ނޫސްވެރިކަމުގެ ޓެގް އަޅުވައިގެން ފިތުނަ އުފައްދަން މަސައްކަތް ނުކުރުމަށް ރައީސް އޮފީހުގެ ތަރުޖަމާނު ހީނާ ވަލީދު ގޮވާލައްވައިފިއެވެ.
ހީނާ މިހެން ވިދާޅުވީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ މާސްޓަރޕްލޭން އެކުލަވާލުމުގެ މަސައްކަތް ފެށުމަށް އަންނަ ހަފުތާގައި އަގު ބޮޑު ހަފުލާއެއް ބޭއްވުމަށް ނިންމާފައިވާ ކަމަށް ބުނެ "އަދަދު" ނޫހުން ރިޕޯޓުކޮށްފައިވާ ޚަބަރަކާ ގުޅިގެން އެކްސްގައި ކުރެެއްވި ޕޯސްޓެއްގައެވެ. އެކަމަށް އިޝާރަތް ކުރައްވައި ރައީސް އޮފީހުގެ ތަރުޖަމާނު ހީނާ ވަލީދު ވިދާޅުވީ އެ ހަފްލާއަކީ ގާތްގަނޑަކަށް ދެލައްކަ ރުފިޔާއަށްވުރެ ވެސް ކުޑަ ބަޖެޓަކުން މުޅި ރާއްޖެ ޝާމިލުވާ ގޮތަށް ހިންގަން ރާވަމުން އަންނަ ކަމެއް ކަމަށެވެ.
ވޭތުވެދިޔަ އަހަރެއްހާ ދުވަހުގެ ތެރޭގައި "އަދަދު" ނޫހުން މިފަދަ އެތައް ދޮގު މަޢުލޫމާތެއް ގަސްތުގައި ފަތުރާފައިވާ ކަމަށް ހީނާ ވިދާޅުވިއެވެ.
"މިނިވަން ނޫސްވެރިކަމުގެ ޓެގް އަޅުވައިގެން މި ޤައުމުގައި ދޮގު މަޢުލޫމާތު ފަތުރާ، ފިތުނަ ފަސާދަ އުފެއްދުމަށް މަސައްކަތް ނުކުރުމަށް އިލްތިމާސްކުރަން،" ހީނާގެ ޕޯސްޓުގައި ލިޔުއްވިއެވެ.
ސަރުކާރުގެ މެނިފެސްޓޯގައި 20 އަހަރު ދުވަހުގެ ގައުމީ ތަރައްގީގެ ޕްލޭނެއް އެކުލަވާލުން ހިމަނާފައިވާއިރު ދާދިފަހުން ބޭއްވި ވަޒީރުންގެ މަޖިލީހުގެ ބައްދަލުވުމުގައި ވަނީ މި ޕްލޭން ހެދުމުގެ މަސައްކަތް ފަށައި، އެއް އަހަރު ތެރޭގައި އެ ޕްލޭން އެކުލަވާލަން ނިންމާފައެވެ. ގައުމީ ތަރައްގީގެ ޕްލޭނުގެ މަސައްކަތް އެއް އަހަރުތެރޭ ނިންމާނީ ރައްޔިތުންގެ ފުރިހަމަ ބައިވެރިވުން ހިމެނޭ ގޮތަށް ކަމަށް ރައީސް މުޢިއްޒު މީގެ ކުރިން ވަނީ ވިދާޅުވެފައެވެ.
ވޭތުވެދިޔަ އަހަރެއްހާ ދުވަހުގެ ތެރޭގައި "އަދަދު" ނޫހުން މިފަދަ އެތައް ދޮގު މަޢުލޫމާތެއް ގަސްތުގައި ފަތުރާފައިވާ ކަމަށް ހީނާ ވިދާޅުވިއެވެ.
"މިނިވަން ނޫސްވެރިކަމުގެ ޓެގް އަޅުވައިގެން މި ޤައުމުގައި ދޮގު މަޢުލޫމާތު ފަތުރާ، ފިތުނަ ފަސާދަ އުފެއްދުމަށް މަސައްކަތް ނުކުރުމަށް އިލްތިމާސްކުރަން،" ހީނާގެ ޕޯސްޓުގައި ލިޔުއްވިއެވެ.
ސަރުކާރުގެ މެނިފެސްޓޯގައި 20 އަހަރު ދުވަހުގެ ގައުމީ ތަރައްގީގެ ޕްލޭނެއް އެކުލަވާލުން ހިމަނާފައިވާއިރު ދާދިފަހުން ބޭއްވި ވަޒީރުންގެ މަޖިލީހުގެ ބައްދަލުވުމުގައި ވަނީ މި ޕްލޭން ހެދުމުގެ މަސައްކަތް ފަށައި، އެއް އަހަރު ތެރޭގައި އެ ޕްލޭން އެކުލަވާލަން ނިންމާފައެވެ. ގައުމީ ތަރައްގީގެ ޕްލޭނުގެ މަސައްކަތް އެއް އަހަރުތެރޭ ނިންމާނީ ރައްޔިތުންގެ ފުރިހަމަ ބައިވެރިވުން ހިމެނޭ ގޮތަށް ކަމަށް ރައީސް މުޢިއްޒު މީގެ ކުރިން ވަނީ ވިދާޅުވެފައެވެ.
ކިޔުންތެރިންގެ ހިޔާލު