އިނގިރޭސިވިލާތުން، ޗާގޯސް ރަށްތައް މޮރިޝަސްއާ ހަވާލުކުރަން އެއްބަސްވުމަކީ ރާއްޖޭގެ ކަނޑުގެ ސަރަހައްދު ހޯދުމުގެ މަސައްކަތަށް ކުރިމަތިވި ބޮޑު ގޮންޖެހުމެއް ކަމަށް ބަންޑާރަ ނައިބު އަހުމަދު އުޝާމް މިއަދު ވިދާޅުވެއްޖެއެވެ.
އިނގިރޭސިވިލާތުން، ޗާގޯސް ރަށްތައް މޮރިޝަސްއާ ހަވާލުކުރަން މިހާރު ވަނީ އެއްބަސްވެފައެވެ. އިނގިރޭސިވިލާތާއި މޮރިޝަސް ސަރުކާރުން ނެރުނު ބަޔާނެއްގައި ބުނެފައިވަނީ މޮރިޝަސްއަށް ޗާގޯސް ރަށްތައް ދެނީ، އެ ރަށްތަކުގެ ރައްޔިތުންނަށް ޗާގޯސްއަށް އެނބުރި ދެވޭނެ ގޮތަށް ކަމަށެވެ.
ޗާގޯސްގެ ސިޔާދަތީ ބާރު މޮރިޝަސްއަށް ލިބޭ ކަމަށް ބައިނަލްއަގުވާމީ ކޯޓުން ނިންމި ނިންމުމާއެކު، ޗާގޯސް އާއި ރާއްޖެއާ ދެމެދު އޮތް ކަނޑުގެ އިން ވަކިކުރުމަށް އިޓްލޮސްއަށް ހުށަހެޅި މައްސަލާގައި އެ ކޯޓުން ވެސް ވަނީ އިންޓަނޭޝަނަލް ކޯޓު އޮފް ޖަސްޓިސްގެ ނިންމުން ދަމަހައްޓާފައެވެ. އަދި މޮރިޝަސް އާއި ރާއްޖެއާ ދެމެދު ފުށުއަރާ 95،000 އަކަ ކިލޯމީޓަރުގެ ސަރަހައްދު ވަނީ ބައިކޮށްފައެވެ. އިޓްލޮސްގެ ނިންމުން އިސްތިއުނާފުކޮށް ކަނޑުގެ ސަރަހައްދު ހޯދުމަކީ މި ސަރުކާރުގެ ރިޔާސީ ވައުދެކެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަަކަފުޅު ދައްކަވަމުން ބަންޑާރަ ނައިބު އަހުމަދު އުޝާމް ވިދާޅުވީ، އިނގިރޭސި ވިލާތުގެ އެނިންމުން އައީ އިޓޮލްސްގެ ހުކުމް އިސްތިއުނާފް ކުރުމަށްޓަކައި އިންޓަނޭޝަނަލް އެކްސްޕާޓުންގެ އެހީތެރިކަމާއެކު ރިޕޯޓެއް އެކުލަވާލައި ކެބިނެޓަށް ހުށައަޅަން ތައްޔާރުވަމުން ދަނިކޮށް ކަމަށެވެ. އަދި އިނގިރޭސިންގެ ނިންމުމުގެ ސަބަބުން ކަނޑުގެ ސަރަހައްދު ހޯދުމަށް ގޮންޖެހުން ތަކެއް ކުރިމަތިވެފައިވާ ކަމަށާއި އެއީ ރާއްޖޭގެ ކަނޑުގެ ސަރަހައްދު ހޯދުމުގެ މުޅި ސްޓްރޭޓެޖީ ބަދަލުކުރަންޖެހޭ ފަދަ ކަމެއް ކަމަށް އުޝާމް ވިދާޅުވިއެވެ. އުޝާމް ވިދާޅުވީ އިނގިރޭސިންގެ ނިންމުމާއެކު ރާއްޖެއިން ދެން އެމައްސަލައިގައި އަމަލުކުރާނެ ގޮތަކާއި ބެހޭގޮތުން ބައިނަލްއަގުއާމީ އެކްސްޕާޓުންނާއި މަޝްވަރާ ކުރަމުންދާ ކަމަށެވެ.
"އަޅުގަނޑުމެން މިހާރު މި އަންނަނީ އަނެއްކާވެސް މިކަމުގައި ލަފާދޭ އިންޓަނޭޝަނަލް އެކްސްޕާޓުންނާއި އަދި ބައިނަލްއަގުއާމީ ވަކީލުންގެ ޓީމާއި މަޝްވަރާކުރަމުން މިކަމުގައި ދެން އަމަލުކުރާނެ އެންމެ ރަނގަޅު ގޮތަކީ ކޮބައިތޯ؟އަޅުގަނޑުމެންނަށް އެލަފާތައް ލިބުނުހާ އަވަހަކަށް ދެން އަނެއްކާވެސް އަޅުގަނޑުމެންގެ ރިޕޯޓް ރިވައިސްކޮށްލާފައި ކެބިނެޓަށް ހުށައަޅަައިގެން ގޮތްތަކެއް ނިމިގެންދާނެ، ސީދާ ދަންނަވާކަށް ނޭނގޭ ކިހާ މުއްދަތެއް ކަމެއް ވާނީ މި ދެންނެވިހެން މި އެހެންބަޔެއްގެ ރިޕޯޓަކަށް ބަރޯސާވާންޖެހޭތީ އާއި ވެސް އެކީގައި،" ބަންޑާރަ ނައިބު ވިދާޅުވިއެވެ.
ޗާގޯސް މައްސަލަ ކުރިއަށްގެންދަން ސަރުކާރުން ކޮމިޓީއެއް އެކުލަވައިލައިފައިވެއެވެ. އެ ކޮމިޓީގައި އިސްކޮށް ހުންނަވަނީ ކުރީގެ ބަންޑާރަނައިބު މުހައްމަދު އަނިލެވެ.
ޗާގޯސްގެ ސިޔާދަތީ ބާރު މޮރިޝަސްއަށް ލިބޭ ކަމަށް ބައިނަލްއަގުވާމީ ކޯޓުން ނިންމި ނިންމުމާއެކު، ޗާގޯސް އާއި ރާއްޖެއާ ދެމެދު އޮތް ކަނޑުގެ އިން ވަކިކުރުމަށް އިޓްލޮސްއަށް ހުށަހެޅި މައްސަލާގައި އެ ކޯޓުން ވެސް ވަނީ އިންޓަނޭޝަނަލް ކޯޓު އޮފް ޖަސްޓިސްގެ ނިންމުން ދަމަހައްޓާފައެވެ. އަދި މޮރިޝަސް އާއި ރާއްޖެއާ ދެމެދު ފުށުއަރާ 95،000 އަކަ ކިލޯމީޓަރުގެ ސަރަހައްދު ވަނީ ބައިކޮށްފައެވެ. އިޓްލޮސްގެ ނިންމުން އިސްތިއުނާފުކޮށް ކަނޑުގެ ސަރަހައްދު ހޯދުމަކީ މި ސަރުކާރުގެ ރިޔާސީ ވައުދެކެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމުގައި ވާހަަކަފުޅު ދައްކަވަމުން ބަންޑާރަ ނައިބު އަހުމަދު އުޝާމް ވިދާޅުވީ، އިނގިރޭސި ވިލާތުގެ އެނިންމުން އައީ އިޓޮލްސްގެ ހުކުމް އިސްތިއުނާފް ކުރުމަށްޓަކައި އިންޓަނޭޝަނަލް އެކްސްޕާޓުންގެ އެހީތެރިކަމާއެކު ރިޕޯޓެއް އެކުލަވާލައި ކެބިނެޓަށް ހުށައަޅަން ތައްޔާރުވަމުން ދަނިކޮށް ކަމަށެވެ. އަދި އިނގިރޭސިންގެ ނިންމުމުގެ ސަބަބުން ކަނޑުގެ ސަރަހައްދު ހޯދުމަށް ގޮންޖެހުން ތަކެއް ކުރިމަތިވެފައިވާ ކަމަށާއި އެއީ ރާއްޖޭގެ ކަނޑުގެ ސަރަހައްދު ހޯދުމުގެ މުޅި ސްޓްރޭޓެޖީ ބަދަލުކުރަންޖެހޭ ފަދަ ކަމެއް ކަމަށް އުޝާމް ވިދާޅުވިއެވެ. އުޝާމް ވިދާޅުވީ އިނގިރޭސިންގެ ނިންމުމާއެކު ރާއްޖެއިން ދެން އެމައްސަލައިގައި އަމަލުކުރާނެ ގޮތަކާއި ބެހޭގޮތުން ބައިނަލްއަގުއާމީ އެކްސްޕާޓުންނާއި މަޝްވަރާ ކުރަމުންދާ ކަމަށެވެ.
ޗާގޯސް މައްސަލަ ކުރިއަށްގެންދަން ސަރުކާރުން ކޮމިޓީއެއް އެކުލަވައިލައިފައިވެއެވެ. އެ ކޮމިޓީގައި އިސްކޮށް ހުންނަވަނީ ކުރީގެ ބަންޑާރަނައިބު މުހައްމަދު އަނިލެވެ.
ކިޔުންތެރިންގެ ހިޔާލު