ޑޮލަރު މާރުކުރުމުގެ ޤާނޫނުގެ ސަބަބުން ރައްޔިތުންނަށާއި ކުދި އަދި މެދުފަންތީގެ ވިޔަފާރިވެރިންނަށް ޑޮލަރު ތިޔާގިވާނެ ކަމަށް ރައީސުލްޖުމްހޫރިއްޔާ ޑރ. މުޙައްމަދު މުޢިއްޒު މިއަދު ވިދާޅުވެއްޖެއެވެ.
ރައީސް ޑރ. މުޙައްމަދު މުޢިއްޒު މިއަދު މީސްމީޑިއާ މެދުވެރި ކުރަށްވައި ޙިއްސާ ކުރެއްވި މެސެޖެއްގައި ވިދާޅުވެފައިވަނީ 500 ޑޮލަރު މާރު ކުރަންޖެހޭ ގޮތަށް ބޭރު ފައިސާއާއި ބެހޭ ބިލުގައި އޮތުމަކީ ވަރަށް ރަނގަޅު ކަމެއް ކަމަށް ދެކެވަޑައި ގަންނަވާ ކަމަށެވެ. އަދި އެކަމަށްޓަކައި އެމަނިކުފާނު ވަނީ މަރުކަޒީ ބޭންކް އެމްއެމްއޭއަށް ޝުކުރު އަދާކުރަށްވާފައެވެ.
ރައީސް މިއަދު ވިދާޅުވީ 17 ނޮވެމްބަރ 2024 ގައި އެމަނިކުފާނު ވިދާޅުވި ފަދައިން ޑޮލަރު ތަންފީޒު ކުރުމުގެ ޤަވައިދު ތަންފީޒުކުރުން ވަރުގަދަ ކުރުމަށްޓަކައި އެމްއެމްއޭއިން އިސްނަގައިގެން ބޭރު ފައިސާ އާއި ބެހޭ ޤާނޫނެއް ހެދިގެން ދިއުމަކީ މުހިއްމުކަމެއް ކަމަށެވެ.
“މި ޤާނޫނުގެ ސަބަބުން ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު މާރު ކުރެވިގެންދާނެ. އަދި މީގެއިތުރުން ޓޫރިޒަމް ނޫން ދާއިރާ ތަކުންވެސް ވަކި ވަރަކަށްވުރެ ގިނައިން ޑޮލަރު ޢާމްދަނީ ލިބޭނަމަ، ޑޮލަރު މާރުކުރަންޖެހޭ ގޮތަށް ހިމަނާފައިވައިވުމުން ބޭންކިން ނިޒާމުގައި ދައުރުވާ ޑޮލަރު ކުރިން އަންދާޒާކުރި ވަރަށްވުރެ އިތުރުވެގެންދާނެ. މި ފަހި ބަދަލުތަކުގެ ނަތީޖާއަކަށް ވެގެންދާނީ އާއްމު ރައްޔިތުންނަށާއި ކުދި އަދި މެދު ފަންތީގެ ވިޔަފާރިވެރިންނަށް ޑޮލަރުގެ ތިޔާގިކަން ލިބިގެންދިއުން.” ރައީސް މިއަދު ވިދާޅުވިއެވެ.
ރައީސް ވިދާޅުވީ މިބިލުގެ ސަބަބުން ސަރުކާރު ހިއްސާވާ ކުންފުނިތަކުން 2025 ވަނަ އަހަރުގެ ޖުލައިމަހުން ފެށިގެން ޕެރަލަލް މާކެޓަށް ނުގޮސް ރަސްމީ ރޭޓްގައި ޑޮލަރު ލިބޭނެ އިންތިޒާމެއް ޤާއިމުވާނެ ކަމަށެވެ.
ހަމައެއާއެކު ވެލާނާ އިންޓަނޭޝަނަލް އެއާޕޯޓުން ފުރާ ކޮންމެ ދިވެއްސަކަށް ލިބޭ 500 ޑޮލަރު ދެގުނަކޮށް އެއަދަދު 1000 ޑޮލަރަށް 2026 ގެ ފުރަތަމަ ކުއާޓަރގައި ބަދަލު ކުރެވޭނެ ކަމަށާއި 2026ގެ ފުރަތަމަ ކުއާޓާގައި ކްރެޑިޓް ކާޑު ލިމިޓްތައް ބޮޑުކޮށްދެވޭނެ ކަމަށްވެސް ރައީސް ވަނީ ވިދާޅުވެފައެވެ.
އޭގެއިތުރުން ދިވެހި ވިޔަފާރިވެރިންނަށް ތަކެތި އިމްޕޯޓްކުރުމުގެ ގޮތުން ބޭންކުތަކަށް ޓީޓީ ހެދުމަށް ދޫކުރާ ޑޮލަރުގެ ނިސްބަތް 2025ގެ ޖުލައި މަހުން ފެށިގެން އިތުރުވެގެން ދާނެކަންވެސް ރައީސް ފާހަގަ ކުރެއްވިއެވެ.
ރައީސް ޑރ. މުޙައްމަދު މުޢިއްޒު ވަނީ ޢާއްމު ރައްޔިތުންނަަށް ފައިދާ ހުރި މިފަދަ ކޮންމެ ކަމެއް ކުރުމަށް ސަރުކާރުން ކުރާ މަސައްކަތަށް ރައްޔިތުން ދެއްވާ ފުރިހަމަ އެއްބާރުލެއްވުމަށްޓަކައި ދިވެހި އެންމެހާ ރައްޔިތުންނަށް ޝުކުރު ދަންނަވާފައެވެ.
ރައީސް މިހެން ވިދާޅުވެފައިވާއިރު ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު އަދި ގެސްޓްހައުސްތަކަށް އަންނަ ކޮންމެ ޓޫރިސްޓަކަށް 25 ޑޮލަރުގެ މަގުން ބޭންކަށް ޑޮލަރު މާރު ކުރަން ލާޒިމްވާ ގޮތަށް އެމްއެމްއޭއިން ބޭރު ފައިސާގެ ގަވާއިދަށް މިދިޔަ އޮކްޓޯބަރު 1 ގައި ވަނީ ބަދަލު ގެނެސްފައެވެ. އެ ގަވާއިދަށް އަމަލުކުރަން ފަށަނީ އަންނަ އަހަރުގެ ޖަނަވަރީ މަހުގެ 01 ވަނަ ދުވަހުން ފެށިގެންނެެވެ.
ނަމަވެސް ރާއްޖޭގެ ބޮޑެތި ބައެއް ވިޔަފާރިވެރިން އަންނަނީ ޑޮލަރު މާރުކުރުމުގެ ޤަވާއިދުގެ ސަބަބުން އެބައިމީހުންގެ ވިޔަފާރިއަށް ބޮޑެތި ގެއްލުންތަކެއް ވާނެކަމަށް ބުނެ އެޤަވާއިދާއި އެއްގޮތަށް އަމަލު ނުކުރާނެކަމަށް ބުނަމުންނެވެ.
ރައީސް މިއަދު ވިދާޅުވީ 17 ނޮވެމްބަރ 2024 ގައި އެމަނިކުފާނު ވިދާޅުވި ފަދައިން ޑޮލަރު ތަންފީޒު ކުރުމުގެ ޤަވައިދު ތަންފީޒުކުރުން ވަރުގަދަ ކުރުމަށްޓަކައި އެމްއެމްއޭއިން އިސްނަގައިގެން ބޭރު ފައިސާ އާއި ބެހޭ ޤާނޫނެއް ހެދިގެން ދިއުމަކީ މުހިއްމުކަމެއް ކަމަށެވެ.
“މި ޤާނޫނުގެ ސަބަބުން ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު މާރު ކުރެވިގެންދާނެ. އަދި މީގެއިތުރުން ޓޫރިޒަމް ނޫން ދާއިރާ ތަކުންވެސް ވަކި ވަރަކަށްވުރެ ގިނައިން ޑޮލަރު ޢާމްދަނީ ލިބޭނަމަ، ޑޮލަރު މާރުކުރަންޖެހޭ ގޮތަށް ހިމަނާފައިވައިވުމުން ބޭންކިން ނިޒާމުގައި ދައުރުވާ ޑޮލަރު ކުރިން އަންދާޒާކުރި ވަރަށްވުރެ އިތުރުވެގެންދާނެ. މި ފަހި ބަދަލުތަކުގެ ނަތީޖާއަކަށް ވެގެންދާނީ އާއްމު ރައްޔިތުންނަށާއި ކުދި އަދި މެދު ފަންތީގެ ވިޔަފާރިވެރިންނަށް ޑޮލަރުގެ ތިޔާގިކަން ލިބިގެންދިއުން.” ރައީސް މިއަދު ވިދާޅުވިއެވެ.
ހަމައެއާއެކު ވެލާނާ އިންޓަނޭޝަނަލް އެއާޕޯޓުން ފުރާ ކޮންމެ ދިވެއްސަކަށް ލިބޭ 500 ޑޮލަރު ދެގުނަކޮށް އެއަދަދު 1000 ޑޮލަރަށް 2026 ގެ ފުރަތަމަ ކުއާޓަރގައި ބަދަލު ކުރެވޭނެ ކަމަށާއި 2026ގެ ފުރަތަމަ ކުއާޓާގައި ކްރެޑިޓް ކާޑު ލިމިޓްތައް ބޮޑުކޮށްދެވޭނެ ކަމަށްވެސް ރައީސް ވަނީ ވިދާޅުވެފައެވެ.
އޭގެއިތުރުން ދިވެހި ވިޔަފާރިވެރިންނަށް ތަކެތި އިމްޕޯޓްކުރުމުގެ ގޮތުން ބޭންކުތަކަށް ޓީޓީ ހެދުމަށް ދޫކުރާ ޑޮލަރުގެ ނިސްބަތް 2025ގެ ޖުލައި މަހުން ފެށިގެން އިތުރުވެގެން ދާނެކަންވެސް ރައީސް ފާހަގަ ކުރެއްވިއެވެ.
500 ޑޮލަރު މާރު ކުރަންޖެހޭ ގޮތަށް ބޭރު ފައިސާއާއި ބެހޭ ބިލުގައި އޮތުމަކީ ވަރަށް ރަނގަޅު ކަމެއް. އެކަމަށްޓަކައި އެމްއެމްއޭއަށް ޝުކުރުދަންނަވަން. އަދި 17 ނޮވެމްބަރ 2024 ގައި އަޅުގަނޑު ދެންނެވި ފަދައިން ގަވައިދު ތަންފީޒުކުރުން ވަރުގަދަ ކުރުމަށްޓަކައި އެމްއެމްއޭ އިން އިސްނަގައިގެން…
— Dr Mohamed Muizzu (@MMuizzu) November 27, 2024
ރައީސް މިހެން ވިދާޅުވެފައިވާއިރު ރިސޯޓުތަކަށް އަންނަ ކޮންމެ ޓޫރިސްޓަކަށް 500 ޑޮލަރު އަދި ގެސްޓްހައުސްތަކަށް އަންނަ ކޮންމެ ޓޫރިސްޓަކަށް 25 ޑޮލަރުގެ މަގުން ބޭންކަށް ޑޮލަރު މާރު ކުރަން ލާޒިމްވާ ގޮތަށް އެމްއެމްއޭއިން ބޭރު ފައިސާގެ ގަވާއިދަށް މިދިޔަ އޮކްޓޯބަރު 1 ގައި ވަނީ ބަދަލު ގެނެސްފައެވެ. އެ ގަވާއިދަށް އަމަލުކުރަން ފަށަނީ އަންނަ އަހަރުގެ ޖަނަވަރީ މަހުގެ 01 ވަނަ ދުވަހުން ފެށިގެންނެެވެ.
ނަމަވެސް ރާއްޖޭގެ ބޮޑެތި ބައެއް ވިޔަފާރިވެރިން އަންނަނީ ޑޮލަރު މާރުކުރުމުގެ ޤަވާއިދުގެ ސަބަބުން އެބައިމީހުންގެ ވިޔަފާރިއަށް ބޮޑެތި ގެއްލުންތަކެއް ވާނެކަމަށް ބުނެ އެޤަވާއިދާއި އެއްގޮތަށް އަމަލު ނުކުރާނެކަމަށް ބުނަމުންނެވެ.
ކިޔުންތެރިންގެ ހިޔާލު