ކިޔެވުމުގެ ފުރުސަތު ނެތް، އަދި ވަޒީފާއެއްވެސް ނެތް ޒުވާނުން ޕޮލިހާއި ސިފައިންގެ ޚިދުމަތާ ގުޅެން ފުރުސަތު ދޭން ނިންމާފައިވާ ކަމަށް ރައީސުލްޖުމްޙޫރިއްޔާ ޑރ. މުހައްމަދު މުއިއްޒު ވިދާޅުވެއްޖެއެވެ.
ދަރުބާރުގޭގައި މިރޭ ބޭއްވި ނަސްރުގެ ދުވަހުގެ ޚާއްސަ ޖަލްސާގައި ވާހަކަފުޅުދައްކަވަމުން ރައީސް ޑރ.މުޙައްމަދު މުޢިއްޒު ވިދާޅުވީ ކިޔެވުމުގެ ފުރުސަތު ނެތް، ނުވަތަ ވަޒީފާއެއް ނެތް ކޮންމެ ޒުވާނަކު ސަލާމަތީ ބާރުތަކުގެ ތަމްރީނުތަކުގައި ބައިވެރިކުރުވާ ގޮތަށް، ނެޝަނަލް ސާވިސް ޕްރޮގްރާމެއް ފަށަން ނިންމާފައިވާ ކަމަށެވެ. ރައީސް ވިދާޅުވީ އޯލެވެލް ނިމި އޭލެވެލްއަށް ނުދެވި ތިބޭ އަދި އޭލެވެލް ނިންމައި ޑިގްރީއަށް ނުދެވި ތިބޭ ބައިވަރު ކުދިން އެބަތިބި ކަމަށާއި އަދި އެ ކުދިންނަށް މުޖުތަމައުގައި ވަޒީފާ ވެސް ނުލިބޭކަމަށެވެ.
ރައީސް ވިދާޅުވީ ނަތީޖާއެއްގެ ގޮތުން އެފަދަ ކުދިން މަސްތުވާތަކެއްޗާއި އެކި ކަހަލަ ނުބައި އަމަލުތަކަށް ހުށަހެޅޭ ކަމަށެވެ. އަދި އޭގެ ސަބަބުން ސަރުކާރުންނާއި، މުޖުތަމައުންނާއި، އެ ކުދިންގެ އާއިލާތަކުން އުފުލަންޖެހޭ ބުރަ ބޮޑުކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ އެކުދިންނަށް އަސްކަރީ ތަމްރީނު ލިބި، ރަނގަޅަށް ތަރުބިއްޔަތު ކުރެވިއްޖެނަމަ ގައުމަށާއި ސިފައިންގެ ޚިދުމަތަށް ވެސް ލިބޭނެ ކުރިއެރުމަކަށް ވާނެ ކަމަށެެވެ.
ރައީސް އިތުރަށް ވިދާޅުވީ ކުރިއަށް އޮތް ހަތަރު އަހަރުތެރޭ، ކޮންމެ އަހަރަކު 1،000 ސިފައިން ތަމްރީނުކުރަންޖެހޭ ކަމަށެވެ. އަދި ފުލުހުންގެ ދައުރު ފުޅާކުރުމަށްޓަކައި ކުރިއަށް އޮތް ހަތަރު އަހަރުން 1،000 ފުލުހުން ތަމްރީނުކުރަންޖެހޭ ކަމަށް ރައީސް ފާހަަގަކުރެއްވިއެވެ.
ގާނޫނުގައިވާ ގޮތުންނަމަ ސިފައިން ނުވަތަ ފުލުހަކަށް ވެވޭނީ 18 އަހަރު ފުރުމުން ނަމަވެސް ރައީސް ވިދާޅުވީ ނެޝަނަލް ސާވިސް ޕްރޮގްރާމްގެ ދަށުން އެގޮތަށް ސްކޫލް ނިންމައި، އިތުރަށް ކިޔެވުމުގެ ފުރުސަތު ނެތް، ނުވަތަ ވަޒީފާއެއް ނެތް ކޮންމެ ޒުވާނަކު ނެޝަނަލް ސާވިސް ޕްރޮގްރާމްގައި ބައިވެރިވާންޖެހޭނެ ކަމަށެެވެ. އަދި އެ ޕްރޮގްރާމަކީ ގާނޫނުގެ ތެރެއިން ބާރު ލިބިގެން ހިންގޭނެ ޕްރޮގްރާމަކަށް ވެގެންދާނެ ކަމަށް ރައީސް ވިދާޅުވިއެވެ.
ރައީސް ވިދާޅުވީ ނަތީޖާއެއްގެ ގޮތުން އެފަދަ ކުދިން މަސްތުވާތަކެއްޗާއި އެކި ކަހަލަ ނުބައި އަމަލުތަކަށް ހުށަހެޅޭ ކަމަށެވެ. އަދި އޭގެ ސަބަބުން ސަރުކާރުންނާއި، މުޖުތަމައުންނާއި، އެ ކުދިންގެ އާއިލާތަކުން އުފުލަންޖެހޭ ބުރަ ބޮޑުކަމަށް ރައީސް މުޢިއްޒު ވިދާޅުވިއެވެ. ރައީސް ވިދާޅުވީ އެކުދިންނަށް އަސްކަރީ ތަމްރީނު ލިބި، ރަނގަޅަށް ތަރުބިއްޔަތު ކުރެވިއްޖެނަމަ ގައުމަށާއި ސިފައިންގެ ޚިދުމަތަށް ވެސް ލިބޭނެ ކުރިއެރުމަކަށް ވާނެ ކަމަށެެވެ.
ރައީސް އިތުރަށް ވިދާޅުވީ ކުރިއަށް އޮތް ހަތަރު އަހަރުތެރޭ، ކޮންމެ އަހަރަކު 1،000 ސިފައިން ތަމްރީނުކުރަންޖެހޭ ކަމަށެވެ. އަދި ފުލުހުންގެ ދައުރު ފުޅާކުރުމަށްޓަކައި ކުރިއަށް އޮތް ހަތަރު އަހަރުން 1،000 ފުލުހުން ތަމްރީނުކުރަންޖެހޭ ކަމަށް ރައީސް ފާހަަގަކުރެއްވިއެވެ.
ގާނޫނުގައިވާ ގޮތުންނަމަ ސިފައިން ނުވަތަ ފުލުހަކަށް ވެވޭނީ 18 އަހަރު ފުރުމުން ނަމަވެސް ރައީސް ވިދާޅުވީ ނެޝަނަލް ސާވިސް ޕްރޮގްރާމްގެ ދަށުން އެގޮތަށް ސްކޫލް ނިންމައި، އިތުރަށް ކިޔެވުމުގެ ފުރުސަތު ނެތް، ނުވަތަ ވަޒީފާއެއް ނެތް ކޮންމެ ޒުވާނަކު ނެޝަނަލް ސާވިސް ޕްރޮގްރާމްގައި ބައިވެރިވާންޖެހޭނެ ކަމަށެެވެ. އަދި އެ ޕްރޮގްރާމަކީ ގާނޫނުގެ ތެރެއިން ބާރު ލިބިގެން ހިންގޭނެ ޕްރޮގްރާމަކަށް ވެގެންދާނެ ކަމަށް ރައީސް ވިދާޅުވިއެވެ.
ކިޔުންތެރިންގެ ހިޔާލު