ގުޅީފަޅުގެ ހިއްކާ ނުނިމި އޮތް ސަރަހައްދު ހިއްކުމުގެ މަސައްކަތް ވަރަށް އަވަހަށް ބަޔަކާއި ހަވާލުކުރާނެ ކަމަށް ރައީސް ޑރ. މުޙައްމަދު މުޢިއްޒު ވިދާޅުވެއްޖެއެވެ.
"ހިޔާވެހި ފައިނޭންސިންގ ޕްރޮގްރާމް" އިފްތިތާޙުކުރުމަށް މިއަދު ބޭއްވި ރަސްމިއްޔާތުގައި ވާހަކަފުޅު ދައްކަވަމުން ރައީސް ޑރ. މުޙައްމަދު މުޢިއްޒު ވިދާޅުވީ ގުޅީފަޅުގެ ހިއްކާ ނުނިމި އޮތް ސަރަހައްދު ހިއްކުމުގެ މަސައްކަތް ވަރަށް އަވަހަށް ހަވާލުކުރާނޭކަމަށެވެ. ރައީސް މުޢިއްޒު ވިދާޅުވީ ގޯތީގެ ރަޖިސްޓަރީ ހަވާލުކުރެވޭނީ ބިން ހިއްކައި ނިމުމުން ކަމަށެވެެ. އެހެންނަމަވެސް މިހާރުވެސް، ރައްޔިތުންނަށް ޔަޤީންކަން ދެއްވުމުގެ މަޤްޞަދުގައި، އެ މީހެއްގެ ގޯތި ލިބޭނޭ ސަރަޙައްދުގެ ކޯޑިނޭޓްސް ފެންނަ ލިޔުމެއް، ދޫކުރަމުންދާކަމަށް ރައީސް ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ ކުރީގެ ސަރުކާރުން ގިރާވަރު ފަޅުން ގޯތި ދޫކޮށްފައިވަނީ އެއްވެސް މިންގަނޑަކަށް ނުވަތަ ލޭންޑް ޔޫސް ޕްލޭނަކަށް ބަލައިގެން ނޫންކަމަށެވެ. އޭގެ ސަބަބުން 1200 އެއްހާ ގޯތި، އެހެން ސަރަޙައްދުތަކަށް ބަދަލުކުރަން ޖެހުނު ކަމަށް ރައީސް ވިދާޅުވިއެވެ. ރައސް ވިދާޅުވީ ރަސްމާލޭގެ މަސައްކަތުގައިވެސް ހުރި ގޮންޖެހުންތަކުން އަރައިގަނެ، ރޭވުމާ އެއްގޮތަށް މަސައްކަތް ނިންމަވާނެ ކަމަށެވެ.
ރައީސް މުޢިއްޒު އިތުރަށް ވިދާޅުވީ ގެދޮރުވެރިކަމަށް ދާއިމީ ހައްލެއް ހޯދެން އޮތީ، ދެން ހުރި ސަރަހައްދު ތަކުގައިވެސް ހިއްކަން ޖެހޭ ބިންތައް ހިއްކައި، މާލެ ނޫން ސަރަޙައްދުތަކުގައިވެސް އަރބަން ސެންޓަރުތައް ތަރައްޤީކޮށްގެންކަމަށެވެ. ރައީސް ވިދާޅުވީ، މި ސަރުކާރަށް އަބަދުވެސް މުހިންމީ ނަތީޖާކަމަށެވެ. އަދި ވާހަކަދައްކާނީވެސް ނަތީޖާގެ މައްޗަށް ކަމަށް ރައީސް ވިދާޅުވިއެވެ.
"އުފަލާއި ޔަޤީންކަމާއެކު ދިވެހިރައްޔިތުންނަށް އަޅުގަނޑު ދަންނަވާލަން ބޭނުންވަނީ، ގެދޮރުވެރިކަމުގެ މައްސަލަ މިއީ އިރާދަކުރެއްވިއްޔާ ތިޔަ ހުރިހާ ރައްޔިތުންގެ އެހީތެރިކަމާވެސް އެކުގައި އަޅުގަނޑުމެން ހައްލުކުރާނޭ ކަމެކޭ." ރައީސް ވިދާޅުވިއެވެ.
މީގެ އިތުރުން ރައީސް މުޢިއްޒު ވިދާޅުވީ ކުރީގެ ސަރުކާރުން ގިރާވަރު ފަޅުން ގޯތި ދޫކޮށްފައިވަނީ އެއްވެސް މިންގަނޑަކަށް ނުވަތަ ލޭންޑް ޔޫސް ޕްލޭނަކަށް ބަލައިގެން ނޫންކަމަށެވެ. އޭގެ ސަބަބުން 1200 އެއްހާ ގޯތި، އެހެން ސަރަޙައްދުތަކަށް ބަދަލުކުރަން ޖެހުނު ކަމަށް ރައީސް ވިދާޅުވިއެވެ. ރައސް ވިދާޅުވީ ރަސްމާލޭގެ މަސައްކަތުގައިވެސް ހުރި ގޮންޖެހުންތަކުން އަރައިގަނެ، ރޭވުމާ އެއްގޮތަށް މަސައްކަތް ނިންމަވާނެ ކަމަށެވެ.
ރައީސް މުޢިއްޒު އިތުރަށް ވިދާޅުވީ ގެދޮރުވެރިކަމަށް ދާއިމީ ހައްލެއް ހޯދެން އޮތީ، ދެން ހުރި ސަރަހައްދު ތަކުގައިވެސް ހިއްކަން ޖެހޭ ބިންތައް ހިއްކައި، މާލެ ނޫން ސަރަޙައްދުތަކުގައިވެސް އަރބަން ސެންޓަރުތައް ތަރައްޤީކޮށްގެންކަމަށެވެ. ރައީސް ވިދާޅުވީ، މި ސަރުކާރަށް އަބަދުވެސް މުހިންމީ ނަތީޖާކަމަށެވެ. އަދި ވާހަކަދައްކާނީވެސް ނަތީޖާގެ މައްޗަށް ކަމަށް ރައީސް ވިދާޅުވިއެވެ.
"އުފަލާއި ޔަޤީންކަމާއެކު ދިވެހިރައްޔިތުންނަށް އަޅުގަނޑު ދަންނަވާލަން ބޭނުންވަނީ، ގެދޮރުވެރިކަމުގެ މައްސަލަ މިއީ އިރާދަކުރެއްވިއްޔާ ތިޔަ ހުރިހާ ރައްޔިތުންގެ އެހީތެރިކަމާވެސް އެކުގައި އަޅުގަނޑުމެން ހައްލުކުރާނޭ ކަމެކޭ." ރައީސް ވިދާޅުވިއެވެ.
ކިޔުންތެރިންގެ ހިޔާލު