މާލޭގައި އަލަށް ހަދަމުންދާ މާރުކޭޓަކުން ކޭބަލްތަކެއް ވަގަށް ނަގައިފި އެވެ.

މާލޭ ސިޓީ ކައުންސިލުން ބުނީ ވައްކަންކުރީ މާލޭގެ ކޮލި އުމަރު ގޯޅީގައި، އަލަށް ހަދަމުންދާ މާރުކޭޓުން ކަމަށެވެ.

އެގޮތުން އެތަނުގައި ހުރި ކަރަންޓް ކޭބަލްތަކާއެކު ލައިޓުތައް ވެސް ވަގަށް ގެންގޮސްފައިވާ ކަމަށް ވެސް ސިޓީ ކައުންސިލުން ބުނެއެވެ.

އެ މައްސަަލަ ފުލުހުން ބަލަން ފަށާފައިވާއިރު ފުލުހުން އެތަނަށް ގޮސް އުޅާ މަންޒަރުތަކުގެ ފޮޓޯތަކެއް ވެސް ސިޓީ ކައުންސިލުން ވަނީ ސޯޝަލް މީޑިއާގައި ހިއްސާކޮށްފަ އެވެ.

މާލޭގައި ވައްކަމުގެ މައްސަަލަތައް އިތުރުވެފައިވާ އިރު މާލޭ ސިޓީ ކައުންސިލުން ބަލަހައްޓާ މިސްކިތްތަކުން ވެސް ވައްކަން ކުރުމުގެ މައްސަލަ ބޮޑެވެ.