ކަންކަމުގެ ހަގީގަތް ނުބަލާ ސިޔާސީ ފައިދާ ހޯދުމުގެ ނިޔަތުގައި ސިޔާސީ ބައެއް ފަރާތްތަކުން ކުރާ ކަންކަމުގެ ޒިންމާ ނަގަން ޖެހޭނީ އެފަރާތްތަކުން އަމިއްލައަށް ކަމަށް ރައީސް ޑރ.މުޙައްމަދު މުޢިއްޒު މިރޭ ވިދާޅުވެއްޖެއެެވެ.
ރައީސް މުޢިއްޒު މިހެން ވިދާޅުވީ، މި ސަރުކާރުގެ ތަރައްގީގެ ޕްލޭންގައި ހިމެނޭ އާބަން ސެންޓަރު ތަކުގައި އެންމެ އުތުރާއި އެންމެ ދެކުނުގެ ރަށެއް ހިމެނިފައި ނުވާ ކަމަށް އިދިކޮޅު ފަރާތްތަކުން ދައްކަމުން ގެންދާ ވާހަކަތަކަށް ރައްދު ދެއްވައި އެކްސްގައި ކުރެއްވި ޕޯސްޓެއްގައެވެ.
ރައީސް ޑރ. މުޙައްމަދު މުޢިއްޒު ވިދާޅުވީ އެމަނިކުފާނުގެ ސިޔާސަތަކީ މާލޭގެ އާބަން ރީޖަން ގެ އިތުރުން ރާއްޖޭގެ އެންމެ އުތުރުން ތިން އަތޮޅު ހިމެނޭހެން ނޯދަން އިންޓަގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ ހަތަރު އަތޮޅު ހިމެނޭހެން ސާދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްޤީ ކުރުން ކަމަށެވެ. އޭގެ އިތުރުން ހަތް އާބަން ސެންޓަރު ރަށްރަށުގައި ތަރައްގީކުރައްވާނެ ކަމަށާއި އެއީ މާލޭގެ އުތުރުން ތިން އާބަން ސެންޓަރާއި މާލޭގެ ދެކުނުން ހަތަރު އާބަން ސެންޓަރު ކަމަށް ރައީސް މުޢިއްޒު ވިދާޅުވިއެވެ.
އެމަނިކުފާނު ވިދާޅުވީ އެކަންކަމަކީ ކުރިޔަށްއޮތް 20 އަހަރު ދުވަހަށް އެކަށައަޅަން މަސައްކަތް ކުރައްވާފަފައިވާ ތަރައްގީގެ މާސްޓާޕްލޭންގައި ރާއްޖޭގެ ހުރިހާ ރަށެއްގެ ރައްޔިތުންގެ ހިޔާލާއި ފަންނީ ފަރާތްތަކާއި ކައުންސިލްތަކާއި ކަމާބެހޭ ހުރިހާ ފަރާތްތަކެއްގެ ބައިވެރިވުމާއެކު އެކަށައެޅުމަށް ގަސްދުކުރާ ކަންކަން ކަމަށެވެ. އަދި އާބަން ސެންޓަރުތަކާ ގުޅޭގޮތުން ހަގީގަތާ ހިލާފު ވާހަކަ ދައްކަނީ ސިޔާސީ ފައިދާއެއް ހޯދުމަށް ކަމަށް ރައީސް މުޢިއްޒު ވިދާޅުވިއެވެ.
"ކަންކަމުގެ ހަގީގަތް ނުބައްލަވާ ނުވަތަ ހަގީގަތް އެނގިވަޑައިގެން ތިއްބަވައިގެން، ސިޔާސީ ފައިދާ ހޯދުމުގެ ނިޔަތުގައި ސިޔާސީ ބައެއް ފަރާތްތަކުން ކުރައްވާ ކަންކަމަށް ޒިންމާވާނީ އެކަންކަން ކުރައްވާ ބޭފުޅުން،" ރައީސް މުޢިއްޒު ވިދާޅުވިއެވެ.
ރާއްޖޭގައި އާބަން ސެންޓަރުތައް ގާއިމްކުރާ ހަތް ރަށް ހައުސިން މިނިސްޓްރީއިން މިއަދު ވަނީ އިއުލާންކޮށްފައެވެ. އެ ރަށްތަކަކީ، ރ. އުނގޫފާރު، ބ. އޭދަފުށި، ޅ. ނައިފަރު، އދ. މަހިބަދޫ، ފ. ނިލަންދޫ، ދ. ކުޑަހުވަދޫ އަދި ލ. ފޮނަދޫ އެވެ. ސަރުކާރުގެ ނިއްމުމާއެކު އިދިކޮޅު ފަރާތްތަކުން ވަނީ އަރބަން ސެންޓަރތައް އަޅަން ކަނޑައެޅި ރަށްތަކުގެ ތެރޭގައި ރާއްޖޭގެ ބައެއް ސަރަހައްދުތަކުގެ ރަށްތައް އުނިވެފައިވާތީ ސަރުކާރަށް ފާޑުކިޔުންތަށް އަމާޒުކޮށް އެކަން ހިނގާދިޔަ ގޮތް ސާފުކޮށްދިނުމަށް ގޮވާލާފައެވެ.
ރައީސް ޑރ. މުޙައްމަދު މުޢިއްޒު ވިދާޅުވީ އެމަނިކުފާނުގެ ސިޔާސަތަކީ މާލޭގެ އާބަން ރީޖަން ގެ އިތުރުން ރާއްޖޭގެ އެންމެ އުތުރުން ތިން އަތޮޅު ހިމެނޭހެން ނޯދަން އިންޓަގްރޭޓަޑް ޑިވެލޮޕްމަންޓް ޒޯނަކާއި އެންމެ ދެކުނުގެ ހަތަރު އަތޮޅު ހިމެނޭހެން ސާދަން އިންޓަގްރޭޓަޑް ޑިވެލޮޕްމަންޓް ޒޯނެއް ތަރައްޤީ ކުރުން ކަމަށެވެ. އޭގެ އިތުރުން ހަތް އާބަން ސެންޓަރު ރަށްރަށުގައި ތަރައްގީކުރައްވާނެ ކަމަށާއި އެއީ މާލޭގެ އުތުރުން ތިން އާބަން ސެންޓަރާއި މާލޭގެ ދެކުނުން ހަތަރު އާބަން ސެންޓަރު ކަމަށް ރައީސް މުޢިއްޒު ވިދާޅުވިއެވެ.
އެމަނިކުފާނު ވިދާޅުވީ އެކަންކަމަކީ ކުރިޔަށްއޮތް 20 އަހަރު ދުވަހަށް އެކަށައަޅަން މަސައްކަތް ކުރައްވާފަފައިވާ ތަރައްގީގެ މާސްޓާޕްލޭންގައި ރާއްޖޭގެ ހުރިހާ ރަށެއްގެ ރައްޔިތުންގެ ހިޔާލާއި ފަންނީ ފަރާތްތަކާއި ކައުންސިލްތަކާއި ކަމާބެހޭ ހުރިހާ ފަރާތްތަކެއްގެ ބައިވެރިވުމާއެކު އެކަށައެޅުމަށް ގަސްދުކުރާ ކަންކަން ކަމަށެވެ. އަދި އާބަން ސެންޓަރުތަކާ ގުޅޭގޮތުން ހަގީގަތާ ހިލާފު ވާހަކަ ދައްކަނީ ސިޔާސީ ފައިދާއެއް ހޯދުމަށް ކަމަށް ރައީސް މުޢިއްޒު ވިދާޅުވިއެވެ.
ރާއްޖޭގައި އާބަން ސެންޓަރުތައް ގާއިމްކުރާ ހަތް ރަށް ހައުސިން މިނިސްޓްރީއިން މިއަދު ވަނީ އިއުލާންކޮށްފައެވެ. އެ ރަށްތަކަކީ، ރ. އުނގޫފާރު، ބ. އޭދަފުށި، ޅ. ނައިފަރު، އދ. މަހިބަދޫ، ފ. ނިލަންދޫ، ދ. ކުޑަހުވަދޫ އަދި ލ. ފޮނަދޫ އެވެ. ސަރުކާރުގެ ނިއްމުމާއެކު އިދިކޮޅު ފަރާތްތަކުން ވަނީ އަރބަން ސެންޓަރތައް އަޅަން ކަނޑައެޅި ރަށްތަކުގެ ތެރޭގައި ރާއްޖޭގެ ބައެއް ސަރަހައްދުތަކުގެ ރަށްތައް އުނިވެފައިވާތީ ސަރުކާރަށް ފާޑުކިޔުންތަށް އަމާޒުކޮށް އެކަން ހިނގާދިޔަ ގޮތް ސާފުކޮށްދިނުމަށް ގޮވާލާފައެވެ.
ކިޔުންތެރިންގެ ހިޔާލު