ޑޮލަރު މާރުކުރުމާ ގުޅޭގޮތުން މަރުކަޒީ ބޭންކުން އެކުލަވާލާފައިވާ އައު ބިލުގައި ޑޮލަރުން ލިބޭ އާމްދަނީ ޖަމާކުރުން އިތުރަށް އޮތީ ހަރުކަށިކޮށް ފުޅާކޮށްފައި ކަމަށް ރައީސް އޮފީހުގެ އަންޑަރ ސެކްރެޓެރީ ފޮރ ލީގަލް އެފެއާޒް މުހައްމަދު ފިރުޒުލް އަބްދުﷲ ޚަލީލު ވިދާޅުވެއްޖެއެވެ.
ފިރުޒުލް މިބީދައިން ވިދާޅުވީ ޑޮލަރު މާރު ކުރުމުގެ ޤަވާއިދަށް ޤާނޫނީ ބާރުވެރިކަން އިތުރަށް ކަށަވަރު ކުރުމަށް މަރުކަޒީ ބޭންކުން ތައްޔާރުކޮށްފައިވާ ޑްރާފްޓް ބިލުގެ މަޢުލޫމާތު އިތުރަށް ތިލަކޮށް ދެއްވަމުން މީސްމީޑިއާގައި އިއްޔެ ޙިއްސާ ކުރެއްވި މެސެޖެއްގައެވެ.
އެގޮތުން ފިރުޒުލް ވިދާޅުވީ ޑްރާފްޓް ބިލުގައި ބޭންކުތަކަށް ޑޮލަރު މާރުކުރުމުގައި މިހާރުގެ ގަވާއިދުގައި އަމަލުކުރަންޖެހޭ އުސޫލަށް ބަދަލެއް ގެނެސްފައިނުވާ ކަމަށެވެ. އަދި ބިލުގެ އަށްވަނަ މާއްދާގައި ބަޔާންކޮށްފައިވަނީ ޓޫރިޒަމް ވިޔަފާރިތަކަށް ބޭރު ފައިސާއިން ލިބޭ އާމްދަނީ އެކުގައި ރާއްޖޭގައި ރަޖިސްޓްރީކޮށްފައިވާ ބޭންކަކަށް ޖަމާކުރަންޖެހޭނެ ކަމަށް ކަމަށާއި މިހާރު ގަވާއިދުގައިވެސް އޮންނަނީ އެގޮތަށް ކަމަށް ފިރުޒުލް ވިދާޅުވިއެވެ.
“އަލަށް ބިލުގައި، ޑޮލަރުން ލިބޭ އާމްދަނީ ޖަމާކުރުން އިތުރަށް ހަރުކަށިކޮށް ފުޅާކޮށްފައިވޭ. މިގޮތުން ޓޫރިޒަމް ވިޔަފާރި ނޫން ވިޔަފާރިތަކުގެ ތެރެއިން އަހަރަކު މަދުވެގެން 20 މިލިއަން ޑޮލަރުގެ އާމްދަނީ ލިބޭ ވިޔަފާރިތަކުންވެސް އެ ފަރާތްތަކަށް ލިބޭ ބޭރު ފައިސާގެ އާމްދަނީ ދިވެހިރާއްޖޭގެ ބޭންކަކަށް ޖަމާކުރަންޖެހޭނެ ކަމުގައި ބަޔާންކޮށްފައިވޭ.” އަލަށް އެކުލަވާލާފައިވާ ޑްރާފްޓަށް ފާޑު ވިދާޅުވާ ފަރާތްތަކަށް ރައްދު ދެއްވަމުން ފިރުޒުލް ވިދާޅުވިއެވެ.
ހަމައެއާއެކު ފިރުޒުލް ވިދާޅުވީ އައު ބިލުގައި އުސޫލަށް ގެނައި ހަމައެކަނި ބަދަލަކީ، 50 އެނދަށްވުރެ ގިނަ އެނދު ހުންނަ ގެސްޓުހައުސް އަދި ސިޓީ ހޮޓާތަކާއި، ޓޫރިސްޓު އުޅަނދުތައް 25 ޑޮލަރު މާރުކުރާ ކެޓަގަރީއަށް ބަދަލުކުރުން ކަމަށެވެ.
އަދިހަމަ އެހެންމެ ގަވާއިދުގައި ނެތްކަމަކަށް މި ބިލުގައި އައު ކަމަކަށް މާރުކުރުމާ ގުޅޭ ގޮތުން ތައާރަފުކޮށްފައިވަނީ ތިން އިސްތިސްނާ ހާލަތެއްކަން ފިރުޒުލް ފާހަގަ ކުރަށްވާފައިވެއެވެ.
“އެއީ އެ ތިން ބާވަތެއްގެ ފަތުރުވެރިން ޑޮލަރު މާރުކުރާއިރު ހިމަނަންނުޖެހޭ ގޮތަށް ހިމަނާފައިވާ އިސްތިސްނާއެކެވެ. އެއީ: ގިނަވެގެން 24 ގަޑިއިރު ހޭދަނުކުރާ ޓޫރިސްޓުން. އުމުރުން ދެ އަހަރު ފުރިހަމަނުވާ ކުޑަކުދިން. ހިލޭ ނުވަތަ ކޮމްޕްލިމެންޓަރީކޮށް ތިބޭ ފަރާތްތައް.” އަލަށް ތަޢާރަފް ކުރާ ޤާނޫނު ރައްޔިތުންނަށް އިތުރަށް ތިލަކޮށް ދެއްވަމުން ފިރުޒުލް ވިދާޅުވިއެވެ.
ފިރުޒުލް މިހެން ވިދާޅުވެފައިވާއިރު އިއްޔެ ބޭއްވި ނޫސްވެރިންގެ ބައްދަލުވުމެއްގައި މަރުކަޒީ ބޭންކުގެ ގަވަރުނަރު އަޙްމަދު މުނައްވަރު ވިދާޅުވެފައިވަނީ ރާއްޖޭގައި ހަރުދަނާ ފޮރިން އެކްސްޗޭންޖު ގާނޫނެއް ނެތުމުގެ ސަބަބުން އެމްއެމްއޭ މީގެކުރިން އޮތީ އަތް ބަނދެވިފައި ކަމަށެވެ.
އަދި އަލަށް ތަޢާރަފް ކުރާ ޤާނޫނާއެކު އެންމެ ބޮޑު ފައިދާއެއް ކުރާނީ ރައްޔިތުންނަށް ކަމަށާއި އެގޮތުން ޤާނޫނާއި ޚިލާފުވާ ފަރާތްތަކަށް އަދަބު ދެވޭނެ އުސޫލުތައްވެސް ޤާނޫނުގައި ހިމަނާފައިވާނެ ކަމަށް ގަވަރުނަރު ވިދާޅުވިއެވެ.
އެގޮތުން ފިރުޒުލް ވިދާޅުވީ ޑްރާފްޓް ބިލުގައި ބޭންކުތަކަށް ޑޮލަރު މާރުކުރުމުގައި މިހާރުގެ ގަވާއިދުގައި އަމަލުކުރަންޖެހޭ އުސޫލަށް ބަދަލެއް ގެނެސްފައިނުވާ ކަމަށެވެ. އަދި ބިލުގެ އަށްވަނަ މާއްދާގައި ބަޔާންކޮށްފައިވަނީ ޓޫރިޒަމް ވިޔަފާރިތަކަށް ބޭރު ފައިސާއިން ލިބޭ އާމްދަނީ އެކުގައި ރާއްޖޭގައި ރަޖިސްޓްރީކޮށްފައިވާ ބޭންކަކަށް ޖަމާކުރަންޖެހޭނެ ކަމަށް ކަމަށާއި މިހާރު ގަވާއިދުގައިވެސް އޮންނަނީ އެގޮތަށް ކަމަށް ފިރުޒުލް ވިދާޅުވިއެވެ.
“އަލަށް ބިލުގައި، ޑޮލަރުން ލިބޭ އާމްދަނީ ޖަމާކުރުން އިތުރަށް ހަރުކަށިކޮށް ފުޅާކޮށްފައިވޭ. މިގޮތުން ޓޫރިޒަމް ވިޔަފާރި ނޫން ވިޔަފާރިތަކުގެ ތެރެއިން އަހަރަކު މަދުވެގެން 20 މިލިއަން ޑޮލަރުގެ އާމްދަނީ ލިބޭ ވިޔަފާރިތަކުންވެސް އެ ފަރާތްތަކަށް ލިބޭ ބޭރު ފައިސާގެ އާމްދަނީ ދިވެހިރާއްޖޭގެ ބޭންކަކަށް ޖަމާކުރަންޖެހޭނެ ކަމުގައި ބަޔާންކޮށްފައިވޭ.” އަލަށް އެކުލަވާލާފައިވާ ޑްރާފްޓަށް ފާޑު ވިދާޅުވާ ފަރާތްތަކަށް ރައްދު ދެއްވަމުން ފިރުޒުލް ވިދާޅުވިއެވެ.
އަދިހަމަ އެހެންމެ ގަވާއިދުގައި ނެތްކަމަކަށް މި ބިލުގައި އައު ކަމަކަށް މާރުކުރުމާ ގުޅޭ ގޮތުން ތައާރަފުކޮށްފައިވަނީ ތިން އިސްތިސްނާ ހާލަތެއްކަން ފިރުޒުލް ފާހަގަ ކުރަށްވާފައިވެއެވެ.
“އެއީ އެ ތިން ބާވަތެއްގެ ފަތުރުވެރިން ޑޮލަރު މާރުކުރާއިރު ހިމަނަންނުޖެހޭ ގޮތަށް ހިމަނާފައިވާ އިސްތިސްނާއެކެވެ. އެއީ: ގިނަވެގެން 24 ގަޑިއިރު ހޭދަނުކުރާ ޓޫރިސްޓުން. އުމުރުން ދެ އަހަރު ފުރިހަމަނުވާ ކުޑަކުދިން. ހިލޭ ނުވަތަ ކޮމްޕްލިމެންޓަރީކޮށް ތިބޭ ފަރާތްތައް.” އަލަށް ތަޢާރަފް ކުރާ ޤާނޫނު ރައްޔިތުންނަށް އިތުރަށް ތިލަކޮށް ދެއްވަމުން ފިރުޒުލް ވިދާޅުވިއެވެ.
އަދި އަލަށް ތަޢާރަފް ކުރާ ޤާނޫނާއެކު އެންމެ ބޮޑު ފައިދާއެއް ކުރާނީ ރައްޔިތުންނަށް ކަމަށާއި އެގޮތުން ޤާނޫނާއި ޚިލާފުވާ ފަރާތްތަކަށް އަދަބު ދެވޭނެ އުސޫލުތައްވެސް ޤާނޫނުގައި ހިމަނާފައިވާނެ ކަމަށް ގަވަރުނަރު ވިދާޅުވިއެވެ.
ކިޔުންތެރިންގެ ހިޔާލު