ރާއްޖެއަށް މިހާރު ކުރަމުންދާ ވިއްސާރައާއި ގުޅިގެން މޫސުން ގޯސްވެ މެދު ރާއްޖެ ތެރޭގެ ބައެއް ރަށްތަކަށް، މޫސުމާއި ބެހޭ ގައުމީ އިދާރާ(މެޓް) އިން ރީނދޫ ސަމާލު ނެރެފިއެވެ.

މެޓުން ރީނދޫ ސަމާލު ނެރެފައި ވަނީ މާޅޮސްމަޑުލު ދެކުނުބުރިން ފެށިގެން އަރިއަތޮޅު ދެކުނުބުރިއާ ހަމައަށެވެ. މި ސަމާލުގައި މެޓުން ބުނެފައި ވަނީ ބޯކޮށް ވާރޭ ވެހި ގުގުރާނެ ކަަމަށާއި ވިލާގަނޑުގައި ގަޑިއަކު 45 މޭލަށް ވައިގަދަވެ ކަނޑުތައް ގަދަވާނެ ކަމަށް ލަފާ ކުރެވޭ ކަމަށެވެ.

މި ސަމާލުގެ މުއްދަތު ހަމަވާނީ މެންދުރު 12:00 އަށެވެ.

މެޓުން ވަނީ ރާއްޖޭގެ ބޮޑު ސަރަހައްދަކަށް ހުދު ސަމާލުވެސް ނެރެފައެވެ. އެގޮތުން މާޅޮސްމަޑުލު އުތުރުބުރިން ފެށިގެން ހައްދުންމައްޗަށް ނެރުނު ހުދު ސަމާލުގައި މެޓުން ބުނެފައި ވަނީ ބޯކޮށް ވާރޭ ވެހުމާއެކު ގުގުރާނެ ކަމަށް ލަފާ ކުރެވޭ ކަމަށެވެ.

އެ ސަމާލުގެ މުއްދަތު ހަމަވާނީ މެންދުރުފަހު 2:00 އަށެވެ.

މޫސުމާ ބެހޭ އިދާރާއިން މިއަދު 6:00 އާ ހަމައަށް މޫސުން ކުރިއަށް ލަފާ ކުރާ ގޮތަށް ބަލާއިރު، ރާައްޖޭގެ އެކި ހިސާބަށް ވިއްސާރަ ކުރުމާއެކު، ގުގުރާނެ ކަަމަށް ލަފާ ކުރެވޭ ކަމަށް ބުނެފައި ވެއެވެ. އަދި ބައެއް ރަށްތަކަށް ބޯކޮށް ވާރޭ ވެހުންވެސް އެކަށީގެންވާ ކަމަށް ބުނެފައި ވެއެވެ.

އެ އިދާރާއިން ލަފާކޮށްފައިވާގޮތުގައި ދެކުނުގެ ކަނޑުތައް އާދައިގެ ވަރަކަށް ގަދަވާނެއެވެ. އަދި އެހެން ހިސާބުތަކުގެ ކަނޑުތައް އާދައިގެ ވަރަކަށް މަޑުވެފައި، ވިލާގަނޑުގައި ކަނޑުތައް ގަދަވާނެ ކަަމަށް ލަފާ ކޮށްފައި ވެއެވެ.

މޫސުމާ ބެހޭ އިދާރާއިން ވަނީ ރާއްޖޭގެ އެކި ހިސާބުތަކަށް ބޯކޮށް ވާރޭ ވެހުމާއެކު ގުގުރާނެ ކަމަށް ލަފާ ކުރެވޭތީ، ހުރިހާ ފަރާތްތަކުންވެސް މޫސުމަށް ސަމާލުވުމަށް އެެދިފައެވެ.