ހއ.މާރަންދޫ ކައުންސިލަށް މެންބަރަކު އިންތިޚާބު ކުރުމަށް ބާއްވާ ބައި-އިލެކްޝަނުގެ ވޯޓުލުން ހެނދުނު 08:00 އިން ފެށިގެން ކުރިއަށްދާ ކަމަށް އިލެކްޝަންސް ކޮމިޝަނުން ހާމަކޮށްފިއެވެ.

މި އިންތިހާބުގައި ވާދަކުރަށްވަނީ އެމްޑީޕީގެ ކެންޑިޑޭޓް ހއ. މާރަންދޫ މިންވަރު، ޝިހާމް މުޙައްމަދާއި ޕީއެންސީގެ ކެންޑިޑޭޓް ހއ. މާރަންދޫ ސްކައި، އަބްދުލްޙަމީދު ޢަބްދުއްސައްތާރެވެ.

އިލެކްޝަންސް ކޮމިޝަނުން ބުނެފައިވަނީ މި އިންތިޚާބުގައި މިއަދު 10:00 އާ ހަމައަށް ވޯޓުލާފައިވަނީ 137 މީހުން ކަމަށެވެ. އެއީ މި އިންތިޚާބުގައި ވޯޓުލެވޭ މީހުންގެ 18.61 އިންސައްތައެވެ.

މި އިންތިޚާބުގައި ވޯޓުލުމުގެ ޙައްޤު 736 މީހުންނަށް ލިބިފައިވެއެވެ.

މި އިންތިހާބުގައި ވޯޓު ލުމަށް 2 ވޯޓު ފޮއްޓެއް ބަހައްޓާފައިވެއެވެ. އެއީ މާރަންދޫ ސްކޫލުގައި ބަހައްޓާފައިވާ ވޯޓު ފޮއްޓާއި މާލޭ، ފެކަލްޓި އޮފް ހެލްތް ސައިންސްގެ ކޮންފަރެންސް ހޯލުގައި ބަހައްޓާފައިވާ ވޯޓު ފޮއްޓެވެ.

ހއ. މާރަންދޫ ކައުންސިލްގެ ގޮނޑިއެއް ހުސްވީ އެކައުންސިލްގެ ނައިބު ރައީސް އަހުމަދު ރަމީޒު، ޖުލައި 13 ވަނަ ދުވަހު ކުއްލި ގޮތަކަށް ނިޔާވުމާ ގުޅިގެންނެވެ.