މި ސަރުކާރުން މަސްވެރިންނަށް ވީ ވަޢުދުތަކަކީ ވޯޓު ހޯދުމުގެ ބޭނުމުގައި ވީ ވަޢުދުތަކެއް ކަމަށް ބޮޑުކަންނެލި މަސްވެރިންގެ ޔޫނިއަނުން މިއަދު ބުނެފިއެވެ.
ބޮޑުކަންނެލި މަސްވެރިންގެ ޔޫނިއަނުން މިހެން ބުނެފައިވާއިރު ސަރުކާރަށް 1 އަހަރު ފުރުމުގެ މުނާސަބަތުގައި ރޭ ބޭއްވި ރަސްމީ ޖަލްސާގައި ރައީސް މުޢިއްޒު ވިދާޅުވީ ރައްޔިތުން ޙަވާލު ކޮށްފައިވާ ޒިންމާ އެންމެ ފުރިހަމަ ގޮތުގައި އަދާ ކުރަށްވާނެ ކަމަށެވެ.
"އަޅުގަނޑުވީ ވަޢުދެއް ވިއްޔާ ވަޢުދުވީ ގޮތަށް ފުއްދަމުން ގެންދާނަން." ރައީސް ރޭ ވިދާޅުވިއެވެ.
ނަމަވެސް ރައީސްގެ ވާހަކަފުޅަށް ރައްދު ދެމުން ބޮޑުކަންނެލި މަސްވެރިންގެ ޔޫނިއަނުން މީސްމީޑިއާގައި މިއަދު ޙިއްސާ ކޮށްފައިވާ މެސެޖެއްގައި ބުނެފައިވަނީ މިސަރުކާރުން މަސްވެރިންނަށްވީ އެއްވެސް ވަޢުދެއް ފުއްދުމަށް އެއްވެސް މަސައްކަތެއް ކުރާ މަންޒަރު ނުފެންނަ ކަމަށެވެ.
އޭގެ ބަދަލުގައި މަސްވެރިކަމުގެ ވުޒާރާއިން ފެންނަމުންދަނީ އަވަދިނެތި ސިޔާސީ މަސައްކަތުގައި އުޅޭތަން ކަމަށާއި ސަރުކާރުން މަސްވެރިންނަށް ވީ ވަޢުދު ތަކަކީ ވޯޓު ހޯދުމުގެ ބޭނުމުގައި ވީ ވަޢުދުތަކެއްކަން ޔަޤީންވާ ކަމަށްވެސް ބޮޑުކަންނެލި މަސްވެރިންގެ ޔޫނިއަނުން ވަނީ ބުނެފައެވެ.
ބީކޭޔޫ އިން މިހެން ބުނެފައިވާއިރު ސަރުކާރުން މަސްވެރިންނަށް ވީ ވައުދު ނުފުއްދާ ކަމަށް ބުނެ ބޮޑު ކަންނެލި މަސްވެރިންގެ ޔޫނިއަނުން މާލޭގައި މިފަހުން އިޙްތިޖާޖުވެސް ކޮށްފައިވެއެވެ.
ރިޔާސީ އިންތިޚާބުގެ ތެރޭގައި ރައީސް މުޢިއްޒު ވަނީ މަސްވެރިން މިފްކޯއަށް ކިރާ މަހަށް އެންމެ ދަށްވެގެން ކިލޯއަކަށް 20 ރުފިޔާ ދެއްވާނެ ކަމަށް ވިދާޅުވެފައެވެ. އޭގެ އިތުރުން މަސްވެރިން ކިރާ މަހަށް 48 ގަޑިއިރުގެ ތެރޭގައި ފައިސާ ދިނުމަށް ރައީސް މުޢިއްޒު ވަޢުދުވީ ނަމަވެސް އެ ވަޢުދުވެސް ފުއްދަވާފައި ނުވާކަމަށް މަސްވެރިން ދަނީ ބުނަމުންނެވެ.
"އަޅުގަނޑުވީ ވަޢުދެއް ވިއްޔާ ވަޢުދުވީ ގޮތަށް ފުއްދަމުން ގެންދާނަން." ރައީސް ރޭ ވިދާޅުވިއެވެ.
ނަމަވެސް ރައީސްގެ ވާހަކަފުޅަށް ރައްދު ދެމުން ބޮޑުކަންނެލި މަސްވެރިންގެ ޔޫނިއަނުން މީސްމީޑިއާގައި މިއަދު ޙިއްސާ ކޮށްފައިވާ މެސެޖެއްގައި ބުނެފައިވަނީ މިސަރުކާރުން މަސްވެރިންނަށްވީ އެއްވެސް ވަޢުދެއް ފުއްދުމަށް އެއްވެސް މަސައްކަތެއް ކުރާ މަންޒަރު ނުފެންނަ ކަމަށެވެ.
މަސްވެރިންނަށްވީ ވަޢުދެއް ފުއްދުމަށް އެއްވެސް މަސައްކަތެއް ކުރާތަނެއް ނުފެނޭ!މަސްވެރި ކަމުގެ ވުޒާރާއިން ފެންނަމުންދަނީ އަވަދިނެތި ސިޔާސީ މަސައްކަތުގައި އުޅޭތަން!މަސްވެރިންނަށް ވީ ވަޢުދު ތަކަކީ ވޯޓް ހޯދުމުގެ ބޭނުމުގައި ވީ ވަޢުދު ތަކެއްކަން ޔަޤީން! @MMuizzu @Shiyamaldives pic.twitter.com/mhln14fFFN
— Bodu Kanneli Masveringe union- BKMU (@FishermensUnion) November 18, 2024
ބީކޭޔޫ އިން މިހެން ބުނެފައިވާއިރު ސަރުކާރުން މަސްވެރިންނަށް ވީ ވައުދު ނުފުއްދާ ކަމަށް ބުނެ ބޮޑު ކަންނެލި މަސްވެރިންގެ ޔޫނިއަނުން މާލޭގައި މިފަހުން އިޙްތިޖާޖުވެސް ކޮށްފައިވެއެވެ.
ރިޔާސީ އިންތިޚާބުގެ ތެރޭގައި ރައީސް މުޢިއްޒު ވަނީ މަސްވެރިން މިފްކޯއަށް ކިރާ މަހަށް އެންމެ ދަށްވެގެން ކިލޯއަކަށް 20 ރުފިޔާ ދެއްވާނެ ކަމަށް ވިދާޅުވެފައެވެ. އޭގެ އިތުރުން މަސްވެރިން ކިރާ މަހަށް 48 ގަޑިއިރުގެ ތެރޭގައި ފައިސާ ދިނުމަށް ރައީސް މުޢިއްޒު ވަޢުދުވީ ނަމަވެސް އެ ވަޢުދުވެސް ފުއްދަވާފައި ނުވާކަމަށް މަސްވެރިން ދަނީ ބުނަމުންނެވެ.
ކިޔުންތެރިންގެ ހިޔާލު