މިސް ޔުނިވާސްގައި ރާއްޖެ ބައިވެރިވުން ސަރުކާރުން ކުށްވެރިކޮށްފި އެވެ.

މިސް ޔުނިވާސްގައި އަލަށް ރާއްޖެއިން ބައިވެރިވަނީ މަރިޔަމް ޝައިނާ ނަސީމް އެވެ.

މެކްސިކޯގައި ބާއްވާ އެ މުބާރާތުގައި ބައިވެރިވުމަށް ވިސާ ހަމަޖެއްސިކަން އެ ގައުމުގެ އެމްބަސީއިން ވަނީ ކަށަވަރުކޮށްދީފަ އެވެ.

އެކަމާ ގުޅިގެން ޔޫތު މިނިސްޓްރީން މިއަދު ނެރުނު ބަޔާނުގައި ބުނީ މިއީ ދިވެހި ސަރުކާރުން ބަަލައިގަންނަކަމެއް ނޫން ކަމަށެވެ. އަދި އެފަދަ ކަންކަމަކީ ދިވެހީން ގަބޫލުކުރާ އާންމު އަހުލާގީ މިންގަނޑުތަކާއި އުސޫލުތަކާވެސް ހިލާފުކަމެއް ކަމަށް ބުނެފައި ވެއެވެ.

"ރާއްޖެ ތަމްސީލުކުރުމުގެ ނަމުގައި ދިވެއްސަކު އެފަދަ ހަރަކާތަަކަށް ދިއުން ދިވެހި ސަރުކާރުން ކުށްވެރިކުރަމެވެ. އަދި އެ ހަރަކާތުގައި ބައިވެރިވުމަށް މަސައްކަތްކުރަމުންދާ ފަރާތުން އެކަން ހުއްޓާލުމަށް ވެސް ގޮވާލަމެވެ." ޔޫތު މިނިސްޓްރީގެ ބަޔާނުގައި ވެއެވެ.

ޔޫތު މިނިސްޓްރީން އިތުރަށް ބުނީ ރާއްޖެ ތަމްސީލުކުރަން އެފަދަ ހަރަކާތެއްގައި ދިވެއްސަކު ބައިވެރިކުުރުމަކީ ސަރުކާރުން ކުރާނެ ކަމަކަށް ނުވާއިރު އެއީ ސަރުކާރުބް ކުރުވާ ކަމެއްކަން ދޭހަވާ ގޮތަށް މައުލޫމާތު ނުފަތުރަން ވަނީ އިލްތިމާސްކޮަށްފަ އެވެ.

އަދި މިސް ޔުނިވާސްފަދަ މުބާރާތްތަކުގައި ދިވެހީން ބައިވެރިނުވަން ވެސް ވަަނީ ގޮވާލައިފަ އެވެ.