދިނުމަށް ތިބޭނެ ކަމަށެވެ.

އެ ކުންފުނިން ވަނީ ކަސްޓަމަރުންނަށް ދިމާވެދާނެ ދަތިތަކަށް މާއަފަށްވެސް އެދިފައެވެ.