ޤައުމުގެ ދިފާއުގައި ލެއިން ގުރުބާންވި ފަރާތްތަކުގެ ހަނދާންތައް އައުކުރަން ޖެހޭކަމަށް ރައީސުލްޖުމްހޫރިއްޔާ ޑރ. މުހައްމަދު މުޢިއްޒު މިއަދު ވިދާޅުވެއްޖެއެވެ.

ނަޞްރުގެ ދުވަހާއި ގުޅިގެން ތަހުނިޔާ ފޮނުއްވައި މީސްމިޑީއާގައި ކުރެއްވި ޕޯސްޓެއްގައި ރައީސުލްޖުމްހޫރިއްޔާ ޑރ. މުހައްމަދު މުޢިއްޒު ވިދާޅުވީ ޤައުމު ދިފާޢު ކުރުމަށް ލެއިން ޤުރުބާންވި ފަރާތްތަކުގެ ހަނދާތައް އައުކޮށް އެޝަހީދުންނަށް ދިވެހިން ޝުކުރުވެރިވާ ކަމަށާއި އެފަރާތްތަކުގެ ޒިކުރާ ދިވެހިން އައު ކުރަން ޖެހޭ ކަމަށެވެ.

"ދިވެހި އުންމަތުގެ ހައްގުގައި ހަށި ފޮޅާލާ،

ދިވެހި ދިދަ ޙިމާޔަތްކުރަން އަތުގުޅާލާ،

ދިވެހި ލެއިންނެ ދިޔައީ މިތާ ނަން ފަވާލާ،

ދިވެހި ބިމުގެ ޝަރަފަށްޓަކައި މާތްވި ދީނާ

ކިޔާ ދޫތަކުން މީ ޝުކުރުވެރި ތަރާނާ،

ޝަހީދުންގެ ޒިކުރާގެ މަތިވެރި ފަސާނާ" pic.twitter.com/7IJ5Salo4J

— Dr Mohamed Muizzu (@MMuizzu) November 2, 2024

ރައީސްގެ ޕޯސްޓުގައި ވަނީ ނަޞްރުގެ ދުވަހާއި ގުޅިގެން އެދުވަހު ދިވެހިން ދެއްކި ހިތްވަރާ އަޒުމް ދޭހަވާ ޅެން ބައިތުތަކެއް ހިއްސާކުރައްވާފައެވެ.

"ދިވެހި އުންމަތުގެ ހައްގުގައި ހަށި ފޮޅާލާ، ދިވެހި ދިދަ ޙިމާޔަތްކުރަން އަތުގުޅާލާ، ދިވެހި ލެއިންނެ ދިޔައީ މިތާ ނަން ފަވާލާ، ދިވެހި ބިމުގެ ޝަރަފަށްޓަކައި މާތްވި ދީނާ، ކިޔާ ދޫތަކުން މީ ޝުކުރުވެރި ތަރާނާ، ޝަހީދުންގެ ޒިކުރާގެ މަތިވެރި ފަސާނާ،”ރައީސް މުޢިއްޒު ހިއްސާކުރެއްވި ޅެންބައިތުގައި ވެއެވެ.

ނަޞްރުގެ ދުވަސް ފާހަގަކުރަނީ 1988 ނޮވެންބަރު މަހުގެ 3 ވަނަ ދުވަހު ރާއްޖެއަށް ކުރިމަތިވި ނުރައްކާތެރި ޢުދުވާނީ ޙަމަލާއާ ގުޅިގެން، ދިވެހިންނަށް ލިބުނު ނަޞްރު ފާހަގަކުރުމުގެ ގޮތުންނެވެ. ދިވެހިންގެ މަދު ބަޔަކު އަޑީގައި ތިބެގެން 3 ނޮވެމްބަރ 1988ގައި ދިން ޢުދުވާނީ ހަމަލާގައި 19 ދިވެހިން ވަނީ ޝަހީދުކޮށްލާފައެވެ. އޭގެ ތެރޭގައި ދިވެހި ޤައުމުގެ ދިފާޢުގައި ހަނގުރާމަކޮށް ޝަހީދުވި ހިތްވަރުގަދަ ސިފައިންގެ 08 ބޭކަލަކު ހިމެނެއެވެ.