މިސަރުކާރު ނިމޭއިރު 350 ޓަނުގެ މަސް ޕްރޮސެސް ކުރެވޭ ވަރަށް ކެޕޭސިޓީ އިތުރުކުރެވޭނެ ކަމަށް ފިޝަރީޒް މިނިސްޓަރު އަޙްމަދު ޝިޔާމް ވިދާޅުވެއްޖެއެވެ.
ރައީސް އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ފިޝަރީޒް މިނިސްޓަރު އަޙްމަދު ޝިޔާމް ވިދާޅުވީ، ދައުލަތުގައި މިހާރު ހުރީ އެންމެ 35 ޓަނުގެ މަސް ޕްރޮސެސް ކުރެވޭނެ ކެޕޭސިޓީ ކަމަށެވެ. އެހެން ނަމަވެސް މި ސަރުކާރު ނިމޭއިރު 350 ޓަނުގެ މަސް ޕްރޮސެސް ކުރެވޭގޮތަށް ކެޕޭސިޓީ އިތުރުކުރެވޭނެ ކަމަށް ޝިޔާމް ވިދާޅުވިއެވެ. ޝިޔާމް ވިދާޅުވީ މަސްރައްކާ ކުރުމުގެ ކޯލްޑް ސްޓޯރޭޖް އިތުރުކުރުމުގެ މަސައްކަތް ކުރަމުންދާކަމަށެވެ.
"ކޯލްޑް ސްޓޯރޭޖް ވެސް މިހުރީ 8500 ގައި އިރާދަކުރެއްވިއްޔާ ރައީސް ޑރ.މުޙައްމަދު މުޢިއްޒުގެ ފުރަތަމަ ފަސްއަަހަރު ނިމޭއިރު 25000 ޓަނުގައި އަޅުގަނޑުމެންނަށް މަސް ފިނިކޮށް ރައްކާކުރެވޭނެ ސްޓޯރޭޖް ކެޕޭސިޓީ ހުންނާނެ،" ޝިޔާމް ވިދާޅުވިއެވެ.
ޝިޔާމް އިތުރަށް ވިދާޅުވީ ސަރުކާރުން މިހާރު ކުރަމުންދާ މަސައްކަތްތަކާއެކު ރާއްޖޭގެ ޕްރޮސެސިން ކެޕޭސިޓީ 9 ގުނަ އަދި ކޯލްސްޓޯރޭޖު 3 ގުނަ އިތުރުވެގެންދާނެ ކަމަށެވެ.
"މިއީ ދިވެހިރާއްޖޭގެ ތާރިހުގައި ވެސް މަސްވެރި ސިނާއަތަށް ސަރުކާރަކުން ގެންނާނެ އެންމެ ބޮޑު އިންގިލާބީ ބަދަލު. ހަގީގަތުގައި އެންމެ ބޮޑު ކުރިއެރުން މިއީ މަސްވެރިކަމުގެ ސިނާއަތަށް ސަރުކާރަކުން ގެންނާނެ،" ޝިޔާމް ވިދާޅުވިއެވެ.
މީގެ އިތުރުން ޝިޔާމް ވިދާޅުވީ ރާއްޖޭގެ އުތުރާއި ދެކުނުގައި ކަނދުފަތި ޤާއިމްކުރާގެ ދެ ސެންޓަރު އެޅުމުގެ މަސައްކަތް މިހާރު ކުރަމުންދާކަމަށެވެ. އެގޮތުން ކަނދުފަތި ގާއިމް ކުރާ ސެންޓަރު ށ.ފުނަދޫ އާއި ގދ. ވާދޫގައި ގާއިމްކުރަން ނިންމާފައިވާ ކަމަށް ޝިޔާމް ވިދާޅުވިއެވެ.
"ށ. އަތޮޅު ފުނަދޫއިން އަޅުގަނޑުމެންނަށް މިހާރު ބިމެއް އެލޮކޭޓްކުރެވި އެ ބިން ސާފުކުރުމުގެ މަސައްކަތް މިހާރު އެ ކުރިއަށްދަނީ. އެންމެ ފުރަތަމަ ހުޅުމާލެއިން ބޭރުގައި ޤާއިމްކުރެވޭ ކަނދުފަތި ސެންޓަރަކަށް ވާނީ ށ.އަތޮޅު ފުނަދޫ. އޭގެއިތުރުން ގދ.ވާދޫ މިހާރު އަޅުގަނޑުމެން މިވަނީ އައިޑެންޓިފައި ކޮށްފައި ކަނދުފަތިތައް ޤާއިމްކުރުމަށް." މިނިސްޓަރު ވިދާޅުވިއެވެ.
"ކޯލްޑް ސްޓޯރޭޖް ވެސް މިހުރީ 8500 ގައި އިރާދަކުރެއްވިއްޔާ ރައީސް ޑރ.މުޙައްމަދު މުޢިއްޒުގެ ފުރަތަމަ ފަސްއަަހަރު ނިމޭއިރު 25000 ޓަނުގައި އަޅުގަނޑުމެންނަށް މަސް ފިނިކޮށް ރައްކާކުރެވޭނެ ސްޓޯރޭޖް ކެޕޭސިޓީ ހުންނާނެ،" ޝިޔާމް ވިދާޅުވިއެވެ.
ޝިޔާމް އިތުރަށް ވިދާޅުވީ ސަރުކާރުން މިހާރު ކުރަމުންދާ މަސައްކަތްތަކާއެކު ރާއްޖޭގެ ޕްރޮސެސިން ކެޕޭސިޓީ 9 ގުނަ އަދި ކޯލްސްޓޯރޭޖު 3 ގުނަ އިތުރުވެގެންދާނެ ކަމަށެވެ.
މީގެ އިތުރުން ޝިޔާމް ވިދާޅުވީ ރާއްޖޭގެ އުތުރާއި ދެކުނުގައި ކަނދުފަތި ޤާއިމްކުރާގެ ދެ ސެންޓަރު އެޅުމުގެ މަސައްކަތް މިހާރު ކުރަމުންދާކަމަށެވެ. އެގޮތުން ކަނދުފަތި ގާއިމް ކުރާ ސެންޓަރު ށ.ފުނަދޫ އާއި ގދ. ވާދޫގައި ގާއިމްކުރަން ނިންމާފައިވާ ކަމަށް ޝިޔާމް ވިދާޅުވިއެވެ.
"ށ. އަތޮޅު ފުނަދޫއިން އަޅުގަނޑުމެންނަށް މިހާރު ބިމެއް އެލޮކޭޓްކުރެވި އެ ބިން ސާފުކުރުމުގެ މަސައްކަތް މިހާރު އެ ކުރިއަށްދަނީ. އެންމެ ފުރަތަމަ ހުޅުމާލެއިން ބޭރުގައި ޤާއިމްކުރެވޭ ކަނދުފަތި ސެންޓަރަކަށް ވާނީ ށ.އަތޮޅު ފުނަދޫ. އޭގެއިތުރުން ގދ.ވާދޫ މިހާރު އަޅުގަނޑުމެން މިވަނީ އައިޑެންޓިފައި ކޮށްފައި ކަނދުފަތިތައް ޤާއިމްކުރުމަށް." މިނިސްޓަރު ވިދާޅުވިއެވެ.
ކިޔުންތެރިންގެ ހިޔާލު