ރައީސް އިބްރާހިމް މުހަންމަދު ސޯލިހަކީ ގޮތެއް ފޮތެެއް ނެތް ބޭފުޅެއް ކަމަށާއި މީހަކު އެއްޗެކޭ ބުނެލާއިރަށް ފުލުސް އޮފީހަށް "ދަމަން ނުޖެހޭނެ" ކަމަށް ކުރީގެ ރައީސް ޑރ.މުހަންމަދު ވަހީދު ހަސަން މަނިކު ވިދާޅުވެެއްޖެއެވެ.
އިދިކޮޅު ފަރާތްތަކުން ބޭއްވި އިހުތިޖާޖުގައި އެޗްޕީއޭގެ ގައިޑްލައިން އާއި ޚިލާފަށް އަމަލު ކުރި ކަމަށް ބުނެ ރައީސް ޑރ. ވަހީދު މިއަދު ވަނީ ފުލުސް އޮފީހަށް ހާޒިރުކޮށްފައެވެ.
މިއަދު ފުލުހުންގެ އިދާރާއަށް ހާޒިރުވެ ވަޑައިގެންނެވުމަށް ފަހު ނޫސްވެރިންނާ ބައްދަލު ކުރައްވާ ވާހަކަފުޅު ދައްކަވަމުން ޕްރޮގުރެސިވް ކޯލިޝަންގެ އެޑްވައިޒަރ ރައީސް ވަހީދު ވިދާޅުވީ ފުލުހަށް ހާޒިރު ކުރެވިފައިވަނީ އިދިކޮޅުން ބޭއްވި ސައިކަލު ބުރާއި ގުޅިގެން އެދުވަހު މާސްކު ނާޅައި ހުރި ކަމަށް ތުހުމަތު ކުރެވޭތީ އެކަމާއި ބެހޭ ގޮތުން ސުވާލު ކުރުމަށް ކަމަށް ފުލުހުން ބުނެފައިވާ ކަމަށެވެ. އެހެން ނަމަވެސް އެމަނިކުފާނު މާސްކު ނެންގެވީ ވާހަކަ ދައްކަވަން އުނދަގޫވާތީ، ވާހަކަ ދެއްކެވުމަށް އެކަނި ކަމަށް ރައީސް ވަހީދު ވިދާޅުވިއެވެ.
ޑރ. ވަހީދު ވިދާޅުވީ، އެކަހަލަ މައްސަލައަކާއި ގުޅިގެން އެމަނިކުފާނު ފުލުހަށް ހާޒިރުކޮށް ސުވާލު ކޮށްފައިވާއިރު ދާދިފަހުން ރައީސް ނަޝީދު ލިޔުއްވި "ދެރަދުން" ނަމަކަށް ކިޔާ ފޮތް ނެރުއްވި ހަފުލާގައި އެ ފޮތް ބައްލަވައި ގެންނެވި މީހުންނަށް ފޮތުގައި ސޮއި ކުރެއްވުމަށް ބޭއްވި އިވެންޓުތަކުގައި ރައީސް ނަޝީދު މާސްކު ނާޅުއްވާ މީހުންނާއި އެކީގައި އުޅުއްވި މަންޒަރު ފެނިފައިވާ ކަމަށެވެ. އޭގެ އިތުރުން ނުރަސްމީ ދަތުރުފުޅެއްގައި އިނގިރޭސިވިލާތަށް ފުރާވަޑައިގަތުމަށް އެއާޕޯޓުގައި ވެސް އެތައް ބަޔަކު ގޮވައިގެން ރައީސް ނަޝީދު މާސްކު ނާޅުއްވާ އިންނެވި މަންޒަރުވެސް ފެނިފައިވާ ކަމަށް ޑރ. ވަހީދު ވިދާޅުވިއެވެ،
އެހެން ކަމުން ރައީސް ނަޝީދު މާސްކު ނާޅުއްވައިގެން ފުލުހަށް ހާޒިރު ނުކޮށް އެމަނިކުފާނު ފުލުހަށް ހާޒިރު ކުރުން މިއީ ސިޔާސީ ކަމެއް ކަމަށް ރައީސް ޑރ. ވަހީދު ވިދާޅުވިއެވެ.
"އަޅުގަނޑު ސަރުކާރާއި އިދިކޮޅުގައި ހުރީމަ މިގެނައީ ފުލުސް އޮފީހަށް. އެހެން ނޫނިއްޔާ އަޅުގަނޑެއް ނުގެންދާނެ." ޑރ. ވަހީދު ވިދާޅުވިއެވެ.
ރައީސް ޑރ. ވަހީދު ވިދާޅުވީ ފުލުހުން މިއަދު ކުރި ސުވާލުތަކަށް އެމަނިކުފާނު ޖަވާބު ނުދެއްވާ ކަމަށާއި، ވަކީލަކު ހަމަޖެއްސެވުމުގެ ފުރުސަތަކަށް މިއަދު އެދިވަޑައިގެންނެވި ކަމަށެވެ. ރައީސް ޑރ. ވަހީދު ވިދާޅުވީ މިފަދަ ކަންކަމުގައި ފުލުހުންގެ އިދާރާއަށް ހާޒިރު ކުރެއްވުމަކީ ފުލުހުން ސިޔާސީ ގޮތުން ބޭނުން ކުރުން ކަމަށެވެ.
ރައީސް ވަަހީދު ވަނީ ފުލުހުން ސިޔާސީ ގޮތުން ބޭނުން ނުކުރުމަށް ސަރުކާރަށް ގޮވާލައްވާފައެވެ. ރައީސް އިބްރާހިމް މުހައްމަދު ސޯލިހަކީ މިއަށް ވުރެ ފުދޭ، ހިތްވަރު ހުރި ބޭފުޅަކަށް ވާންޖެހޭ ކަމަށްވެސް ޑރ. ވަހީދު ވިދާޅުވިއެވެ.
" އަޅުގަނޑުމެން ހަމަ އެއްފަހަރު އަގައިން ބުނާއިރަށް ނުޖެހޭ ފުލުސް އޮފީހަށް ދަމާކަށް. އަޅުގަނޑުމެން މިހާ ދަށު ދަރަޖައަކަށް ވައްޓާލުން ދަންނަވާލަން ބޭނުންވަނީ ރައީސުލްޖުމުހޫރިއްޔާގެ އެއްވެސް ގޮތެއް ފޮތެއް ނެތީއޭ. މިއަދު އަޅުގަނޑަށް ދެވިދާނެ ފުލުސް އޮފީހަށް. އެކަމު ދިވެހިރައްޔިތުންނަށް ފެންނާނެ މިއަދު އަޅުގަނޑު އެކަނި ނޫންކަން މާސްކް ނެއްޓިފައި ހުއްޓާ ފެންނަނީ." ޑރ. ވަހީދު ވިދާޅުވިއެވެ.
ރައީސް ވަހީދު ވިދާޅުވީ ކޮވިޑް ކޮންޓްރޯލް ކުރުމުގައި ސަރުކާރު އޮތީ ފެއިލްވެފައި ކަމަށެވެ.
މިއަދު ފުލުހުންގެ އިދާރާއަށް ހާޒިރުވެ ވަޑައިގެންނެވުމަށް ފަހު ނޫސްވެރިންނާ ބައްދަލު ކުރައްވާ ވާހަކަފުޅު ދައްކަވަމުން ޕްރޮގުރެސިވް ކޯލިޝަންގެ އެޑްވައިޒަރ ރައީސް ވަހީދު ވިދާޅުވީ ފުލުހަށް ހާޒިރު ކުރެވިފައިވަނީ އިދިކޮޅުން ބޭއްވި ސައިކަލު ބުރާއި ގުޅިގެން އެދުވަހު މާސްކު ނާޅައި ހުރި ކަމަށް ތުހުމަތު ކުރެވޭތީ އެކަމާއި ބެހޭ ގޮތުން ސުވާލު ކުރުމަށް ކަމަށް ފުލުހުން ބުނެފައިވާ ކަމަށެވެ. އެހެން ނަމަވެސް އެމަނިކުފާނު މާސްކު ނެންގެވީ ވާހަކަ ދައްކަވަން އުނދަގޫވާތީ، ވާހަކަ ދެއްކެވުމަށް އެކަނި ކަމަށް ރައީސް ވަހީދު ވިދާޅުވިއެވެ.
ޑރ. ވަހީދު ވިދާޅުވީ، އެކަހަލަ މައްސަލައަކާއި ގުޅިގެން އެމަނިކުފާނު ފުލުހަށް ހާޒިރުކޮށް ސުވާލު ކޮށްފައިވާއިރު ދާދިފަހުން ރައީސް ނަޝީދު ލިޔުއްވި "ދެރަދުން" ނަމަކަށް ކިޔާ ފޮތް ނެރުއްވި ހަފުލާގައި އެ ފޮތް ބައްލަވައި ގެންނެވި މީހުންނަށް ފޮތުގައި ސޮއި ކުރެއްވުމަށް ބޭއްވި އިވެންޓުތަކުގައި ރައީސް ނަޝީދު މާސްކު ނާޅުއްވާ މީހުންނާއި އެކީގައި އުޅުއްވި މަންޒަރު ފެނިފައިވާ ކަމަށެވެ. އޭގެ އިތުރުން ނުރަސްމީ ދަތުރުފުޅެއްގައި އިނގިރޭސިވިލާތަށް ފުރާވަޑައިގަތުމަށް އެއާޕޯޓުގައި ވެސް އެތައް ބަޔަކު ގޮވައިގެން ރައީސް ނަޝީދު މާސްކު ނާޅުއްވާ އިންނެވި މަންޒަރުވެސް ފެނިފައިވާ ކަމަށް ޑރ. ވަހީދު ވިދާޅުވިއެވެ،
"އަޅުގަނޑު ސަރުކާރާއި އިދިކޮޅުގައި ހުރީމަ މިގެނައީ ފުލުސް އޮފީހަށް. އެހެން ނޫނިއްޔާ އަޅުގަނޑެއް ނުގެންދާނެ." ޑރ. ވަހީދު ވިދާޅުވިއެވެ.
ރައީސް ޑރ. ވަހީދު ވިދާޅުވީ ފުލުހުން މިއަދު ކުރި ސުވާލުތަކަށް އެމަނިކުފާނު ޖަވާބު ނުދެއްވާ ކަމަށާއި، ވަކީލަކު ހަމަޖެއްސެވުމުގެ ފުރުސަތަކަށް މިއަދު އެދިވަޑައިގެންނެވި ކަމަށެވެ. ރައީސް ޑރ. ވަހީދު ވިދާޅުވީ މިފަދަ ކަންކަމުގައި ފުލުހުންގެ އިދާރާއަށް ހާޒިރު ކުރެއްވުމަކީ ފުލުހުން ސިޔާސީ ގޮތުން ބޭނުން ކުރުން ކަމަށެވެ.
" އަޅުގަނޑުމެން ހަމަ އެއްފަހަރު އަގައިން ބުނާއިރަށް ނުޖެހޭ ފުލުސް އޮފީހަށް ދަމާކަށް. އަޅުގަނޑުމެން މިހާ ދަށު ދަރަޖައަކަށް ވައްޓާލުން ދަންނަވާލަން ބޭނުންވަނީ ރައީސުލްޖުމުހޫރިއްޔާގެ އެއްވެސް ގޮތެއް ފޮތެއް ނެތީއޭ. މިއަދު އަޅުގަނޑަށް ދެވިދާނެ ފުލުސް އޮފީހަށް. އެކަމު ދިވެހިރައްޔިތުންނަށް ފެންނާނެ މިއަދު އަޅުގަނޑު އެކަނި ނޫންކަން މާސްކް ނެއްޓިފައި ހުއްޓާ ފެންނަނީ." ޑރ. ވަހީދު ވިދާޅުވިއެވެ.
ރައީސް ވަހީދު ވިދާޅުވީ ކޮވިޑް ކޮންޓްރޯލް ކުރުމުގައި ސަރުކާރު އޮތީ ފެއިލްވެފައި ކަމަށެވެ.
ކިޔުންތެރިންގެ ހިޔާލު