ފެނާއި ނަރުދަމާގެ ހިދުމަތް މެދުނުކެނޑި ފޯރުކޮށްދިނުމަށް ޒަމާނީ އާ ޓެކްނޮލޮޖީ ވަސީލަތްތައް އިތުުރުކުރަމުންދާ ކަމަށް އެމްޑަބްލިއުޑީސީގެ މެނޭޖިން ޑިރެކްޓަރު އަބްދުލް މަތީން މުހައްމަދު ވިދާޅުވެއްޖެ އެވެ.

ރޭ ސަލާހުއްދީން ސްކޫލުގައި ބޭއްވި އެމްޑަބްލިޔުއެސްސީގެ މި އަަހަރުގެ ސްޓާފް އެވޯޑް ނައިޓް ހަފްލާގައި ވާހަކަ ދައްކަވަމުން މަތީން ވިދާޅުވީ ކުންފުނީގެ މުވައްޒަފުންގެ ކުރިއެރުމާއ،ި ލާބައާއި މަންފާއަށް ގިނަ މަސައްކަތްތަކެއް ވޭދުވެދިޔަ އަހަރު ކޮށްފައިވާ ކަމަށެވެ.

އެގޮތުން އެކި ދާއިރާތަކުން މުވައްޒަފުން ބިނާކުރުމަށްޓަކައި ކުރު މުއްދަތުގެ ތަމްރީނު ޕްރޮގްރާމްތަކާއި ދިގު މުއްދަތުގެ ސްކޮލަރޝިޕް ޕްރޮގްރާމްތަކުގެ ފުރުސަތުތައް ފަހިކޮށްދީ މުވައްޒަފުންގެ ދުޅަހެޔުކަމާއ،ި ސިއްހަތާއި ވަޒީފާގެ މާހައުލުގައި ހިތްހަމަޖެހުން އަށަގެންނެވުމަށް މަސައްކަތްތަކެއް ކުރެވިފައިވާކަން އެމްޑީ ފާހަގަކުރެއްވި އެވެ.

ހަމަ އެއާއެކު ފެނާއި ނަރުދާމާގެ ހިދުމަތަކީ ކޮންމެ ރައްޔިތެއްގެ ދިރިހުރުމާއި ގުޅިފައިވާ އަސާސީ ހިދުމަތެއްކަން ފާހަގަކުރައްވައި އެމްޑީ ވިދާޅުވީ އެ ކުންފުނިން ފޯރުކޮށްދޭ ފެނާއި ނަރުދަމާގެ ހިދުމަތް މެދުކެނޑުމެއްނެތި ފޯރުކޮށްދިނުމަށް ޒަމާނީ އާ ޓެކްނޮލޮޖީއާއި ވަސީލަތްތައް އިތުރުކޮށް ހިދުމަތްތައް އިތުރަށް ތަރައްގީކުރުމަށް ގިނަ މަސައްކަތްތަކެއް ކުރަމުންދާ ކަމަށެވެ.

އަދި ސަރުކާރުން އެމްޑަބްލިއުއެސްސީއާ ހަވާލުކޮށްގެން ކުރިޔަށް ގެންދާ ގިނަ މަޝްރޫޢު ތަކުގެ މަސައްކަތްތައް ނިމިފައިވާ އިރ،ު އިތުރު މަޝްރޫޢުތަކުގެ މަސައްކަތަތްތައް މެދުނުކެނޑި ކުރިޔައްދާކަމަށް ވެސް އެމްޑީ ވިދާޅުވި އެވެ.

ރޭ އެމްޑީ ވަނީ ކުންފުނީގެ މުވައްޒަފުންގެ ހުނަރާއި މުވައްޒަފުންގެ ބުރަ މަސައްކަތް ފާހަގަކުރައްވައި ހިތްވަރު ދެއްވައިފަ އެވެ.