ރާއްޖޭގައި އޮތް ވެރިކަމުގެ ނިޒާމު ބަދަލު ކުރުމަށް މަސައްކަތް ކުރަމުންދަނީ އިސްލާމްދީނާއި ދެކޮޅަށް މަސައްކަތް ކުރަމުންދާ އެމްޑީއެންގެ ލާދީނީ އެޖެންޑާ ކާމިޔާބު ނުކުރެވިގެން ކަމުގައި ޝައިޚު އިލްޔާސް ހުސެއިން ވިދާޅުވެއްޖެއެވެ.
ރާއްޖޭގެ ވެރިކަމުގެ ނިޒާމު ބަދަލު ކުރުމަށްޓަކައި އެކި ގޮތްގޮތަށް ކުރަމުންދާ މަސައްކަތްތަކަށް އިޝާރާތް ކުރައްވައި ޝައިޚް އިލްޔާސް ހުސެއިން ކުރެއްވި ޓްވީޓްގައި ވިދާޅުވީ މިހުރިހާ މަސައްކަތަކީ ރާއްޖޭގައި އޮތް އިސްލާމްދީނުގެ އަސްލުތަކާއި އުސޫލުތައް ބަދަލު ކުރުންކަމަށެވެ. އެކަން ކުރުމަށްޓަކައި ޖަމްއިއްޔާތައް ހަދައިގެން ކުރިމަސައްކަތްވެސް މިހާތަނަށް ކާމިޔާބު ނުވުމުން އެކަން ކާމިޔާބު ކުރެވެން އޮތް ގޮތަކީ ވެރިކަމުގެ ނިޒާމު ބަދަލު ކުރުންކަމަށް މިމަސައްކަތުގައި އުޅުއްވާ ބޭފުޅުންނަށް ހީވެފައިވާކަމަށް އިލްޔާސް ވިދާޅުވިއެވެ.
"ރައްޔިތުންގެ ނިންމުމަށް ގޮންޖަހާފަ ބަރުލަމާނީ ގެންނަން މަސައްކަތް ކުރަނީ އެމްޑީއެންގެ ލާދީނީ އެޖެންޑާ ކާމިޔާބު ނުކުރެވިގެން ވެރިކަމުގެ ދަހިވެތިކަމުގައި ތިމާ ބޭނުންވާހާ ގޮތަކީ ރައްޔިތުންނަށް ފައިދާހުރިގޮތް ކަމަށް ބުނުމަކީ އެންމެ ބޮޑު އޮޅުވާލުން." މި ހާރުގެ ކޯލިޝަން ސަރުކާރު އްބައިވެރިއެއް ކަމަށްވާ އަދާލަތު ޕާޓީ ތަމްސީލު ކުރައްވާ ދީނީ ޢިލްމްވެރިޔާ އިލްޔާސް ވިދާޅުވިއެވެ.
ވެރިކަމުގެ ނިޒާމު ބަދަލު ކުރުމަށް މިވެރިކަމުގައި އެންމެ ފުރަތަމަ ވާހަކަ ދައްކަވައި އެކަން ކުރެވޭތޯ މަސައްކަތް ކުރައްވަމުން ގެންދަވާ އެއް ބޭފުޅަކީ ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދެވެ. ނަޝީދުވަނީ އެކި ފަހަރު މަތިން އެކި ފޯރަމްތަކުގައި ރާއްޖޭގައި މިހާރު އޮތް ވެރިކަމުގެ ނިޒާމު، ބަރުލަމާނީ ނިޒާމަށް ބަދަލު ކުރަންޖެހޭކަމަށް ވިދާޅުވެފައެވެ. އަދި ރާއްޖެއަށް އެންމެ ރަނގަޅީ އެނިޒާމުކަމަށްވެސް ރައީސް ނަޝީދު ވިދާޅުވެފައިވެއެވެ.
ރައީސް ނަޝީދުގެ މި ބަސްފުޅާއި ދެކޮޅު ހައްދަވައި ރާއްޖެއަށް އެންމެ ރަނގަޅު ވެރިކަމުގެ ނިޒާމަކީ ރިޔާސީ ނިޒާމު ކަމާއި މިއީ ރައްޔިތުންގެ ބޮޑު އަޣުލަބިއްޔަތަކުން ނިންމާފައި އޮތް ގޮތް ކަމަށް ވިދާޅުވެ ރައީސް މައުމޫން އަބްދުލް ގައްޔޫމް ރޭ ކުރެއްވި ޓްވީޓަކަށް ވެސް ރައީސް ނަޝީދު ވަނީ ވަރުގަދަ ރަށްދެއް ދެއްވާފައެވެ. ރައީސް މައުމޫނާ ޖަދަލު ކުރައްވަމުން ރައީސް ނަޝީދު ވިދާޅުވީ ރައީސް މައުމޫން ވަނީ 2007 ވަނަ އަހަރުގެ ނިޒާމުގެ ވޯޓު "ކަނޑައެޅިގެން އޮޅުވާލާފައި" ކަމަށެވެ. އަދި ރައީސް މައުމޫނުގެ ޙަޔާތްޕުޅުގައި ކޮންމެ ވޯޓެއްގައިވެސް ވަނީ މަކަރު ހައްދަވައި އޮޅުވާލައްވާފައި ކަމަށް ރައީސް ނަޝީދު ތުހުމަތު ކުރެއްވިއެވެ.
ރައީސް ނަޝީދުގެ މިމަސައްކަތާއިއެކު މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވަނީ ރާއްޖޭގެ ވެރިކަން ކުރުމުގެ ނިޒާމު ބަރުލަމާނީ ނިޒާމަކަށް ބަދަލުކުރުމަށް ހުށަހަޅުއްވާފައެވެ. ގިނަބަޔަކު ތުހުމަތު ކުރާ ގޮތުގައި މިއީ ރައީސް ނަޝީދު އަޑީގައި ހުންނަވައިގެން މިކަމުގައި މެމްބަރުން ދެކޭ ގޮތް ޓެސްޓް ކޮށްލުމަށް ކުރައްވާ ކަމެކެވެ.
ޖާބިރު ހުށަހެޅުއްވި އިސްލާހުގައި ވަނީ 2008 ވަނަ އަހަރު ތަސްދީގު ކުރެވުނު ރާއްޖޭގެ ޖުމްހޫރިއްޔާގެ ގާނޫނު އަސާސީ އެކުލަވާ ލުމުގެ މަސައްކަތް ކުރަމުންދިޔަ ދުވަސްވަރު ރާއްޖޭގައި އޮންނަން ފެންނަނީ"ރިޔާސީ ނިޒާމެއް" ތޯ ނުވަތަ "ބަރުލަމާކީ ނިޒާމެއް" ތޯ ކަނޑައެޅުމަށްޓަކައި ނެގި ރައްޔިތުންގެ "ފެންނަ ނުފެންނަ" ވޯޓުގައި ވޯޓުދިން މީހުންގެ އަޣުލަބިއްޔަތުން ރާއްޖޭގައި އޮންނަން ފެންނަނީ ރިޔާސީ ނިޒާމެއް ކަމުގައި ކަނޑައެޅިފައި ވީނަމަވެސް، ގާނޫނު އަސާސީގެ އެއްވެސް ހިސާބެއްގައި ރާއްޖޭގައި ވެރިކަންކުރާ ނިޒާމަކީ "ރިޔާސީ ނިޒާމެއް" ކަމުގައި ކަނޑައަޅައި ބަޔާން ކޮށްފައިނުވާ ކަމަށެވެ.
އަދި ގާނޫނު އަސާސީ ތަސްދީގު ކުރެވުނު ފަހުން ބޭއްވުނު ރިޔާސީ އިންތިހާބުތަކުގެ މައްޗަށާއި، އަދި ރާއްޖޭގައި ވެރިކަން ހިންގަމުން އަންނަ ގޮތަށް ބަލައި ވިސްނާއިރު، ރާއްޖޭގައި ވެރިކަން ހިންގަމުން އަންނަނީ "ބަރުލަމާނީ ނިޒާމުގެ" ސިފަތަކުގެ މައްޗަށްކަން އެނގެން އޮތް ކަމަށް ވެސް ޖާބިރުގެ ހުށައެޅުމުގައި ވެއެވެ.
"ރައްޔިތުންގެ ނިންމުމަށް ގޮންޖަހާފަ ބަރުލަމާނީ ގެންނަން މަސައްކަތް ކުރަނީ އެމްޑީއެންގެ ލާދީނީ އެޖެންޑާ ކާމިޔާބު ނުކުރެވިގެން ވެރިކަމުގެ ދަހިވެތިކަމުގައި ތިމާ ބޭނުންވާހާ ގޮތަކީ ރައްޔިތުންނަށް ފައިދާހުރިގޮތް ކަމަށް ބުނުމަކީ އެންމެ ބޮޑު އޮޅުވާލުން." މި ހާރުގެ ކޯލިޝަން ސަރުކާރު އްބައިވެރިއެއް ކަމަށްވާ އަދާލަތު ޕާޓީ ތަމްސީލު ކުރައްވާ ދީނީ ޢިލްމްވެރިޔާ އިލްޔާސް ވިދާޅުވިއެވެ.
ވެރިކަމުގެ ނިޒާމު ބަދަލު ކުރުމަށް މިވެރިކަމުގައި އެންމެ ފުރަތަމަ ވާހަކަ ދައްކަވައި އެކަން ކުރެވޭތޯ މަސައްކަތް ކުރައްވަމުން ގެންދަވާ އެއް ބޭފުޅަކީ ރައްޔިތުންގެ މަޖިލީހުގެ ރައީސް، ރައީސް މުހައްމަދު ނަޝީދެވެ. ނަޝީދުވަނީ އެކި ފަހަރު މަތިން އެކި ފޯރަމްތަކުގައި ރާއްޖޭގައި މިހާރު އޮތް ވެރިކަމުގެ ނިޒާމު، ބަރުލަމާނީ ނިޒާމަށް ބަދަލު ކުރަންޖެހޭކަމަށް ވިދާޅުވެފައެވެ. އަދި ރާއްޖެއަށް އެންމެ ރަނގަޅީ އެނިޒާމުކަމަށްވެސް ރައީސް ނަޝީދު ވިދާޅުވެފައިވެއެވެ.
ރައީސް ނަޝީދުގެ މި ބަސްފުޅާއި ދެކޮޅު ހައްދަވައި ރާއްޖެއަށް އެންމެ ރަނގަޅު ވެރިކަމުގެ ނިޒާމަކީ ރިޔާސީ ނިޒާމު ކަމާއި މިއީ ރައްޔިތުންގެ ބޮޑު އަޣުލަބިއްޔަތަކުން ނިންމާފައި އޮތް ގޮތް ކަމަށް ވިދާޅުވެ ރައީސް މައުމޫން އަބްދުލް ގައްޔޫމް ރޭ ކުރެއްވި ޓްވީޓަކަށް ވެސް ރައީސް ނަޝީދު ވަނީ ވަރުގަދަ ރަށްދެއް ދެއްވާފައެވެ. ރައީސް މައުމޫނާ ޖަދަލު ކުރައްވަމުން ރައީސް ނަޝީދު ވިދާޅުވީ ރައީސް މައުމޫން ވަނީ 2007 ވަނަ އަހަރުގެ ނިޒާމުގެ ވޯޓު "ކަނޑައެޅިގެން އޮޅުވާލާފައި" ކަމަށެވެ. އަދި ރައީސް މައުމޫނުގެ ޙަޔާތްޕުޅުގައި ކޮންމެ ވޯޓެއްގައިވެސް ވަނީ މަކަރު ހައްދަވައި އޮޅުވާލައްވާފައި ކަމަށް ރައީސް ނަޝީދު ތުހުމަތު ކުރެއްވިއެވެ.
ރައީސް ނަޝީދުގެ މިމަސައްކަތާއިއެކު މަޖިލީހުގެ ކާށިދޫ ދާއިރާގެ މެމްބަރު އަބްދުﷲ ޖާބިރު ވަނީ ރާއްޖޭގެ ވެރިކަން ކުރުމުގެ ނިޒާމު ބަރުލަމާނީ ނިޒާމަކަށް ބަދަލުކުރުމަށް ހުށަހަޅުއްވާފައެވެ. ގިނަބަޔަކު ތުހުމަތު ކުރާ ގޮތުގައި މިއީ ރައީސް ނަޝީދު އަޑީގައި ހުންނަވައިގެން މިކަމުގައި މެމްބަރުން ދެކޭ ގޮތް ޓެސްޓް ކޮށްލުމަށް ކުރައްވާ ކަމެކެވެ.
އަދި ގާނޫނު އަސާސީ ތަސްދީގު ކުރެވުނު ފަހުން ބޭއްވުނު ރިޔާސީ އިންތިހާބުތަކުގެ މައްޗަށާއި، އަދި ރާއްޖޭގައި ވެރިކަން ހިންގަމުން އަންނަ ގޮތަށް ބަލައި ވިސްނާއިރު، ރާއްޖޭގައި ވެރިކަން ހިންގަމުން އަންނަނީ "ބަރުލަމާނީ ނިޒާމުގެ" ސިފަތަކުގެ މައްޗަށްކަން އެނގެން އޮތް ކަމަށް ވެސް ޖާބިރުގެ ހުށައެޅުމުގައި ވެއެވެ.
ކިޔުންތެރިންގެ ހިޔާލު