ހުކުރު ދުވަހު މެލޭޝިޔާއަށް ދިޔަ ދިވެހީންގެ ތެރެއިން ކޯވިޑް-19 އަށް ޕޮޒިޓިވް ވީ މެދުފުށީ އައިސޮލޭޝަންގައި 14 ދުވަސް ހަމަ ކުރުމަށް ފަހު އައިސޮލޭޝަނުން ދޫކޮށްލި ދުވަހު މެލޭޝިއާއަށް ފުރައިގެން ދިޔަ ދިވެހި އަންހެނެއް ކަމުގައި އެޗްޕީއޭއިން ބުނެފިއެވެ.
އިނަރ މޯލްޑިވްސް ފިރާގު ޗާޓަރ ކުރައްވައިގެން ހުކުރު ދުވަހު މެލޭޝިއާއަށް ދިޔަ މޯލްޑިވިއަންގައި މެލޭޝިއާއަށް ދިޔައީ ކޯވިޑްގެ ސަބަބުން އުދުހުންތައް ހުއްޓާލާފައިވާތީ މެލޭޝިއާއަށް ނުދެވި މާލޭގައި ތަށިވެފައި ތިބި ކިޔަވާ ކުދިންނެވެ. ފިރާގު ވިދާޅުވެފައިވަނީ އޭނާ ޗާޓަރ ކުރެއްވި މޯލްޑިވިއަން ފްލައިޓުން 50 ދަރިވަރުން މެލޭޝިއާއަސް ދިޔަ ކަމަށެވެ.
"ރަސް އޮންލައިން" އަށް މައުލޫމާތު ދެއްވަމުން އެޗްޕީއޭއިން ބުނީ މެލޭޝިއާއަށް ދިޔަ އަންހެނަކު ކޯވިޑަށް ޕޮޒިޓިވް ވެފައިވާކަމަށެވެ. އޭނާ އަކީ މެދުފުށި އައިސޮލޭޝަންގައި 14 ދުވަހުގެ ކަރަންޓީން ފުރިހަމަ ކުރުމަށްފަހު މިމަހުގެ 21 ވަނަ ދުވަހު ކަރަންޓީނުން ދޫކޮށްލާފައިވާ ކުއްޖެއްކަމަށެވެ. އަދި އޭނާ ވަނީ ހަމަ އެދުވަހު މެލޭޝިއާއަށް ފުރާފައިކަމަށް އެޗްޕީއޭއިން ބުނެފައިވެއެވެ.
ކަރަންޓީން ނިންމުމަށްފަހު ބޭރު ގައުމަކަށް ދާއިރު ކޯވިޑަށް ޓެސްޓް ނުކޮށް ނުވަތަ ނަތީޖާ ނުލިބެނީސް ދަތުރުކުރުމަކީ އުސޫލެއްގެ ގޮތުން މީގެ ކުރިން ކުރާ ކަމެއްނޫނެވެ. ނަމަވެސް މިހާރު މިކަމުގައި އަމަލުކުރާ އުސޫލާ ބެހޭގޮތުން "ރަސް އޮންލައިން" އިން ސުވާލު ކުރުމުންވެސް އެޗްޕީއޭއިން އެސުވާލަށް ޖަވާބު ދެއްވާފައެއް ނުވެއެވެ. ދުނިޔޭގެ އެހެން ޤައުމުތަކުގައި އެއްގައުމުން އަނެއް ގައުމަށް ދަތުރުކުރާއިރު، ކޯވިޑްގެ ޓެސްޓް ހަދައި ޚާއްސަ ގައިޑްލައިންތަކަށް ދަނީ އަމަލު ކުރަމުންނެވެ. މި ނޫހަށް މައުލޫމާތު ލިބިފައިވާ ގޮތުގައި ހުކުރު ދުވަހުގެ ފްލައިޓުން މެލޭޝިއާއަށް ދިޔަ ފަހުން ޕޮޒިޓިވްވި މީހާ ރާއްޖެއިން ފުރުވާލީ ކޯވިޑަށް ޓެސްޓް ނުހަދައެވެ.
އެޗްޕީއޭއިން ބުނީ މެލޭޝިއާގެ ކަމާބެހޭ ފަރާތްތަކުގެ އެދުމުގެ މަތީން އޭނާއާއި ބެހޭ މައުލޫމާތު މިހާރު ވަނީ ރަސްމީ ފަރާތްތަކާއި ހިއްސާ ކޮށްފައި ކަމަށެވެ. މެލޭޝިއާއަށް ދަތުރު ކުރުމަށް ހުއްދަ ދީފައިވާ މަދު ގައުމު ތަކުގެ ތެރޭގައި ރާއްޖެ ނުހިމެނެއެވެ. އެހެންކަމުން ރާއްޖެއިން ޚާއްޞަ ފްލައިޓް ތަކުގައި އެގައުމަށް ދާމީހުން 14 ދުވަހުގެ މުއްދަތަށް ކަރަންޓީންވާން ޖެހެއެވެ. މެލޭޝިއާގެ ކަމާބެހޭ އިދާރާއިން ހަމަޖައްސާ ތަނެއްގައި ކަރަންޓީންވާން ޖެހެނީ އަމިއްލަ ޚަރަދުގައެވެ.
މެލޭޝީއާގައި ކޯވިޑް19 އިން ރައްކާތެރިވުމަށް އެޅި ހަރުދަނާ ފިޔަވަޅުތަކާއިއެކު އެޤައުމުންވަނީ ބޮޑެތި ކުރިއެރުންތަކެއް ހޯދާފައެވެ. މިހާތަނަށް އެޤައުމުން ބައްޔަށް ޕޮޒިޓިވް ވެފައިވަނީ 9,274 މީހުންނެވެ. ބަލީގައި 125 މީހަކު ނިޔާވެފައިވާއިރު 8,965 މީހުން ވަނީ ބަލިން ރަނގަޅު ވެފައެވެ. މެލޭޝިޔާގައި ޕޮޒިޓިވްވާ މީހުންގެ އަދަދު މިހާރު ވަނީ ވަރަށް ބޮޑަށް މަދުކުރެވި ބަލި ކޮންޓްރޯލް ކުރެވިފައެވެ. ހުކުރު ދުވަހުވެސް ބައްޔަށް ޕޮޒިޓިވްވީ ޖުމްލަ 10 މީހުންނެވެ.
"ރަސް އޮންލައިން" އަށް މައުލޫމާތު ދެއްވަމުން އެޗްޕީއޭއިން ބުނީ މެލޭޝިއާއަށް ދިޔަ އަންހެނަކު ކޯވިޑަށް ޕޮޒިޓިވް ވެފައިވާކަމަށެވެ. އޭނާ އަކީ މެދުފުށި އައިސޮލޭޝަންގައި 14 ދުވަހުގެ ކަރަންޓީން ފުރިހަމަ ކުރުމަށްފަހު މިމަހުގެ 21 ވަނަ ދުވަހު ކަރަންޓީނުން ދޫކޮށްލާފައިވާ ކުއްޖެއްކަމަށެވެ. އަދި އޭނާ ވަނީ ހަމަ އެދުވަހު މެލޭޝިއާއަށް ފުރާފައިކަމަށް އެޗްޕީއޭއިން ބުނެފައިވެއެވެ.
ކަރަންޓީން ނިންމުމަށްފަހު ބޭރު ގައުމަކަށް ދާއިރު ކޯވިޑަށް ޓެސްޓް ނުކޮށް ނުވަތަ ނަތީޖާ ނުލިބެނީސް ދަތުރުކުރުމަކީ އުސޫލެއްގެ ގޮތުން މީގެ ކުރިން ކުރާ ކަމެއްނޫނެވެ. ނަމަވެސް މިހާރު މިކަމުގައި އަމަލުކުރާ އުސޫލާ ބެހޭގޮތުން "ރަސް އޮންލައިން" އިން ސުވާލު ކުރުމުންވެސް އެޗްޕީއޭއިން އެސުވާލަށް ޖަވާބު ދެއްވާފައެއް ނުވެއެވެ. ދުނިޔޭގެ އެހެން ޤައުމުތަކުގައި އެއްގައުމުން އަނެއް ގައުމަށް ދަތުރުކުރާއިރު، ކޯވިޑްގެ ޓެސްޓް ހަދައި ޚާއްސަ ގައިޑްލައިންތަކަށް ދަނީ އަމަލު ކުރަމުންނެވެ. މި ނޫހަށް މައުލޫމާތު ލިބިފައިވާ ގޮތުގައި ހުކުރު ދުވަހުގެ ފްލައިޓުން މެލޭޝިއާއަށް ދިޔަ ފަހުން ޕޮޒިޓިވްވި މީހާ ރާއްޖެއިން ފުރުވާލީ ކޯވިޑަށް ޓެސްޓް ނުހަދައެވެ.
މެލޭޝީއާގައި ކޯވިޑް19 އިން ރައްކާތެރިވުމަށް އެޅި ހަރުދަނާ ފިޔަވަޅުތަކާއިއެކު އެޤައުމުންވަނީ ބޮޑެތި ކުރިއެރުންތަކެއް ހޯދާފައެވެ. މިހާތަނަށް އެޤައުމުން ބައްޔަށް ޕޮޒިޓިވް ވެފައިވަނީ 9,274 މީހުންނެވެ. ބަލީގައި 125 މީހަކު ނިޔާވެފައިވާއިރު 8,965 މީހުން ވަނީ ބަލިން ރަނގަޅު ވެފައެވެ. މެލޭޝިޔާގައި ޕޮޒިޓިވްވާ މީހުންގެ އަދަދު މިހާރު ވަނީ ވަރަށް ބޮޑަށް މަދުކުރެވި ބަލި ކޮންޓްރޯލް ކުރެވިފައެވެ. ހުކުރު ދުވަހުވެސް ބައްޔަށް ޕޮޒިޓިވްވީ ޖުމްލަ 10 މީހުންނެވެ.
ކިޔުންތެރިންގެ ހިޔާލު