މިހާރު އައްޑޫގައި ކުރިއަށްދާ 15 ވަނަ ވޯލްޑް ބޮޑީބިލްޑިން އެންޑް ފިޒިކް ސްޕޯޓްސް ޗެމްޕިއަންޝިޕް އިވެންޓްގައި ކުރިއަށް ދިޔަ ދީނާ ނުގުޅޭ ކަންކަމާ ގުޅިގެން ސަރުކާރުން މާފަށް އެދެން ދީނީ އިލްމުވެރިޔާ ޝައިހު އަލީ ޒައިދު ގޮވާލައްވައިފި އެވެ.
މާދަމާގެ ނިޔަލަށް ކުރިއަށްދާ އިވެންޓްގައި އެކި ގައުމުތަކުން އަންހެނުންނާއި ފިރިހެނުން ބައިވެރިވެއެވެ.
ނަމަވެސް އިންތިހާއަށް ނިވާކަންކުޑަކޮށް އެ އިވެންޓްގައި ދެ ޖިންސުގެ މީހުން މަސްހުނިވެ ހުށަހަޅައިދިން ކަންތައްތަކާ ގުޅިގެން އާންމުންގެ ގިނަ ބައެއްގެ ފާޑުކިއުން ވަނީ ސަރުކާރަށް އަމާޒުވެފަ އެވެ.
ހާއްސަކޮށް މިހާރު މެކްސިކޯގައި ކުރިއަށްދާ މިސް ޔުނިވާސްގައި ދިވެއްސަކު ރާއްޖެ ތަމްސީލުކުރާތީ އެކަމާ ދެކޮޅަށް ސަރުކާރުން ބަޔާން ނެރެފައިވަނިކޮށް އައްޑޫގައި އެފަދަ އިވެންޓެއް ބޭއްވުމުން ސަރުކާރަށް ވަނީ އިތުރަށް ފާޑުކިއުން އަމާޒުވެފަ އެވެ.
އެކަމާ ގުޅިގެން ޝައިހު ޒައިދު އެކްސްގައި މިއަދު ވިދާޅުވީ ދައުލަތުން މިސް ޔުނިވާސް ކަންތަކުގައި ބަސްބުނެ އެކަމަށް އިންކާރުކޮށް ބަޔާން ނެރެފައި، އެއާ ވިދިގެން ހަމަ މި ދައުލަތުގެ މިނިސްޓްރީއަކުން އަމަލުކުރީ ކުރިން ބުނި ވާހަކަތަކާ ދިމާ އިދިކޮޅަށް ކަމަށެވެ.
"އަދި މި ބޮޑީބިލްޑިން އޮރިޔާން އިވެންޓެއް އެބޭއްވީވެސް މީހުން ދިރިއުޅޭ ރަށެއްގައި! މިއީ ކޮންފަދަ ނުބައި ޢަމަލެއް! އަދި ފެށީ ޤުރްއާނުން! ނުބައިގެ މައްޗަށް ނުބައި! އަޢޫޒު ބިއްލާހި!" ޒައިދު ވިދާޅުވި އެވެ.
އެހެންކަމުން ދައުލަތުން އެކަމަށް މާފަށް އެދުމަށް ޒައިދު ގޮވާލެއްވި އެވެ.
ނަމަވެސް އިންތިހާއަށް ނިވާކަންކުޑަކޮށް އެ އިވެންޓްގައި ދެ ޖިންސުގެ މީހުން މަސްހުނިވެ ހުށަހަޅައިދިން ކަންތައްތަކާ ގުޅިގެން އާންމުންގެ ގިނަ ބައެއްގެ ފާޑުކިއުން ވަނީ ސަރުކާރަށް އަމާޒުވެފަ އެވެ.
ހާއްސަކޮށް މިހާރު މެކްސިކޯގައި ކުރިއަށްދާ މިސް ޔުނިވާސްގައި ދިވެއްސަކު ރާއްޖެ ތަމްސީލުކުރާތީ އެކަމާ ދެކޮޅަށް ސަރުކާރުން ބަޔާން ނެރެފައިވަނިކޮށް އައްޑޫގައި އެފަދަ އިވެންޓެއް ބޭއްވުމުން ސަރުކާރަށް ވަނީ އިތުރަށް ފާޑުކިއުން އަމާޒުވެފަ އެވެ.
"އަދި މި ބޮޑީބިލްޑިން އޮރިޔާން އިވެންޓެއް އެބޭއްވީވެސް މީހުން ދިރިއުޅޭ ރަށެއްގައި! މިއީ ކޮންފަދަ ނުބައި ޢަމަލެއް! އަދި ފެށީ ޤުރްއާނުން! ނުބައިގެ މައްޗަށް ނުބައި! އަޢޫޒު ބިއްލާހި!" ޒައިދު ވިދާޅުވި އެވެ.
އެހެންކަމުން ދައުލަތުން އެކަމަށް މާފަށް އެދުމަށް ޒައިދު ގޮވާލެއްވި އެވެ.
ކިޔުންތެރިންގެ ހިޔާލު