އެމެރިކާގެ ރިޔާސީ އިންތިހާބު ކާމިޔާބު ކުރެއްވި ކުރީގެ ރައީސް ޑޮނަލްޑް ޓްރަމްޕަށް ރައީސް ޑރ. މުހައްމަދު މުއިއްޒު މަރުހަބާ ވިދާޅުވެއްޖެ އެވެ.
ރިޔާސީ އިންތިހާބުގެ އެންމެ ފަހުގެ ނަތީޖާތައް ދައްކާގޮތުން ޓްރަމްޕަށް ވަނީ 267 އަށްވުރެގިނަ އިލެކްޓޯރަލް ވޯޓު ލިބިވަޑައިގެންފަ އެވެ. އަދި ޓްރަމްޕާ އެންމެ ގާތުން ވާދަކުރެއްވި ކެނޑިޑޭޓް އަދި އެމެރިކާގެ ނާއިބު ރައީސް ކަމާލާ ހޭރިސްއަށް ލިބިވަޑައިގެންނެވީ 217 އިލެކްޓޯރަލް ވޯޓެވެ.
އޭގެ އިތުރުން އާންމުންގެ އެންމެ ގިނަ ވޯޓުވެސް ލިބިވަޑައިގެންނެވީ ޓްރަމްޕަށެވެ.
އެމެރިކާގެ ރިޔާސީ އިންތިހާބު ކާމިޔާބު ކުރެވެވޭނީ އެންމެ ގިނަ އިލެކްޓޯރަލް ވޯޓު ލިބިވަޑައިގަންނަވާ ބޭފުޅަކަށެވެ. އަދި މިހާރު ނުގުނާހުރީ މަދު އިލެކްޓޯރަލް ވޯޓުތަކެއް ކަަަމަށްވާއިރު ކަމަލާއަށް ދެން ޓްރަމްޕް އަތުނުވާނެކަން ގާތްގަނޑަކަށް ހެން މިހާރު ވަނީ ކަށަވަރުވެފަ އެވެ.
ޓްރަމްޕްގެ ކާމިޔާބީއާ ގުޅިގެން އެމަނިކުފާނަށް މަރުހަބާ ވިދާޅުވެ ރައީސް މުއިއްޒު އެކްސްގައި ވިދާޅުވީ ދުނިޔޭގެ ސަލާމަތާއި ހަމަޖެހުމަށް ކުރިމަތިވެފައިވާ ގޮންޖެހުންތަކުން އަރައިގަތުމަށް ގުޅިގެން މަސައްކަތްކޮށް ރާއްޖެއާއި އެމެރިކާގެ ގުޅުން އިތުރަށް ބަދަހިކުރަން ބޭނުންފުޅުވާ ކަމަށެވެ.
އަދި މިހާާރުވެސް ދެ ގައުމުގެ މެދުގައި އޮތީ އެއް ގައުމުން އަނެއްގައުމަށް ހެޔޮ އެދި އިހުތިރާމްކުރާ ވަރުގަދަ ގުޅުމެއް ކަަމަށް ރައީސް ވިދާޅުވި އެވެ.
އޭގެ އިތުރުން އާންމުންގެ އެންމެ ގިނަ ވޯޓުވެސް ލިބިވަޑައިގެންނެވީ ޓްރަމްޕަށެވެ.
އެމެރިކާގެ ރިޔާސީ އިންތިހާބު ކާމިޔާބު ކުރެވެވޭނީ އެންމެ ގިނަ އިލެކްޓޯރަލް ވޯޓު ލިބިވަޑައިގަންނަވާ ބޭފުޅަކަށެވެ. އަދި މިހާރު ނުގުނާހުރީ މަދު އިލެކްޓޯރަލް ވޯޓުތަކެއް ކަަަމަށްވާއިރު ކަމަލާއަށް ދެން ޓްރަމްޕް އަތުނުވާނެކަން ގާތްގަނޑަކަށް ހެން މިހާރު ވަނީ ކަށަވަރުވެފަ އެވެ.
އަދި މިހާާރުވެސް ދެ ގައުމުގެ މެދުގައި އޮތީ އެއް ގައުމުން އަނެއްގައުމަށް ހެޔޮ އެދި އިހުތިރާމްކުރާ ވަރުގަދަ ގުޅުމެއް ކަަމަށް ރައީސް ވިދާޅުވި އެވެ.
ކިޔުންތެރިންގެ ހިޔާލު