ރައީސް ޑރ. މުޙައްމަދު މުޢިއްޒުގެ ވައުދާއި އެއްގޮތަށް ބޯހިޔާވަހިކަމަށް ގެދޮރު އިމާރާތްކުރުމަށް ފަސް ޕަސެންޓް އިންޓަރެސްޓް ރޭޓުގައި ދޭ ލޯނު، ހިޔާވަހި ސްކީމް މިއަދު އިފްތިތާހުކޮށްފިއެވެ.
މިއަދު ހެނދުނު ދަރުބާރުގޭގައި ބޭއްވި ރަސްމިއްޔާތެއްގައި އެ ސްކީމް އިފުތިތާހުކޮށްދެއްވީ ރައީސުލްޖުމުހޫރިއްޔާ ޑރ. މުހައްމަދު މުއިއްޒެވެ.
އެ ސްކީމަކީ މާލީ ތަނަވަސްކަން ނެތުމުގެ ސަބަބުން ދަތިހާލުގައި އުޅޭ އާއިލާތަކަށް ގެދޮރުގެ ތަނަވަސްކަން ފަހިކޮށްދޭން ތައާރަފްކުރި ސްކީމެކެެވެ. މިރަސްމިއްޔާތުގައި ވާހަަކަފުޅު ދައްކަވަމުން ހައުސިން މިނިސްޓަރު ޑރ. ޢަލީ ހައިދަރު އަޙްމަދު ވިދާޅުވީ، މި ސްކީމަށް ހުށަހެޅޭނީ އަމިއްލަ ނުވަތަ ދައުލަތުން ދޫކޮށްފައިވާ ބޯހިޔާވަހި ކަމެއް ނެތް މީހުންނަށް އެކަނި ކަމަށެވެެ. އެ ފައިނޭންސް ސްކީމުން މާލީ ތަނަވަސްކަން ނެތުމުގެ ސަބަބުން ދަތިހާލުގައި އުޅޭ ވަރަށްގިނަ އާއިލާތަކަކަށް ފަސޭހަތަކެއް ލިބިގެންދާނެ ކަމަށް ހައިދަރު ވިދާޅުވިއެވެ.
"ހިޔާވަހި ފައިނޭންސް ސްކީމް" ގެ ދަށުން ލޯނު ދޫކުރުމަށް ތިން ކެޓަގަރީއެއް ވަނީ ކަނޑައަޅާފައެވެ. އޭގެތެރޭގައި އަތޮޅުތެރެއާއި އާބަން ސެންޓަރުތަކާއި ފުރަމާލެ ހިމެނެއެެވެ. އެގޮތުން އަތޮޅު ތެރޭގެ ގިންތީގެ ރަށްރަށުގައި ގެދޮރު އަޅަން އެއް މިލިއަން ރުފިޔާއާ ހަމައަށް ލޯނު ދޫކުރެވޭނެއެވެ. މި ލޯނަށް އެއްވެސް އިކުއިޓީއެއް ދައްކަމާކަށް ނުޖެހޭނެއެވެ. އެ ލޯނު ދޫކުރާނީ އެޗްޑީއެފްސީ މެދުވެރިކޮށް ކަމަށް ހައުސިން މިނިސްޓްރީ އިން ބުނެއެވެ.
އާބަން ސެންޓަރުތަކަށް ތިން މިލިއަން ރުފިޔާއާ ހަމައަށް ލޯނު ދޫކުރާގޮތަށް ހަމަޖެހިފައިވާއިރު މި ލޯނު ދޫކުރާނީ ބީއެމްއެލާއި އެމްއައިބީ މެދުވެރިކޮށެވެ. މާލެ ސަރަހައްދުގައި ގެއަޅަން މި ސްކީމްގެ ދަށުން ހަ މިލިއަން ރުފިޔާއާ ހަމައަށް ލޯނު ދޫކުރަން ވަނީ ނިންމާފައެވެ.
މި ސްކީމްގެ ބޭނުމަކީ ގެދޮރު ހަދަން ބޭނުންވެ ހަދަން ނުފެށިފައިވާ ފަރާތްތަކަށް ލޯނު ދޫކުރުމާއި، ހަދަން ފަށައި ނުނިމި ހުރި އިމާރާތްތައް ނިންމަން އެހީވުމާއި، މާލޭގައި ހިމެނޭ ކުދި ބިންތައް އެއްކޮށްލައިގެން ގެ ހަދަން މަގުފަހިކޮށްދިނުން ކަމަށް ހައުސިން މިނިސްޓްރީ އިން ބުނެއެވެ.
މިނިސްޓަރު ޑރ. އަލީ ހައިދަރު ވިދާޅުވީ ލޯނު ދިނުމަށް ކަނޑައެޅިފައިވާ އުސޫލުތަކާއި ޝަރުތުތަކުގެ ތަފްސީލް މި ހަފުތާ ނިމުމުގެ ކުރިން ގެޒެޓުކުރާނެކަމަށެވެ. ސްކީމަށް އެޕްލައިކުރަންޖެހޭނީ ހިޔާވަހި ޕޯޓަލް މެދުވެރިކޮށެވެ.
މި ސްކީމަށް ލޯނު ދޫކުރުމުގެ ގޮތުން އަންނަ އަހަރުގެ ބަޖެޓުގައި އެއް ބިލިއަން ރުފިޔާ ވަނީ ހިމަނާފައެވެ.
އެ ސްކީމަކީ މާލީ ތަނަވަސްކަން ނެތުމުގެ ސަބަބުން ދަތިހާލުގައި އުޅޭ އާއިލާތަކަށް ގެދޮރުގެ ތަނަވަސްކަން ފަހިކޮށްދޭން ތައާރަފްކުރި ސްކީމެކެެވެ. މިރަސްމިއްޔާތުގައި ވާހަަކަފުޅު ދައްކަވަމުން ހައުސިން މިނިސްޓަރު ޑރ. ޢަލީ ހައިދަރު އަޙްމަދު ވިދާޅުވީ، މި ސްކީމަށް ހުށަހެޅޭނީ އަމިއްލަ ނުވަތަ ދައުލަތުން ދޫކޮށްފައިވާ ބޯހިޔާވަހި ކަމެއް ނެތް މީހުންނަށް އެކަނި ކަމަށެވެެ. އެ ފައިނޭންސް ސްކީމުން މާލީ ތަނަވަސްކަން ނެތުމުގެ ސަބަބުން ދަތިހާލުގައި އުޅޭ ވަރަށްގިނަ އާއިލާތަކަކަށް ފަސޭހަތަކެއް ލިބިގެންދާނެ ކަމަށް ހައިދަރު ވިދާޅުވިއެވެ.
"ހިޔާވަހި ފައިނޭންސް ސްކީމް" ގެ ދަށުން ލޯނު ދޫކުރުމަށް ތިން ކެޓަގަރީއެއް ވަނީ ކަނޑައަޅާފައެވެ. އޭގެތެރޭގައި އަތޮޅުތެރެއާއި އާބަން ސެންޓަރުތަކާއި ފުރަމާލެ ހިމެނެއެެވެ. އެގޮތުން އަތޮޅު ތެރޭގެ ގިންތީގެ ރަށްރަށުގައި ގެދޮރު އަޅަން އެއް މިލިއަން ރުފިޔާއާ ހަމައަށް ލޯނު ދޫކުރެވޭނެއެވެ. މި ލޯނަށް އެއްވެސް އިކުއިޓީއެއް ދައްކަމާކަށް ނުޖެހޭނެއެވެ. އެ ލޯނު ދޫކުރާނީ އެޗްޑީއެފްސީ މެދުވެރިކޮށް ކަމަށް ހައުސިން މިނިސްޓްރީ އިން ބުނެއެވެ.
މި ސްކީމްގެ ބޭނުމަކީ ގެދޮރު ހަދަން ބޭނުންވެ ހަދަން ނުފެށިފައިވާ ފަރާތްތަކަށް ލޯނު ދޫކުރުމާއި، ހަދަން ފަށައި ނުނިމި ހުރި އިމާރާތްތައް ނިންމަން އެހީވުމާއި، މާލޭގައި ހިމެނޭ ކުދި ބިންތައް އެއްކޮށްލައިގެން ގެ ހަދަން މަގުފަހިކޮށްދިނުން ކަމަށް ހައުސިން މިނިސްޓްރީ އިން ބުނެއެވެ.
މިނިސްޓަރު ޑރ. އަލީ ހައިދަރު ވިދާޅުވީ ލޯނު ދިނުމަށް ކަނޑައެޅިފައިވާ އުސޫލުތަކާއި ޝަރުތުތަކުގެ ތަފްސީލް މި ހަފުތާ ނިމުމުގެ ކުރިން ގެޒެޓުކުރާނެކަމަށެވެ. ސްކީމަށް އެޕްލައިކުރަންޖެހޭނީ ހިޔާވަހި ޕޯޓަލް މެދުވެރިކޮށެވެ.
މި ސްކީމަށް ލޯނު ދޫކުރުމުގެ ގޮތުން އަންނަ އަހަރުގެ ބަޖެޓުގައި އެއް ބިލިއަން ރުފިޔާ ވަނީ ހިމަނާފައެވެ.
ކިޔުންތެރިންގެ ހިޔާލު