ސަރުކާރުގެ ކުންފުނިތަކާއި ސަރުކާރު ބައިވެރިވާ ކުންފުނިތަކުގެ އިތުރުން، ވިޔަފާރި އުސޫލުން ހިންގާ ސަރުކާރުގެ ތަންތަނުން، މަދުވެގެން އަހަރަކު ދެ ފަހަރު ބަޖެޓު ޕްރޮސެސް އޮޑިޓެއް ހަދަންޖެހޭ ގޮތަށް އުސޫލެއް އެކުލަވާލައިފިއެވެ.
މިކަން ހާމަކޮށް ޕްރައިވެޓައިޒޭޝަން އެންޑް ކޯޕަރަޓައިޒޭޝަން ބޯޑު، ޕީސީބީ އިން މިއަދު ނެރުނު ސާކިއުލާއެއްގައި ބުނެފައިވަނީ، އެކަމަށް އުސޫލެއް އެކުލަވާލަން ނިންމީ ބަޖެޓު އެއްހަމައަކުން ދިރާސާ ކުރުމުގައި ލުއިފަސޭހަ ގޮތްތަކެއް ކަނޑައެޅުމަށް ކަމަށެވެ.
މިއަދު އާންމުކުރި އުސޫލުގައި ސަރުކާރުގެ ތަންތަނުން ބަޖެޓް އެކުލަވާލުމުގައި ހަދަންޖެހޭ އާންމު ދިރާސާތަކާއި ޕްރޮސެސްތައް އަދި ބަޖެޓު ރިވިއު ކުރުމަށް ޕީސީބީއަށާއި ފިނޭންސް މިނިސްޓްރީއަށް ހުށަހެޅުމަށް އަމަލުކުރާނެ ގޮތްތައް ވަނީ ބަޔާންކޮށްފައެވެ.
އޭގައިވާގޮތުން، ބަޖެޓު ތައްޔާރު ކުރާއިރު މުވައްޒަފުންގެ ޚަރަދު އާމްދަނީގެ 30 ޕަސަންޓަށްވުރެ އިތުރުވެގެން ނުވާނެއެވެ. އަދި މަޖުބޫރު ހާލަތެއްގައި ނޫނީ ބަޖެޓަށް ބަދަލު ނުގެނައުމާއި ބަދަލު ގެންނަން ޖެހިއްޖެނަމަ، ސަބަބު ބަޔާންކޮށް ފިނޭންސް މިނިސްޓްރީއަށް ހުށަހަޅަންޖެހޭނެކަމަށްވެސް ބުނެފައިވެއެވެ.
އޭގެ އިތުރުން އަހަރަކު ދެ ފަހަރު ކުންފުނީގެ ބަޖެޓު ޕްރޮސަސް އޮޑިޓެއް ހަދަން ޖެހޭނެކަމަށް ވެސް ވަނީ ބުނެފައެވެ.
ޕީސީބީން ބުނީ 2025 ވަނަ އަހަރުގެ ބަޖެޓު އެކުލަވާލުމުގެ މަސައްކަތް ސަރުކާރުގެ ތަންތަނުން މިހާރު ފަށާފައިވާނެތީ އަލަށް އެކުލަވާލި ބަޖެޓުގެ އުސޫލުތަކަށް އަމަލުކުރަން ފަށާނީ 2026 ވަނަ އަހަރުން ފެށިގެން ކަމަށެވެ.
ޕީސީބީން ކުންފުނިތަކާއި ގުޅޭ ކަންކަން ބެލެހެއްޓުން ހަރުދަނާ ކުރުމަށް މިފަދަ އުސޫލެއް އެކުލަވާލާފައިވާއިރު ދާދިފަހުން ބޭއްވި ނޫސްވެރިންގެ ބައްދަލުވުމެއްގައި ބަންޑާރަނައިބު ވަނީ ކުންފުނިތައް ބެލެހެއްޓުމުގެ މަސައްކަތް ފިނޭންސް މިނިސްޓްރީގެ ދަށުގައި އޮތްއިރު މާ ރަނގަޅަށް ބަލަހައްޓަމުން ދިޔަކަމަށް ފާހަގަކުރައްވާފައެވެ.
މިއަދު އާންމުކުރި އުސޫލުގައި ސަރުކާރުގެ ތަންތަނުން ބަޖެޓް އެކުލަވާލުމުގައި ހަދަންޖެހޭ އާންމު ދިރާސާތަކާއި ޕްރޮސެސްތައް އަދި ބަޖެޓު ރިވިއު ކުރުމަށް ޕީސީބީއަށާއި ފިނޭންސް މިނިސްޓްރީއަށް ހުށަހެޅުމަށް އަމަލުކުރާނެ ގޮތްތައް ވަނީ ބަޔާންކޮށްފައެވެ.
އޭގައިވާގޮތުން، ބަޖެޓު ތައްޔާރު ކުރާއިރު މުވައްޒަފުންގެ ޚަރަދު އާމްދަނީގެ 30 ޕަސަންޓަށްވުރެ އިތުރުވެގެން ނުވާނެއެވެ. އަދި މަޖުބޫރު ހާލަތެއްގައި ނޫނީ ބަޖެޓަށް ބަދަލު ނުގެނައުމާއި ބަދަލު ގެންނަން ޖެހިއްޖެނަމަ، ސަބަބު ބަޔާންކޮށް ފިނޭންސް މިނިސްޓްރީއަށް ހުށަހަޅަންޖެހޭނެކަމަށްވެސް ބުނެފައިވެއެވެ.
ޕީސީބީން ބުނީ 2025 ވަނަ އަހަރުގެ ބަޖެޓު އެކުލަވާލުމުގެ މަސައްކަތް ސަރުކާރުގެ ތަންތަނުން މިހާރު ފަށާފައިވާނެތީ އަލަށް އެކުލަވާލި ބަޖެޓުގެ އުސޫލުތަކަށް އަމަލުކުރަން ފަށާނީ 2026 ވަނަ އަހަރުން ފެށިގެން ކަމަށެވެ.
ޕީސީބީން ކުންފުނިތަކާއި ގުޅޭ ކަންކަން ބެލެހެއްޓުން ހަރުދަނާ ކުރުމަށް މިފަދަ އުސޫލެއް އެކުލަވާލާފައިވާއިރު ދާދިފަހުން ބޭއްވި ނޫސްވެރިންގެ ބައްދަލުވުމެއްގައި ބަންޑާރަނައިބު ވަނީ ކުންފުނިތައް ބެލެހެއްޓުމުގެ މަސައްކަތް ފިނޭންސް މިނިސްޓްރީގެ ދަށުގައި އޮތްއިރު މާ ރަނގަޅަށް ބަލަހައްޓަމުން ދިޔަކަމަށް ފާހަގަކުރައްވާފައެވެ.
ކިޔުންތެރިންގެ ހިޔާލު